Atuartiguk2024-mut Nukissiorfiit ukiumoortumik naatsorsuutaat
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Nukissiorfiit 2024-mi ukiumut naatsorsuusiorfiusumut ukiumoortumik naatsorsuutaat Naalakkersuisut akueraat. Naatsorsuutit takutippaat amigartoorutit 60,2 mio. koruuniusut. Tamanna 2023-mut sanilliullugu pitsanngoriarneruvoq, tassani Nukissiorfiit 86,2 mio. koruuninik amigartooruteqarmat. Angusat takutippaat Nukissiorfiit aningaasaqarnerat suli oqimaaqatigiilersimanngitsoq.
Nukissiorfiit 2023-mut sanilliullugu amigartoorutini 26 mio. koruuninik annikillisippai. Pitsanngoriarneranut ilaatigut pissutaavoq innaallagiamut imermullu akigititat 3,5 %-inik iluarsineqarsimanerat, 2024-mi juulimi aalajangiunneqartoq, tamannalu 30 mio. koruunit missaannik isertitaqarnerunermut iluaqutaasimavoq.
Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen oqarpoq: “Nukissiorfiit aningaasaqarnerat oqimaaqatigiinngitsoq ajornartorsiutaavoq ilisimalluarneqartoq. Nukissiorfiit isertitai aningaasartuutaalu imminnut ataqatigiinngitsut, ukiorpassuarni paasisariaqartarsimavarput. Tamatumunnga pissutaasut siusinnerusukkut qulaajaavigineqarput, tamanullu saqqummiunneqarlutik aammalu pilersaarut naatsorsuutini oqimaaqatigiilersitsisussaq aallartinneqarluni. Nukissiorfiit ilungersuuteqarnerit taakkua pillugit suleqatiginissaa, Nukissiuutinut suliassaqarfimmut Naalakkersuisutut akisussaasutut uannut pingaaruteqarpoq. Nukissiorfiit atugassarititaasut ajornakusoortut tunngavigalugit sullissinermik inuiaqatigiinni pinngitsoorneqarsinnaanngitsumik pilersuisuuvoq. Tamanna innaallagiamik, imermik kiassarnermillu aalajaatsumik pilersorneqarnissaq pisariaqartipparput. Nukissiorfiit tamatuminnga pilersuinissaa naatsorsuutigaarput, peqatigisaanillu aamma atortut illuutillu tamatumunnga atasut tamaasa aserfallatsaaliornissaat nutartertarnissaallu aamma isumagisussaavaa. Tamanna suliassaavoq annertooq aammalu Nukissiorfiit suliassaq taanna ilungersuullugu tigusimammagu akuersaarpara”.
Paasissutissanik annertunerusunik piniarnermi: paasissutissanik annertunerusunik piniarnermi attaveqarfigineqassaaq Naalakkersuisup allattaa Jeanette L. Petersen, jalp@nanoq.gl imaluunniit oqarasuaat angallattagaq 265476.
Nukissiorfiit 2023-mut sanilliullugu amigartoorutini 26 mio. koruuninik annikillisippai. Pitsanngoriarneranut ilaatigut pissutaavoq innaallagiamut imermullu akigititat 3,5 %-inik iluarsineqarsimanerat, 2024-mi juulimi aalajangiunneqartoq, tamannalu 30 mio. koruunit missaannik isertitaqarnerunermut iluaqutaasimavoq.
Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen oqarpoq: “Nukissiorfiit aningaasaqarnerat oqimaaqatigiinngitsoq ajornartorsiutaavoq ilisimalluarneqartoq. Nukissiorfiit isertitai aningaasartuutaalu imminnut ataqatigiinngitsut, ukiorpassuarni paasisariaqartarsimavarput. Tamatumunnga pissutaasut siusinnerusukkut qulaajaavigineqarput, tamanullu saqqummiunneqarlutik aammalu pilersaarut naatsorsuutini oqimaaqatigiilersitsisussaq aallartinneqarluni. Nukissiorfiit ilungersuuteqarnerit taakkua pillugit suleqatiginissaa, Nukissiuutinut suliassaqarfimmut Naalakkersuisutut akisussaasutut uannut pingaaruteqarpoq. Nukissiorfiit atugassarititaasut ajornakusoortut tunngavigalugit sullissinermik inuiaqatigiinni pinngitsoorneqarsinnaanngitsumik pilersuisuuvoq. Tamanna innaallagiamik, imermik kiassarnermillu aalajaatsumik pilersorneqarnissaq pisariaqartipparput. Nukissiorfiit tamatuminnga pilersuinissaa naatsorsuutigaarput, peqatigisaanillu aamma atortut illuutillu tamatumunnga atasut tamaasa aserfallatsaaliornissaat nutartertarnissaallu aamma isumagisussaavaa. Tamanna suliassaavoq annertooq aammalu Nukissiorfiit suliassaq taanna ilungersuullugu tigusimammagu akuersaarpara”.
Paasissutissanik annertunerusunik piniarnermi: paasissutissanik annertunerusunik piniarnermi attaveqarfigineqassaaq Naalakkersuisup allattaa Jeanette L. Petersen, jalp@nanoq.gl imaluunniit oqarasuaat angallattagaq 265476.
Pissusiviusut:
Nukissiorfiit aningaasaqarnerat ’akigititat imminerminiiginnartussaanerat’ pillugu tunngaviusoq malillugu ingerlanneqarpoq. Tamanna isumaqarpoq Nukissiorfiit sinneqartooruteqartartussaanngitsoq, kisianni tamatumunnga taarsiullugu aningaasrtuutai isertitaalu imminnut oqimaaqatigiissasut.
Aqutsinermut nalunaarusiap 2022-meersup takutippaa Nukissiorfiit annertoorujussauarmik aningaasaleeqqinnissamut pisariaqartitsisoq. Nukissiorfiit kingullermik misissuinerminni iluarsaassinissamut pisariaqartitsineq ukiut
20-t tulliuttut ingerlaneranni 1,8 mia. koruunit missaannut missiliorpaat.