AtuartigukNaalakkersuisoq Ilinniartitaanermut Nivi Olsen Islandimi ilinniarnertuunngorniarfimmut pulaarpoq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Naalakkersuisoq Ilinniartitaanermut Nivi Olsen pulaarpoq Verzlunarskóli-mut, Reykjavikimiittumut, tassani ingerlanneqartarpoq Nordatlantisk gymnasieklasse, GUX Sisimiut suleqatigalugu.
Pulaarnerani kalaallit atuartut naapippai, oqaloqatigalugillu, Islandimi atuarnertik kiisalu siunissamut pilersaarutaat pillugit.
Taamatuttaaq pulaarneq periarfissiivoq Islandip ilinniartitaanermut aaqqissuussaaneranik paasisaqarnerunissamut, suleqatigiinnermut periarfissanik eqqartuiffiulluni.
Sukumiinerusumik paasisaqarusukkuit naalakkersuisup allattaa, Kresten Lennert, attavigiuk e-mail: krtl@nanoq.gl
