Atuartiguk2025-mi nipisanniarnermut piffissap aalisarfiusup sivitsorneqarnera
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoq
Naalakkersuisut 2025-mi nipisannik arnarlunniarnermut piffissap aalisarfiusup sivitsornissaa Namminersorlutik Oqartussat nalunaarutaat naapertorlugu maajip 28-anni akuerivaat. Nalunaarut taanna naapertorlugu inuussutissarsiutigalugu 2025-mi nipisannik arnarlunniarnermut piffissaq aalisarfiusoq qaammatisiutit ulluinik 20-nik sivitsorneqarpoq, taamaalilluni piffissaq qaammatisiutit ulluini 80-ini sivisunerpaamik sivisussuseqarsinnaassaaq imaluunniit pisassat nungunnissaasa tungaannut.
Aqutsiveqarfinni attuumassuteqartuni pisassat nunguppata, aalisarneq matuneqassaaq. Taamaammat aalisarnerit pisassat nungunneri pissutaallutik matuneqartut allannguummiit sunnerneqassanngillat. Taamaalilluni aqutsiveqarfik 1C, KANUAPNA-mit nalunaarutigineqartoq, maajip 31-anni matussaaq, aqutsiveqarfinnili 1F, 1E, 1D, 1Bb, 1Ba aamma 1A piffissaq aalisarfiusoq sivitsorneqassalluni.
Aqutsiveqarfinni pisassanik suli nungutsiviunngitsuni aamma piffissami ullunik 60-inik aalisarfissalinni piffissarititaasoq naaliivissuni, aalisarneq ullunik 20-nik ilaneqaqqissaaq imaluunniit pisassat nungunnissaasa tungaannut sivitsuisoqassalluni.
Pisassiissutit aalisarneqartut KANUAPNA-p nittartagaatigut malinnaavigineqarsinnaapput https://gfjk.gl/
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl