AtuartigukNaalakkersuisut Kommune Kujallerlu peqatigiilluni suliniuteqarnissaq pillugu isumaqatigiissusiorput
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Ilaqutariinni pinaveersaartitsinermik suliaqarnerup patajaallisarneratigut meeqqat inuusuttullu angerlarsimaffiup avataanut inissinneqarsimasut amerlassusii ikilisinniarlugit illuatungeriit suleqatigiinnissamik isumaqatigiissusiorput
Siusissukkut iliuuseqarneq patajaallisarniarlugu aamma meeqqat inuusuttullu angerlarsimaffiup avataanut inissinneqarsimasut amerlassusii ikilisinniarlugit ilaqutariinni pinaveersaartitsinermik suliaqarneq pillugu Kommune Kujalleq piffissami ukiunik marlunnik sivisussusilimmik Naalakkersuisunik suleqateqassapput.
Peqatigiilluni suliniuteqarnissaq pillugu ulloq 13 maj 2025 Naalakkersuisut Kommune Kujallerlu isumaqatigiissusiorput.
”Kommune Kujalleq qanimut suleqatigiilluareernitta pinaveersaartitsinermut inissiisarnermullu suliassaqarfimmi peqatigiilluta suliniuteqarnissatsinnut isumaqatigiissutitta patajaallisinnerussagaa nuannaarutigaara. Pingaarnerpaatut sammineqartussat tassaapput siusissukkut iliuuseqarneq, pinaveersaartitsineq kiisalu meeqqat, inuusuttut ilaqutariillu akornanni atugarliornermi inuunillit atugarissaarnerisa pitsaanerulersinnissaat. Meerartatsinnut inuusuttortatsinnullu aamma ilaqutariinnut inuunerminni atugarliorlutik inissisimasunut siorngarnit annertunerusumik suliatigut tunngavissiilluarnermik ikorfartuinissatsinnut immikkullu ittumik suliniuteqarfiginissaannut qilanaarpunga. Peqatigiilluta suliniuteqarnissatsinnut isumaqatigiissusiornerput ilorraap tungaanut ingerlanitsinni alloriarneruvoq pingaarutilik. Ataatsimooraangatta aaqqiissutissanik pitsaasunik nassaartarpugut. Meeqqat inuusuttullu tamarmik angerlarsimaffinni toqqissisimasuni asannittunilu peroriartussapput.” taama oqarpoq Meeqqanut, Inuusuttunut, Ilaqutariinnullu Naalakkersuisoq, Mads Pedersen.
”Nuannaarutigaarput pinaveersaartitsineq pitsaanerusoq kiisalu meeqqanik inissiisarnerit ikilisinneqarnissaat pillugit pilersaarusiortarnermi suleqatigiinnut toqqagaalluta peqataasussaanngoratta. Kommunitta angisussaanut naleqqiullugu meeqqat angerlarsimaffiup avataanut inissinneqarsimasut amerlavallaarput. Sakkortuumik misigisarpassuaqarnerit meeqqanik sumiginnaanerujussuarnernik kinguneqartut, isumaginninnikkut ajornartorsiutinit annertuunit aallaaveqartunik unammilligassaqartugut tamassuma takutippaa.. Pisariaqarpoq ataatsimoorluta aaqqivigisariaqarnissaat” taama oqarpoq Kommune Kujalleq-mi borgmesteri, Malene Vahl Rasmussen.
Peqatigiilluni suliniuteqarnissaq pillugu isumaqatigiissusiornerit Kommune Kujallermi pinaveersaartitsinermut inissiisarnermullu suliassaqarfimmi allannguinissamik ineriartortitsinissamillu isumaqatigiinnermik angusaqarfiupput. Peqatigiilluni suliniuteqarnissaq pillugu isumaqatigiissusiornerit piffissami 2025-2026-mi atuutissapput.
Attavissaq
Sukumiisumik paasisaqarusukkuit naalakkersuisup allattaa Luutiveeraq Lyberth e-mailikkut luti@nanoq.gl imaluunniit oqarasuaatikkut: +299 34 64 42 attavigiuk.
Siusissukkut iliuuseqarneq patajaallisarniarlugu aamma meeqqat inuusuttullu angerlarsimaffiup avataanut inissinneqarsimasut amerlassusii ikilisinniarlugit ilaqutariinni pinaveersaartitsinermik suliaqarneq pillugu Kommune Kujalleq piffissami ukiunik marlunnik sivisussusilimmik Naalakkersuisunik suleqateqassapput.
Peqatigiilluni suliniuteqarnissaq pillugu ulloq 13 maj 2025 Naalakkersuisut Kommune Kujallerlu isumaqatigiissusiorput.
”Kommune Kujalleq qanimut suleqatigiilluareernitta pinaveersaartitsinermut inissiisarnermullu suliassaqarfimmi peqatigiilluta suliniuteqarnissatsinnut isumaqatigiissutitta patajaallisinnerussagaa nuannaarutigaara. Pingaarnerpaatut sammineqartussat tassaapput siusissukkut iliuuseqarneq, pinaveersaartitsineq kiisalu meeqqat, inuusuttut ilaqutariillu akornanni atugarliornermi inuunillit atugarissaarnerisa pitsaanerulersinnissaat. Meerartatsinnut inuusuttortatsinnullu aamma ilaqutariinnut inuunerminni atugarliorlutik inissisimasunut siorngarnit annertunerusumik suliatigut tunngavissiilluarnermik ikorfartuinissatsinnut immikkullu ittumik suliniuteqarfiginissaannut qilanaarpunga. Peqatigiilluta suliniuteqarnissatsinnut isumaqatigiissusiornerput ilorraap tungaanut ingerlanitsinni alloriarneruvoq pingaarutilik. Ataatsimooraangatta aaqqiissutissanik pitsaasunik nassaartarpugut. Meeqqat inuusuttullu tamarmik angerlarsimaffinni toqqissisimasuni asannittunilu peroriartussapput.” taama oqarpoq Meeqqanut, Inuusuttunut, Ilaqutariinnullu Naalakkersuisoq, Mads Pedersen.
”Nuannaarutigaarput pinaveersaartitsineq pitsaanerusoq kiisalu meeqqanik inissiisarnerit ikilisinneqarnissaat pillugit pilersaarusiortarnermi suleqatigiinnut toqqagaalluta peqataasussaanngoratta. Kommunitta angisussaanut naleqqiullugu meeqqat angerlarsimaffiup avataanut inissinneqarsimasut amerlavallaarput. Sakkortuumik misigisarpassuaqarnerit meeqqanik sumiginnaanerujussuarnernik kinguneqartut, isumaginninnikkut ajornartorsiutinit annertuunit aallaaveqartunik unammilligassaqartugut tamassuma takutippaa.. Pisariaqarpoq ataatsimoorluta aaqqivigisariaqarnissaat” taama oqarpoq Kommune Kujalleq-mi borgmesteri, Malene Vahl Rasmussen.
Peqatigiilluni suliniuteqarnissaq pillugu isumaqatigiissusiornerit Kommune Kujallermi pinaveersaartitsinermut inissiisarnermullu suliassaqarfimmi allannguinissamik ineriartortitsinissamillu isumaqatigiinnermik angusaqarfiupput. Peqatigiilluni suliniuteqarnissaq pillugu isumaqatigiissusiornerit piffissami 2025-2026-mi atuutissapput.
Attavissaq
Sukumiisumik paasisaqarusukkuit naalakkersuisup allattaa Luutiveeraq Lyberth e-mailikkut luti@nanoq.gl imaluunniit oqarasuaatikkut: +299 34 64 42 attavigiuk.