AtuartigukNamminersorlutik Oqartussat aamma GEUS-ip akornanni suleqatigiinnissaq pillugu Naalakkersuisut aamma danskit naalakkersuisuisa akornanni isumaqatigiissut nutarterneqarpoq
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Tallimanngornermi ulloq 9. maj 2025 Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisup, Naaja H. Nathanielsenip, aamma silap pissusaanut, nukissiuutinut pilersuinermullu ministerip Lars Aagaard-ip illuatungeriit ministeriisa pineqartut akornanni suleqatigiinnissamut isumaqatigiissutip nutarterneqarnera atsiorpaat.
Aatsitassarsiornermik inuussutissarsiuteqarneq Kalaallit Nunaanni isertitanut annertunerusumik tunngavissaliissasoq pillugu Naalakkersuisut politikkikkut anguniagaannut tunngatillugu Kalaallit Nunaannut aaqqiissutissanut pitsaanerpaamut tapersersornissaannut tapersiinissamullu Naalakkersuisut aamma danskit naalakkersuisuisa akornanni sivisuumik, qanimut pilersitsiviulluartumillu suleqatigiinneq suleqatigiinnissamut isumaqatigiissummi tunngavilerneqarpoq.
Aatsitassanik atortussiassanik, soorlu assersuutigalugu aatsitassat qaqutigoortut saffiugassartaannik, kobolt-inik aamma germanium-iminik, pilersuineq ullumi assigiinngitsunik arlalinnik unammilligassartaqarpoq. Nunami sumiiffinnut politikkikkut soqutigisat, nunarsuarmi niuerfiit sukkasuumik annertusiartornerat aammalu pilersuinerit tulleriiaat kisermaassisussaatitaatinneqartut, taakkua ilaminiinnaraat.
”Ilisimatusarneq Kalaallit Nunaannut aningaasarsiortitsissaaq aammalu tapersersussallugu pingaaruteqarluni. tamanna suleqatigiinnissamut isumaqatigiissummi Naalakkersuisut sinnerlugit atsiukkanni ilaatinneqartut pingaarnerit ilagaat. GEUS-ip aamma Namminersorlutik Oqartussat akornanni 2030 tikillugu ilanngullugulu aatsitassanut suliassaqarfimmi suleqatigiinnissaannut sinaakkutissat isumaqatigiissummi nassuiarneqarput. GEUS piffissami isumaqatigiissuteqarfiusumi ilisimatusarnermik pingaaruteqartumik, nunatsinni nunap ilua pillugu ilisimasaqarnerulersitsisussamik, tapersiissaaq. Ilisimasat taakkua Naalakkersuisut aatsitassanut suliassaqarfiup ineriartortinnissaanik suliaqarneranni ilaatinneqassapput,” oqarpoq Naaja H. Nathanielsen, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq.
”Danskit tungaanniit Kalaallit Nunaata aatsitassanut suliassaqarfik suliffissuaqarnermi pingaaruteqarluinnartunngorlugu allanngortinniarlugu suliaqarneranut pingaaruteqartumut ilisimatusarnermik tapersiisinnaagatta nuannaarutigisorujussuuara. Suleqatigiinnissamut isumaqatigiissut pitsaasorujussuaq maannakkut atsiorparput, tassami ilisimatusarneq Kalaallit Nunaannut annertuumik aningaasarsiortitsilertussaammat,” oqarpoq silap pissusaanut, nukissiuutinut pilersuinermullu ministeri Lars Aagaard.
Paasissutissanik annertunerusunik piniarnermi attaveqarfigineqassaaq Naalakkersuisoqarfimmut pisortaaneq Jørgen T. Hammeken-Holm, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik uani: +299 346846
Aatsitassarsiornermik inuussutissarsiuteqarneq Kalaallit Nunaanni isertitanut annertunerusumik tunngavissaliissasoq pillugu Naalakkersuisut politikkikkut anguniagaannut tunngatillugu Kalaallit Nunaannut aaqqiissutissanut pitsaanerpaamut tapersersornissaannut tapersiinissamullu Naalakkersuisut aamma danskit naalakkersuisuisa akornanni sivisuumik, qanimut pilersitsiviulluartumillu suleqatigiinneq suleqatigiinnissamut isumaqatigiissummi tunngavilerneqarpoq.
Aatsitassanik atortussiassanik, soorlu assersuutigalugu aatsitassat qaqutigoortut saffiugassartaannik, kobolt-inik aamma germanium-iminik, pilersuineq ullumi assigiinngitsunik arlalinnik unammilligassartaqarpoq. Nunami sumiiffinnut politikkikkut soqutigisat, nunarsuarmi niuerfiit sukkasuumik annertusiartornerat aammalu pilersuinerit tulleriiaat kisermaassisussaatitaatinneqartut, taakkua ilaminiinnaraat.
”Ilisimatusarneq Kalaallit Nunaannut aningaasarsiortitsissaaq aammalu tapersersussallugu pingaaruteqarluni. tamanna suleqatigiinnissamut isumaqatigiissummi Naalakkersuisut sinnerlugit atsiukkanni ilaatinneqartut pingaarnerit ilagaat. GEUS-ip aamma Namminersorlutik Oqartussat akornanni 2030 tikillugu ilanngullugulu aatsitassanut suliassaqarfimmi suleqatigiinnissaannut sinaakkutissat isumaqatigiissummi nassuiarneqarput. GEUS piffissami isumaqatigiissuteqarfiusumi ilisimatusarnermik pingaaruteqartumik, nunatsinni nunap ilua pillugu ilisimasaqarnerulersitsisussamik, tapersiissaaq. Ilisimasat taakkua Naalakkersuisut aatsitassanut suliassaqarfiup ineriartortinnissaanik suliaqarneranni ilaatinneqassapput,” oqarpoq Naaja H. Nathanielsen, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq.
”Danskit tungaanniit Kalaallit Nunaata aatsitassanut suliassaqarfik suliffissuaqarnermi pingaaruteqarluinnartunngorlugu allanngortinniarlugu suliaqarneranut pingaaruteqartumut ilisimatusarnermik tapersiisinnaagatta nuannaarutigisorujussuuara. Suleqatigiinnissamut isumaqatigiissut pitsaasorujussuaq maannakkut atsiorparput, tassami ilisimatusarneq Kalaallit Nunaannut annertuumik aningaasarsiortitsilertussaammat,” oqarpoq silap pissusaanut, nukissiuutinut pilersuinermullu ministeri Lars Aagaard.
Paasissutissanik annertunerusunik piniarnermi attaveqarfigineqassaaq Naalakkersuisoqarfimmut pisortaaneq Jørgen T. Hammeken-Holm, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik uani: +299 346846