AtuartigukNaalagaaffeqatigiit Danmark, Kalaallit Nunaat Savalimmiullu nunat avannarliit siuttuisa aasaanerani ataatsimiinneranni Finlandimi peqataassapput
Nassiussisuuvoq: Naalakkersuisut Siulittaasuata Naalakkersuisoqarfia
Nunat avannarliit siuttuisa Finlandimi maajip 26-ani aasaanerani ataatsimiinneranni sillimaniarneq, isumannaallisaaneq inuiaqatigiinnilu nukittorsaaneq eqqartorneqassaaq.
- Nunat avannarliit suleqatigiinnerunissaat pingaartipparput, taamaammat naalagaaffeqatigiinni siuttuusugut ataatsimiinnermut peqataanerput suleqatigiinnermik nukittuumik ersersitsivoq. Nunani avannarlerni Issittumilu sillimaniarnerup ineriartortinnissaa pingaaruteqarpoq. Nunat avannarlerni issittumilu unammilligassagut imminnut attuumassuteqarput, taamaammat pingaaruteqarpoq nunani avannarlerni pissutsit eqqartorneqartillugit Kalaallit Nunaat naligiimmik peqataasinnaanngornissaa.
Naalakkersuisut Siulittaasuat Jens-Frederik Nielsen oqarpoq.
Nunat avannarliit siuttui aasaanerani ataatsimiinneranni peqataasussat tassaapput: Finlandip ministeriunera Petteri Orpo, Ålandimi Naalakkersuisut siuttuat Katrin Sjögren, Islandip ministeriunera Kristrún Frostadóttir, Norgep ministeriunera Jonas Gahr Støre, Sverigep ministeriunera Ulf Kristersson, Danmarkip ministeriunera Mette Frederiksen, Savalimmiuni Naalakkersuisut Siulittaasuat Aksel V. Johannesen kiisalu Naalakkersuisut Siulittaasuat Jens-Frederik Nielsen.
Annertunerusumik paasisaqarniaruit Naalakkersuisut Siulittaasuata allattaa Andreas Poulsen attaveqarfigiuk e-mailikkut: andp@nanoq.gl oqarasuaatikkulluunniit 34 52 80.