AtuartigukGreenland Minerals A/S-imut isumaqatigiissitsiniarnermi suliassap unitsikkallarneqarnissaa pillugu kissaateqarneq Naalakkersuisut akuerinngilaat
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisup, Naaja H. Nathanielsenip, ulloq 6. maj 2025 Energy Transition Minerals-imi (GME A/S-ip ingerlatseqatigiiffik qullersaqarfia Australiameersoq) aqutsisut Københavnimi ataatsimeeqatigai.
Ataatsimiinnermi Naaja H. Nathanielsenip erseqqissarpaa Naalakkersuisut uranimik piiaanissamik inerteqquteqarneq aalajangiusimagaat aammalu uranimut inatsisip allanngortinneqarnissaa pilersaarutaanngitsoq.
Tamatuma saniatigut Kuannersuarni uranimik piiaanissaq pillugu suliassaq, GME A/S-imit aamma Energy Transition Minerals-imit Namminersorlutik Oqartussat suliakkiullugit suliassanngortinneqartoq, taamaallaat Kalaallit Nunaanni eqqartuussivinni ingerlanneqarsinnaasoq aammalu danskit naalagaaffiat suliassami suleqataasutut inissisimasinnaanngitsoq, suli Naalakkersuisut isumaqartut, Naaja H. Nathanielsenip erseqqissarpaa.
GME A/S aamma Energy Transition Minerals suliassanik pingasunik suliakkiissuteqarpoq: isumaqatigiissitsiniarnermut eqqartuussivik Danmarkimiitinneqartoq, Københavnimi byret-imi suliassaq aammalu Kalaallit Nunaanni Eqqartuussivimmi suliassaq. Naalakkersuisut isumaqanngillat suliassaq isumaqatigiissitsiniarnermut eqqartuussivimmi aammalu Københavnimi byret-imi suliassanngortinneqarsinnaasoq, taamaattumillu suliassat taakkua sapinngisamik piaarnerpaamik naammassineqarnissaat sulissutigalugu.
Suliassap Kalaallit Nunaanni Eqqartuussivimmi ingerlanerani isumaqatigiissitsiniarnermut suliassap unitsikkallarneqarnissaa pillugu illuatungiusup eqqartuussissuserisua ukioq manna siusinnerusukkut piumasaqarpoq. Tamanna Naalakkersuisut akerlilerpaat, tassami tamatumani suliassat sivitsorsaqqiinnarneqartussaammata aammalu suliap ingerlanera akitsorsaannarneqartussaalluni. Tamatuma kingorna isumaqatigiissitsiniarnermut eqqartuussiviup piumasaqarneq akuerinngilaa.
Naaja H. Nathanielsen tassunga atatillugu oqarpoq: ”Soqutigisat ersarilluinnartumik akerleriikkaluartut, Energy Transition Minerals A/S-ip ataatsimeeqatigineri tamatigut pissuserissaartumik ingerlasarneri pingaartittorujussuuara. Naalakkersuisut tungaanniit tunngaviusumik tunngaviatigullu suliassaavoq, Naalakkersuisut aalajangiisinnaatitaanerannut aammalu inatsisitta atuuffissannut tunngassuteqartoq. Suliassat Københavnimi Byret-imi imaluunniit isumaqatigiissitsiniarnermut eqqartuussivimmi misilinneqarsinnaannginnerat aalajangiusimavarput aammalu apeqqut taanna paasinarsisinneqartariaqaraluartoq isumaqarluta. Suliassat sivitsorsarneqarnissaat tapersersunngilarput, kisianni suliassani ataasiakkaani eqqartuussisut aalajangiinissaminnut piareernissaasa tungaanut suliassat tamarmik ingerlaannarnissaat kissaatigalugu”.
Paasisaqarnerorusukkuit naalakkersuisoqarfimmi pisortaq Jørgen T. Hammeken-Holm, joeh@nanoq.gl-ikkut imaluunniit oqarasuaatikkut angallattakkakkut 346846-ikkut attaveqarfigiuk.
Ataatsimiinnermi Naaja H. Nathanielsenip erseqqissarpaa Naalakkersuisut uranimik piiaanissamik inerteqquteqarneq aalajangiusimagaat aammalu uranimut inatsisip allanngortinneqarnissaa pilersaarutaanngitsoq.
Tamatuma saniatigut Kuannersuarni uranimik piiaanissaq pillugu suliassaq, GME A/S-imit aamma Energy Transition Minerals-imit Namminersorlutik Oqartussat suliakkiullugit suliassanngortinneqartoq, taamaallaat Kalaallit Nunaanni eqqartuussivinni ingerlanneqarsinnaasoq aammalu danskit naalagaaffiat suliassami suleqataasutut inissisimasinnaanngitsoq, suli Naalakkersuisut isumaqartut, Naaja H. Nathanielsenip erseqqissarpaa.
GME A/S aamma Energy Transition Minerals suliassanik pingasunik suliakkiissuteqarpoq: isumaqatigiissitsiniarnermut eqqartuussivik Danmarkimiitinneqartoq, Københavnimi byret-imi suliassaq aammalu Kalaallit Nunaanni Eqqartuussivimmi suliassaq. Naalakkersuisut isumaqanngillat suliassaq isumaqatigiissitsiniarnermut eqqartuussivimmi aammalu Københavnimi byret-imi suliassanngortinneqarsinnaasoq, taamaattumillu suliassat taakkua sapinngisamik piaarnerpaamik naammassineqarnissaat sulissutigalugu.
Suliassap Kalaallit Nunaanni Eqqartuussivimmi ingerlanerani isumaqatigiissitsiniarnermut suliassap unitsikkallarneqarnissaa pillugu illuatungiusup eqqartuussissuserisua ukioq manna siusinnerusukkut piumasaqarpoq. Tamanna Naalakkersuisut akerlilerpaat, tassami tamatumani suliassat sivitsorsaqqiinnarneqartussaammata aammalu suliap ingerlanera akitsorsaannarneqartussaalluni. Tamatuma kingorna isumaqatigiissitsiniarnermut eqqartuussiviup piumasaqarneq akuerinngilaa.
Naaja H. Nathanielsen tassunga atatillugu oqarpoq: ”Soqutigisat ersarilluinnartumik akerleriikkaluartut, Energy Transition Minerals A/S-ip ataatsimeeqatigineri tamatigut pissuserissaartumik ingerlasarneri pingaartittorujussuuara. Naalakkersuisut tungaanniit tunngaviusumik tunngaviatigullu suliassaavoq, Naalakkersuisut aalajangiisinnaatitaanerannut aammalu inatsisitta atuuffissannut tunngassuteqartoq. Suliassat Københavnimi Byret-imi imaluunniit isumaqatigiissitsiniarnermut eqqartuussivimmi misilinneqarsinnaannginnerat aalajangiusimavarput aammalu apeqqut taanna paasinarsisinneqartariaqaraluartoq isumaqarluta. Suliassat sivitsorsarneqarnissaat tapersersunngilarput, kisianni suliassani ataasiakkaani eqqartuussisut aalajangiinissaminnut piareernissaasa tungaanut suliassat tamarmik ingerlaannarnissaat kissaatigalugu”.
Paasisaqarnerorusukkuit naalakkersuisoqarfimmi pisortaq Jørgen T. Hammeken-Holm, joeh@nanoq.gl-ikkut imaluunniit oqarasuaatikkut angallattakkakkut 346846-ikkut attaveqarfigiuk.