AtuartigukAqutsiveqarfik 47-mi PNNP-mik paggatassiissutinillu aalisartut akornanni agguaassineq
Nassiussisuuvoq: Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik
Umiatsiaararsorlutik aalisartut 450-it aqutsiveqarfik 47-mi; Qeqertarsuup Tunuani, Upernavimmi Uummannamilu Pisassiissutinut Niuerutigineqarsinnaasunut Nammineq Pigisanut, PNNP-nut, ikaarsaarsimanerannut atatillugu Naalakkersuisut 22. maj 2025-mi PNNP-mik paggatassiissutinillu aalisartut akornanni aqutsiveqarfiit immikkoortuinut tamanut agguaassinermi najoqqutassamik nutaamik aalajangersaasimapput.
Agguaassinermi najoqqutassaq allanngorartuuvoq ukiullu tamaasa aqutsiveqarfiit immikkoortuini umiatsiaararsortut kajumissutsimik PNNP-mut nuuttut tunngavigalugit allanngortassalluni.
Aqutsiveqarfinnut tamanut agguaassinermi najoqqutaq aqutsiveqarfinni tamani PNNP-mik aalisartut1 paggatassiissutinillu aalisartut agguataarsimanerannut tunngaveqarpoq, 2025-milu ima isikkoqassalluni:
Tamanna agguaaneq aqutsiveqarfik 47-mi PNNP-mik paggatassiissutinillu aalisarnerit akornanni pitsaanerpaamik oqimaaqatigiissitsissangatinneqarpoq, matumanilu qulakkeerlugu PNNP-mik aalisartut pitsaanerpaamik atugaqarnissaat kiisalu umiatsiaararsortut isertitaqarnerulersinnaalernissaat.
Aqutsiveqarfik 47-mi aalisarsinnaanermut akuersissummik peqaraanni, aqutsiveqarfinni pingasuni tamani killeqanngitsumik aalisaannartoqarsinnaassaaq, PNNP-mik paggatassiissutinilluunniit aalisartuugaanni. Sumiiffiup aqunneqarnera allanngunngilaq.
Ukiut tamaasa Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfik aalisartunik paggatassiissutinik aalisarnermiit PNNP-mut nuuttoqarnerata kingorna agguataarineq nutaaq kiisalu Aalisarnerit aalisarnermi pisassiissutit niuerutigineqarsinnaasut pillugit aaqqissuussamiittut pillugit Namminersorlutik Oqartussat nalunaarutaanni (PNNP pillugu nalunaarut) § 11 naapertorlugu paggatassiissutinik aalisartut TAC-p minnerpaamik 5%-ianik qulakkeerniarlugit PNNP-mut nuussinnaaneq matuneqassanersoq pillugu saqqummiisassaaq.
Maannamiit sinerissap qanittuani aalisarnermi pisassiissutinit qaqinneqartunut takussutissami agguataarinermut najoqqutaq KANUAPNA-p nittartagaani takuneqarsinnaalissaaq.
Itinerusumik paasisaqarnerorusukkuit Aalisarnermut Piniarnermut, Nunalerinermut Imminullu Pilersornermut Naalakkersuisoqarfimmut attaveqarsinnaavutit ugguuna: apn@nanoq.gl
_________________________________________________________
1PNNP-mik aalisartut umiatsiaararsortunit angallatersortunillu Pisassiissutinik Niuerutigineqarsinnaasunik Nammineq Pigisalinnit peqataaffigineqarpoq.