AtuartigukNaalakkersuisoq: Avîaja Egede Lynge meeqqatta atugaannik nutaaliortuuvoq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Aviâja Egede Lynge ukiuni qulini Meeqqat pillugit Oqaaseqartartutut siuttooreerluni tunuarpoq. Naalakkersuisoq ukiut ingerlanerini suleqatigiissimanermut pitsaasumut annertuumik qujassutissaqarpoq.
Aviâja Egede Lynge Meeqqat pillugit Oqaaseqartartutut atuuffimmini nunatsinni sineriapput arlaleriarluni angallavigisarsimavaa, meeqqat inuusuttullu tusarnaartarsimallugit ilisimasanillu annertuunik, ilaatigut taakkunannga pisimasaminik, katersisimavoq. Meeqqat pisinnaatitaaffii pillugit sullissiviup misissuineri tunuliaqutaralugit oqartussanut, sulianut ilisimasalinnut inersimasunullu – minnerunngitsumillu meeqqanut atortussanik pingaarutilinnik arlalinnik ineriartortitsisoqarsimavoq. Tamatumunnga assersuutigalugu meeqqat pisinnaatitaaffii pillugit ilinniartitsinermut atugassat aamma nunatsinni meeqqat inuusuttullu atugarissaarnerat atugaallu qitiutillugit atortussat kiisalu nalunaarusiat arlalialuit ilaapput.
”Ukiuni qulerujussuarni Aviâja Egede Lynge nunatsinni meerartagut inuusuttortagullu sinnerlugit ersarissumik nipeqarluni patajaatsumik inissisimasimavoq. Illoqarfinniit illoqarfinnut, nunaqarfinniit nunaqarfinnut angalasimavoq, meeqqat naligalugit tamatigut naapittarsimallugillu tusarnaartarsimavai paasillugillu aamma pisinnaatitaaffii pillugit sorsuuteqartarsimalluni,” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Piviusumi meeqqat pisinnaatitaaffiinik pisariaqartitaannillu qulakkeerinninnissaq pillugu MIO-p innersuussutai nalunaarusiaalu aallaavigalugit Namminersorlutik Oqartussat aammattaaq iliuusissatut pilersaarutinik periusissianillu arlalinnik suliaqarsimavoq. Peqatigisaanik pisinnaatitaaffiit eqquutsinneqarnersut suliniutillu piviusinngortinneqarnersut pillugit Meeqqat pisinnaatitaaffii pillugit sullissivik nakkutiginnittarsimavoq.
Qulequtarineqartut soorlu tassaapput meeqqat nipaat, ilaqutaat toqqissisimanerallu, atornerlunneqannginnissamut illersorneqarneq, ilinniartitaaneq ineriartornerlu kiisalu peqqissuseq inuuniarnerullu pitsaassusaa.
Meeqqat pillugit Naalagaaffiit Peqatigiit Isumaqatigiissutaat malillugu meeqqat pisinnaatitaaffitik pillugit sullinneqarsinnaanissaannut, meeqqanut immikkut ittumik nunatsinnut naleqqussakkamik naammagittaalliortarfeqalissasoq qanittukkut innersuussutigaa.
”Sumiiffimmik meeqqat tusaaneqarsinnaallutillu illersorneqarsinnaaffiannik ineriartortitseqataasimanera pillugu Naalakkersuisut sinnerlugit Aviâja Egede Lynge qujaffigerusuppara. Tamatumunnga sapiissuseq uummateqarnerlu pisariaqarsimavoq qularinngilaralu Aviâjap taakku amigaatigisimanngilluinnarsimagai. Aviâja Egede Lynge meeqqatta atugaannik nutaaliortuuvoq suliniutigisimasailu nalissaqanngitsut nunatta meerartaanut pitsaasumik allannguisimapput sunniuteqarsimaneralu tammarnavianngilaq.” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Maajip 31-iani Aviâja Egede Lynge tunuassaaq taamaalillunilu Meeqqat pillugit Oqaaseqartartutut atuuffia taamaatissalluni.
Sukumiisumik paasisaqarusukkuit naalakkersuisup allattaa Luutiveeraq Lyberth e-mailikkut luti@nanoq.gl imaluunniit oqarasuaatikkut: +299 34 50 00 attavigiuk.
Aviâja Egede Lynge Meeqqat pillugit Oqaaseqartartutut atuuffimmini nunatsinni sineriapput arlaleriarluni angallavigisarsimavaa, meeqqat inuusuttullu tusarnaartarsimallugit ilisimasanillu annertuunik, ilaatigut taakkunannga pisimasaminik, katersisimavoq. Meeqqat pisinnaatitaaffii pillugit sullissiviup misissuineri tunuliaqutaralugit oqartussanut, sulianut ilisimasalinnut inersimasunullu – minnerunngitsumillu meeqqanut atortussanik pingaarutilinnik arlalinnik ineriartortitsisoqarsimavoq. Tamatumunnga assersuutigalugu meeqqat pisinnaatitaaffii pillugit ilinniartitsinermut atugassat aamma nunatsinni meeqqat inuusuttullu atugarissaarnerat atugaallu qitiutillugit atortussat kiisalu nalunaarusiat arlalialuit ilaapput.
”Ukiuni qulerujussuarni Aviâja Egede Lynge nunatsinni meerartagut inuusuttortagullu sinnerlugit ersarissumik nipeqarluni patajaatsumik inissisimasimavoq. Illoqarfinniit illoqarfinnut, nunaqarfinniit nunaqarfinnut angalasimavoq, meeqqat naligalugit tamatigut naapittarsimallugillu tusarnaartarsimavai paasillugillu aamma pisinnaatitaaffii pillugit sorsuuteqartarsimalluni,” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Piviusumi meeqqat pisinnaatitaaffiinik pisariaqartitaannillu qulakkeerinninnissaq pillugu MIO-p innersuussutai nalunaarusiaalu aallaavigalugit Namminersorlutik Oqartussat aammattaaq iliuusissatut pilersaarutinik periusissianillu arlalinnik suliaqarsimavoq. Peqatigisaanik pisinnaatitaaffiit eqquutsinneqarnersut suliniutillu piviusinngortinneqarnersut pillugit Meeqqat pisinnaatitaaffii pillugit sullissivik nakkutiginnittarsimavoq.
Qulequtarineqartut soorlu tassaapput meeqqat nipaat, ilaqutaat toqqissisimanerallu, atornerlunneqannginnissamut illersorneqarneq, ilinniartitaaneq ineriartornerlu kiisalu peqqissuseq inuuniarnerullu pitsaassusaa.
Meeqqat pillugit Naalagaaffiit Peqatigiit Isumaqatigiissutaat malillugu meeqqat pisinnaatitaaffitik pillugit sullinneqarsinnaanissaannut, meeqqanut immikkut ittumik nunatsinnut naleqqussakkamik naammagittaalliortarfeqalissasoq qanittukkut innersuussutigaa.
”Sumiiffimmik meeqqat tusaaneqarsinnaallutillu illersorneqarsinnaaffiannik ineriartortitseqataasimanera pillugu Naalakkersuisut sinnerlugit Aviâja Egede Lynge qujaffigerusuppara. Tamatumunnga sapiissuseq uummateqarnerlu pisariaqarsimavoq qularinngilaralu Aviâjap taakku amigaatigisimanngilluinnarsimagai. Aviâja Egede Lynge meeqqatta atugaannik nutaaliortuuvoq suliniutigisimasailu nalissaqanngitsut nunatta meerartaanut pitsaasumik allannguisimapput sunniuteqarsimaneralu tammarnavianngilaq.” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Maajip 31-iani Aviâja Egede Lynge tunuassaaq taamaalillunilu Meeqqat pillugit Oqaaseqartartutut atuuffia taamaatissalluni.
Sukumiisumik paasisaqarusukkuit naalakkersuisup allattaa Luutiveeraq Lyberth e-mailikkut luti@nanoq.gl imaluunniit oqarasuaatikkut: +299 34 50 00 attavigiuk.