AtuartigukSavalimmiuni ataatsimiinnissaq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Siulittaasuat Jens-Frederik Nielsen Savalimmiuni ataasinngornermi ataatsimiissaaq. Ataatsimiinnermi sammineqassaaq Atlantikup Avannaani Issittumilu politikkikkut sillimaniarnermi inissisimaneq.
- Politikkikkut sillimaniarneq taamatut isikkoqartillungu pingaaruteqarpoq nunarsuarmiiooqataasutut minnerunngitsumillu kalaaliusutut pissutsinik eqqartueqataanissarput taamatuttaaq naleqartitatta iliuusissallu eqqummaariffiginissaat. Taamatut inissisimanermi Norge, Island, Savalimmiut Danmark-illu eqqartueqatiginissaat pingaartutut pissusissamisoortutullu isigaara, Naalakkersuisut Siulittaasuat Jens-Frederik Nielsen oqarpoq.
Ataatsimiinnermi peqataassapput Norgep Ministeriunera Jonas Gahr Støre (Isiginnaarutikkut), Islandip Ministeriunera Kristrùn Frostadòttir, Danmarkip Ministeriunera Mette Frederiksen aammalu Savalimmiuni Naalakkersuisut Siulittaasuat Aksel V. Johannesen.
Immikkut aamma Savalimmiuni Naalakkersuisut Siulittaasuat Aksel V. Johannesen ataatsimeeqatigineqassaaq. Pilersaarutit malillugit Naalakkersuisut Siulittaasuat marlunngornermi Nunatsinnut uteqqissaaq.
Tusagassiorfinnut nalunaarut pillugu attavissaq: Naalakkersuisut Siulittaasuata allattaa Andreas Poulsen, andp@nanoq.gl +299345280