AtuartigukMeeqqanut, Inuusuttunut Ilaqutariinnullu Naalakkersuisup kommunit tamaasa tikeraassavai
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Upernaaru nunap kommunii talllimat Naalakkersuisortaamit, Mads Pedersenimit sapaatip akunnerani matumani tikeraarneqassapput, tamanna isumaginninnermut suliassaqarfiup iluani suleqatigiinnerup patajaallisinneqarnissaanik kissaateqarfiuvoq. Kommunit Naalakkersuisullu akornanni qaninnerusumik oqaloqatigiittarnerat suleqatigiinnerisalu siuarsarneqarnissaat tikeraarnerni siunertarineqarpoq.
Meeqqanut, Inuusuttunut Ilaqutariinnullu Naalakkersuisup, Mads Pedersenip nunap kommunii tallimat tikeraarlugit upernaaq aallartissavaa.
Angalanermini suliassaqarfiit attuumassutillit arlallit pulaassavai, matumani ulloq unnuarlu paaqqinnittarfiit, tassani ulluinnarni suliarisartagaat unammilligassaallu paasisaqarfigissavai. Sumiiffinni pissutsit suleqatigiinnissamillu periarfissat eqqartorniarlugit aammattaaq borgmesterit naapeqatigissavai.
Tamatuma saniatigut meeqqanik naapeqateqarnissani anguniarpaa, taakku isumaat pisariaqartitaallu tusarusullugit oqaloqatigiinnissamut aggersarniarpai.
”Kommunit tikeraarnissaanut innuttaasunillu naapitsinissannut qilanaarpunga. Suleqatigiinnernut tamanut tatiginninneq tunngaviusuuvoq taamaammallu naapinnissarput oqaloqatigiinnissarpullu aalajangiisuuvoq,” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Naalakkersuisup kommunit unammilligassai pillugit suleqateqarlunilu oqaloqatiginissai salliuppaa. Sannginnerpaasut tapersersorumallugit oqartussaasoqarfiit innuttaasut pisariaqartitaannut aallaavigisaannullu eqqarsaasersorfigineqarlutillu tulluarsarneqassasut kissaatigaa, aamma meeqqanik inuusuttunillu inissiisarneq kingullertut periarfissaassasoq naqissuserpaa.
Kommune Kujallermut, Qeqqata Kommunianut, Avannaata Kommunianut, Kommune Qeqertalimmut Kommuneqarfik Sermersuumullu tikeraarnissat ataasinngornermi maajip 12-iani aallartissaaq, tikeraarfissaq siulleq tassaavoq Kommune Kujalleq.
Sukumiisumik paasisaqarusukkuit naalakkersuisup allattaa Luutiveeraq Lyberth e-mailikkut luti@nanoq.gl imaluunniit oqarasuaatikkut: +299 34 64 42 attavigiuk
Meeqqanut, Inuusuttunut Ilaqutariinnullu Naalakkersuisup, Mads Pedersenip nunap kommunii tallimat tikeraarlugit upernaaq aallartissavaa.
Angalanermini suliassaqarfiit attuumassutillit arlallit pulaassavai, matumani ulloq unnuarlu paaqqinnittarfiit, tassani ulluinnarni suliarisartagaat unammilligassaallu paasisaqarfigissavai. Sumiiffinni pissutsit suleqatigiinnissamillu periarfissat eqqartorniarlugit aammattaaq borgmesterit naapeqatigissavai.
Tamatuma saniatigut meeqqanik naapeqateqarnissani anguniarpaa, taakku isumaat pisariaqartitaallu tusarusullugit oqaloqatigiinnissamut aggersarniarpai.
”Kommunit tikeraarnissaanut innuttaasunillu naapitsinissannut qilanaarpunga. Suleqatigiinnernut tamanut tatiginninneq tunngaviusuuvoq taamaammallu naapinnissarput oqaloqatigiinnissarpullu aalajangiisuuvoq,” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Naalakkersuisup kommunit unammilligassai pillugit suleqateqarlunilu oqaloqatiginissai salliuppaa. Sannginnerpaasut tapersersorumallugit oqartussaasoqarfiit innuttaasut pisariaqartitaannut aallaavigisaannullu eqqarsaasersorfigineqarlutillu tulluarsarneqassasut kissaatigaa, aamma meeqqanik inuusuttunillu inissiisarneq kingullertut periarfissaassasoq naqissuserpaa.
Kommune Kujallermut, Qeqqata Kommunianut, Avannaata Kommunianut, Kommune Qeqertalimmut Kommuneqarfik Sermersuumullu tikeraarnissat ataasinngornermi maajip 12-iani aallartissaaq, tikeraarfissaq siulleq tassaavoq Kommune Kujalleq.
Sukumiisumik paasisaqarusukkuit naalakkersuisup allattaa Luutiveeraq Lyberth e-mailikkut luti@nanoq.gl imaluunniit oqarasuaatikkut: +299 34 64 42 attavigiuk