AtuartigukAalisarnermut, Piniarnermut, Nunalerinermut Imminullu Pilersornermut Naalakkersuisup Danmarkimi Inuussutissalerinermut, Nunalerinermut aamma Aalisarnermut ministeri ataatsimeeqatigivaa
Nassiussisuuvoq: Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik
Aalisarnermut, Piniarnermut, Nunalerinermut Imminullu Pilersornermut Naalakkersuisup Peter Borgip danskit Inuussutissalerinermut, Nunalerinermut Aalisarnermullu Ministeriat Jakob Jensen maajip 6-ianni 2025-mi ataatsimeeqatigivaa.
Ataatsimiinnermi oqaluuserineqartoq pingaarneq tassaavoq: Oqartussat marluusut sulisut paarlaasseqatigiillutik suleqatigiinnissamik isumaqatigiissutaat, aamma sulisut piginnaasannik ineriartortitsineq.
Suleqatigiinnermut isumaqatigiissutip ilaatigut imaa tassaavoq Danmarkimi Inuussutissalerinermut, Nunalerinermut aamma Namminersorlutik Oqartussat, Aalisarnermut Ministereqarfiup aamma Aalisarnermut, Piniarnermut, Nunalerinermut Imminullu Pilersornerup Naalakkersoqarfiup suleqatigiinnerisa nukittorsarneqarnissaat. Paaseqatigiilluni sulisut paarlaateqatigiittarnissaasa aamma piginnaasaasa nukittorsarnissaannut periarfissaqarnissaat, tamatumani siunertarineqarluni sulianut assigiinnut ataatsimoorunneqarsinnaasunut ilisimasaqarnerulernissaq aamma sulianut pineqartunut annerusumik paaseqatigiinnerulernissaq.
Ataatsimiinnermi oqaluuserineqartut allat ilaatigut tassaapput:
- Aalisarneq pillugu inatsisip atuutilernera
- Kinamut tunisassiornissamik periarfissat
- Tunisassiat puisineersut
- Uumasunut nakorsaqarfiup aamma inuussutissanut oqartussaaffiup siunissami akisussaaffigilernissaannut periarfissat
- Nunalerinermik suleqatigiinneq, tamatuma akisussaaffigilernerata kingorna
Annerusumik paasisaqarusukkuit Aalisarnermut, Piniarnermut, Nunalerinermut Imminullu Pilersornermut apn@nanoq.gl-imut allallutit amerlanerusunik pisinnaavutit