AtuartigukAalisarnermut, Piniarnermut, Nunalerinermut Imminullu Pilersornermut Peter Borgip KNAPK ataatsimeeqatigivaa
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoq
Naalakkersuisuni ilaasortap KNAPK-p siulittaasua Nikkulaat Jeremiassen marlunngornermi maajip 6-ianni 2025-mi ataatsimeeqatigeeqqaarpaa.
Ataatsimiinneq pitsaasumik paaseqatigiittumik ilisimatitseqatigiinneruvoq.
Ataatsimiinneq pissarsiffiulluarpoq. Aalisarneq aamma piniarneq pillugit ataatsimut suleqatigiilluta aaqqiissutissanik pissanganartunik siunissami suliassarpassuaqarpugut.
Neriuutigaara siunissami suleqatigiilluassalluta. Iluunngarlungalu neriuutigaara paaseqatigilluartumik tatiginneqatigiilluarluta ataqqeqatigiilluartumillu ataatsimut siunnerfeqarluta anguniagaqarlutalu suleqatigiissalluta.
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik paasissutissanik amerlanerusunik pisoqassappat attavigineqarsinnaavoq: apn@nanoq.gl