Atuartiguk2025-mi avaleraasartoortassat aamma ammassassuartassat TAC-at aalajangerneqarpoq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoq
Naalakkersuisut apriilip 24-anni 2025-mi aalajangerpaat 2025-mi avaleraasartoortassat 37.502 tonsiussasut aamma ammassassuartassat 25.000 tonsiussallutik. Avaleraasartoortassat Tunumi nunallu tamalaat aalisariutaataasa aalisarfigisartagaanni aalisarneqarsinnaassapput. Ammassassuartassat Tunumi aalisarneqassapput. Pisassiissutigineqartut ingerlatseqatigiiffiit aalisariutaataannut 2024-mi aalisartunut, tabelimi takuneqarsinnaasutut pisassiissutigineqarput.
Tabel 3. Tunumi nunallu tamalaat aalisariutaataasa aalisarfigisartagaanni avaleraasartoortassatut siunnersuut aamma Tunumi ammassassuartassatut siunnersuut
Avaleraasartuut pisarineqarsinnaasutut innersuussutigineqartut 576.958 tonsiupput. 2024-mut sanilliullugit 22 procentinik ikinnerupput. Naalagaaffiit sineriallit avaleraasartoorniarsinnaasut tassaapput Tuluit Nunaat, Norge, EU, Savalimmiut, Island aamma Kalaallit Nunaat. Rusland aamma avaleraasartoorniarpoq.
Ammassassuit pisarineqarsinnaasutut innersuussutigineqartut 401.794 tonsiupput. 2024-mut sanilliullugit 3 procentinik amerlanerupput. Naalagaaffiit sineriallit ammassassuarniarsinnaasut tassaapput Norge, Island, Rusland, Savalimmiut aamma Tuluit Nunaat. EU aamma Kalaallit Nunaat aamma ammassassuarniartuupput.
Aalisarnerit ugguuna Kalaallit Nunaanni Aalisarnermut Piniarnermullu Nakkutilliisoqarfikkut malinnaavigineqarsinnaapput:
https://gfjk.gl/ka/pisassiissutit-nalunaarsorneri/avataasiortut-aalisakkanik-assigiinngitsunik-pisaqarsimanerisa-killiffii/
Sukumiinerusumik paasisaqarusukkaanni immikkoortortaqarfimmi pisortaq Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl