AtuartigukTasiilami aalisarneq pillugu iluatsilluartumingaasit isumasioqatigiissitsisoqarpoq
Nassiussisuuvoq: Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik
Assi: Knud Olsen Egede
Naalakkersuisut pingaartippaat Tunumi aalisarnerup ineriartortinneqarnissaa, tamannalu aalisartunik qanimut oqaloqateqarnikkut ataqatigiissaarinikkullu aatsaat pisinnaavoq. Tamanna tunngavigalugu Aalisarnermut, Piniarnermut Nunalerinermut Imminullu Pilersornermut Naalakkersuisoqarfiup
Tunumi aalisarnerup ineriartortinneqarnissaanut pilersaarut 2024-2030 tunngavigalugu aappassaannik Tasiilimi apriilip 27-annit 29-annut 2025-mi isumasioqatigiissitsissutigivaa.
Aalisartut Tunumi sumiiffinnit tamanit isumasioqatigiinnermi peqataapput. Isumasioqatigiinneq assigiinngitsorpassuarnik imaqarpoq. Aalisartut amerlasuut siorna isumasioqatigiittoqarmat saqqummiussaat ulluni pingasuni isumasioqatigiinnermi sapinngisamik saqqummiunneqartussatut sammineqarnissaat qulakkeerniarneqarpoq.
Isumasioqatigiinnermi aalisartunut paasissutissanik saqqummiussisoqarpoq, pikkorissaasoqarluni oqallittoqarlunilu, aalisartut aalisarnerup ineriartortinneqarnissaanut pilersaarutip nangittumik suliarineqarnissaanut isummersuuteqartarlutik, Tunumilu aalisarnerup siuarsarneqarnissaa pillugu.
Aalisarnerup ineriartortinnissaanut pilersaarummi anguniarneqartut oqaluuserineqarput, Tunumi aalisarnermi paasissutissat saqqummiunneqarlutik, tunisassiortut tunisisinnaanermut periarfissat pillugit nassuiaassuteqarlutik, aamma Kommuneqarfik Sermersuup aalisarneq pillugu suliniuteqarnini pillugu nassuiaassutigivaa.
Naalakkersuisoqarfik inuussutissarsiutinut inerisaanermut tapiissutit, ESU, pillugit saqqummiussaqarpoq, aamma Tunumi suliutigineqartut pillugit saqqummiussisoqarluni. Pinngortitaleriffik aamma aalisagaqassuseq pillugu saqqummiussaqarpoq, aamma biologii siunnersuisarnerlu pillugit nassuiaassilluni.
Motorilerinermik aamma pikkorissaasoqarpoq, taassuma pikkorissarfigineqarnissaa siorna isumasioqatigiittoqarmat kissaatigineqarpoq. Aamma Kalaallit Nunaanni Uumasunut Nakorsaqarfik Inuussutissalerinermullu Oqartussaaffik eqqiluisaarnermik pikkorissaavoq.
Kommunip suleqatigiissitaa Tasiilami aalisarneq pillugu ilinniarfissamik pilersitsinissaq pillugu suliani saqqummiuppaa. Isumasioqatigiinneq Royal Greenlandip tunitsivittaassaanik takuniaanermik naggaserneqarpoq. Tunitsivissaq naammassingajalerpoq.
Aalisarnermut, Piniarnermut Nunalerinermut Imminullu Pilersornermut Naalakkersuisoqarfimmi aalisarnermik immikkoortortaqarfiup pisortaa Katrine Kærgaard isumasioqatigiinnermi naggasiivoq, ilaatigullu naqissuserlugu: Naalakkersuisut kissaatigigaat kalaallit nunaat tamakkerlugu siuarsaasoqassasoq ammalu aalisakkat pitsaasumik atorluarneqassasut kiisalu inuiaqatigiinnut tamanut siuariaataassasut. Taamaattumik Tasiilamut peqqinnera nuannaarutigaaga, pissarsiffiulluartumik isumasioqatigiippugut aammalu ilissilu suleqatigiilluarnerput ingerlaqqissaq, anguniakkavut ataatsimoorluta pitsaanerpaamik anguniassagatsigit.
Tunumi inuit nukittuujupput anguniagaqallaqqiissuullutillu, taamaattumik ilisimavara suleqatigiikkaangatta, pitsaanerpaamik angusaqarsinnaalluta.
Aalisarnermut, Piniarnermut, Nunalerinermut Imminullu Pilersornermut Peter Borgip kissaatigaa Tunu kingusinnerusukkut tikissallugu.
Annerusumik paasisaqarusukkuit Aalisarnermut, Piniarnermut, Nunalerinermut Imminullu Pilersornermut apn@nanoq.gl-imut allallutit amerlanerusunik pisinnaavutit.