Suliffissanut nittartagaq Suli.gl matuneqassaaq Jobindex.gl - imut nuunneqassalluni

Nuna tamakkerlugu suliffissanut nittartagaq Suli.gl atorunnaarluni Jobindex.gl – inngussaaq aammalu nunatta avataaniit suliartortussanik qinnuteqarnerit Sullissivik.gl – imut nuussapput.

Maajip aallaqqaataani 2025-imiit suliffissanut nittartagaq Suli.gl matussaaq, suliffissanut nittarsaassinerit aamma CV-it tamarmik Jobindex.gl - imut nuunneqassallutik.

Suliffissarsiortuuguit, kajumissaarneqarputit CV-it Jobindex.gl - imi pilerseqqullugu, taamaalilluni suliffiit akornanni suliffissanik ujarlernerit ingerlaannarniassammat.

Suliffeqarfiuteqaruit periarfissaqarputit suliffissanut nittarsaassivimmut Jobindex.gl - imut suliffissanut nittarsaassinissamut, taamaalillutit atorfinittussanik ujarlernissamut ajornannginnerusumik nassaarsinnaassallutit.

Ilanngullugu maluginiaruk, suliffeqarfiit nunatta avataaneersunik atorfinititsinissamut akuersissuteqarnissaq pillugu kommunalbestyrelsimut qinnuteqarniartut, siunissami Sullissivik.gl aqqutigalugu qinnuteqartalissammata.

Annertunerusumik paasisaqarniaruit attaveqarfigiuk naalakkersuisup allattaa Anders Samuelsen e-mailikkut: ansa@nanoq.gl  oqarasuaatikkulluunniit + 299 34 56 11