AtuartigukJens-Frederik Nielsen Danmarkimut angalalerpoq
Nassiussisuuvoq: Naalakkersuisut Siulittaasuata Naalakkersuisoqarfia
Asseq / foto: Emil Stach
Naalakkersuisut Siulittaasuat Jens-Frederik Nielsen Danmarkimut angalalerpoq apriilip 26-aniit ataasinngorneq apriilip 28-ata tungaanut.
Naalakkersuisut Siulittaasuata Danmarkimiinnermini ilaatigut ministeriuneq Mette Frederiksen, Folketingip siulittaasua Søren Gade naapissavai, kiisalu Dansk Industri ilinniartullu Kalaallit Nunaannut attuumassutillit naapissallugit.
- Siullermik nunat marluk akornitsinni suleqatigiinnerput, nunarsuarmilu pissutsit pillugit ministeriunermik oqaloqateqarneq ingerlateqqissavara. Siunissami suleqatigiinnissatsinnut maannakkorpiaq pilersaarusiornissarput pingaaruteqarpoq, Naalakkersuisut Siulittaasuat Jens-Frederik Nielsen oqarpoq.
Naalakkersuisut Siulittaasuat Danmarkimiinnermini aamma ataqqinartorsuaq Kunngi Frederik ilassissavaa. Naalakkersuisut Siulittaasuat ataqqinartorsuaq kunngi peqatigalugu Kalaallit Nunaannukassapput, Nuummullu tikissallutik ataasinngornermi apriilip 28-ani 2025.
Ataqqinartorsuup kunngip Nuummut tikeraarnissaanut atatillugu pilersaarut kingusinnerusukkut saqqummiunneqassaaq.
Annertunerusumik paasisaqarniaruit Naalakkersuisut Siulittaasuata allattaa Andreas Poulsen attaveqarfigiuk e-mailikkut: andp@nanoq.gl oqarasuaatikkulluunniit 34 52 80.