Atuartiguk2025-imi Kommune Kujallermi nannuttassat pillugit erseqqissaaneq
Nassiussisuuvoq: Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik
Naalakkersuisut december 2024-mi 2025-mi nannuttassat tamakkerlugit 162-issasut aalajangerpaat, taassuma ataani pisassiissutissat kommunekkaarlugit agguaanneqarneri, taassumalu ataani Kommune Kujallermut nannuttassat 10-t.
Naalakkersuisut aalajangiinerminni ilutigitillugu kommunet ataasiakkaat piginnaatippaat namminneq iluminni illoqarfinnut nunaqarfinnullu nannuttassat agguaanneqarnissaat isumagissagaat nannunniarneq pillugu nalunaarummi atuuttumi aalajangersakkat tunngavigalugit.
Nalunaarummi aalajangersakkat §§-ni 5-13 innersuutigineqarput, ingammillu §§ 10-11:
”Nannunniarnissamut akuersissutit normulersukkat kommunimi qinnuteqartup inuit nalunaarsorsimaffianni angerlarsimaffeqarfigisaani qinnuteqartoqareerneratigut kommunalbestyrelsimit tunniunneqassapput.
Imm. 2. Qinnuteqaateqartut akuersissutinik agguaassinermut peqataasinnaassagunik piffissami qinnuteqaateqarfiusumi atuuttumik inuussutissarsiutigalugu piniarnermut allagartaqassapput.
Qinnuteqaateqartut akuerineqarsinnaasut amerlassusaasa, akuersissutit kommunalbestyrelsip tunniussinnaasaasa amerlassusaat sinnerpassuk kommunalbestyrelsi akuersissutinik agguaassinermut atatillugu illoqarfiit/nunaqarfiit akornanni tulleriiaarinissamik aalajangersaasinnaavoq. Tulleriiaarinissamut allattorsimaffik kikkunnut tamanut saqqummiunneqassaaq imaluunniit assigisaanik.”
Aalajangersakkat taakkua tunngavigalugit Kommune Kujalliup pisassiissutit imatut agguaassimavaat: Nanortalik Alluitsoq Paa Aappilattorlu ilanngullugit 4-t, Narsaq savaateqarfiillu ilanngullugit 3-t kiisalu Qaqortoq Saarloq Qassimiullu ilanngullugit 3-t.
Kommune Kujalleq periarfissaqarpoq aqutsiveqarfiup iluani pisassiissutaasimasunik agguaasseqqinnissamut.
”Kommunalbestyrelsi akuersissutit tunniunneqartut aaneqarnissaannut piffissamik killiliilluni aalajangersaasinnaavoq.
Akuersissutit piffissamik killiliilluni aalajangersakkap ingerlanerani aaneqarsimanngitsut pisortatigoortumik utaqqisut allattorsimaffiat kommunalbestyrelsimit pilersinneqartoq naapertorlugu aqutsiveqarfiup iluani agguaateqqinneqarsinnaapput. Agguaasseqqinnissamut piffissaliussaq piffissap piniarfiusussap aallartinnginnerani kommunalbestyrelsimit nalunaarutigineqassaaq.”
Annertunerusumik paasisaqartoqarusukkuni Aalisarnermut Piniarnermullu, Nunalerinermut Imminullu Pilersornermut Naalakkersuisoqarfimmi immikkoortortami pisortaq Amalie A. Jessen saaffigineqarsinnaavoq, oqarasuaat + 299 345304 imal. amalie@nanoq.gl
Naalakkersuisut aalajangiinerminni ilutigitillugu kommunet ataasiakkaat piginnaatippaat namminneq iluminni illoqarfinnut nunaqarfinnullu nannuttassat agguaanneqarnissaat isumagissagaat nannunniarneq pillugu nalunaarummi atuuttumi aalajangersakkat tunngavigalugit.
Nalunaarummi aalajangersakkat §§-ni 5-13 innersuutigineqarput, ingammillu §§ 10-11:
”Nannunniarnissamut akuersissutit normulersukkat kommunimi qinnuteqartup inuit nalunaarsorsimaffianni angerlarsimaffeqarfigisaani qinnuteqartoqareerneratigut kommunalbestyrelsimit tunniunneqassapput.
Imm. 2. Qinnuteqaateqartut akuersissutinik agguaassinermut peqataasinnaassagunik piffissami qinnuteqaateqarfiusumi atuuttumik inuussutissarsiutigalugu piniarnermut allagartaqassapput.
Qinnuteqaateqartut akuerineqarsinnaasut amerlassusaasa, akuersissutit kommunalbestyrelsip tunniussinnaasaasa amerlassusaat sinnerpassuk kommunalbestyrelsi akuersissutinik agguaassinermut atatillugu illoqarfiit/nunaqarfiit akornanni tulleriiaarinissamik aalajangersaasinnaavoq. Tulleriiaarinissamut allattorsimaffik kikkunnut tamanut saqqummiunneqassaaq imaluunniit assigisaanik.”
Aalajangersakkat taakkua tunngavigalugit Kommune Kujalliup pisassiissutit imatut agguaassimavaat: Nanortalik Alluitsoq Paa Aappilattorlu ilanngullugit 4-t, Narsaq savaateqarfiillu ilanngullugit 3-t kiisalu Qaqortoq Saarloq Qassimiullu ilanngullugit 3-t.
Kommune Kujalleq periarfissaqarpoq aqutsiveqarfiup iluani pisassiissutaasimasunik agguaasseqqinnissamut.
”Kommunalbestyrelsi akuersissutit tunniunneqartut aaneqarnissaannut piffissamik killiliilluni aalajangersaasinnaavoq.
Akuersissutit piffissamik killiliilluni aalajangersakkap ingerlanerani aaneqarsimanngitsut pisortatigoortumik utaqqisut allattorsimaffiat kommunalbestyrelsimit pilersinneqartoq naapertorlugu aqutsiveqarfiup iluani agguaateqqinneqarsinnaapput. Agguaasseqqinnissamut piffissaliussaq piffissap piniarfiusussap aallartinnginnerani kommunalbestyrelsimit nalunaarutigineqassaaq.”
Annertunerusumik paasisaqartoqarusukkuni Aalisarnermut Piniarnermullu, Nunalerinermut Imminullu Pilersornermut Naalakkersuisoqarfimmi immikkoortortami pisortaq Amalie A. Jessen saaffigineqarsinnaavoq, oqarasuaat + 299 345304 imal. amalie@nanoq.gl