Nalunaaqutaq akunnermik ataatsimik siuartinneqassaa

Arfininngorpat martsip 29-ani aasaanerani nalunaaqutaq atulissaaq. Arfininngornermi nalunaaqutaq 23:00-imiit (aqqanernut) akunnermik ataatsimik siuartissaaq 00:00-nngorlugu. Tamannali Danmarkshavnimut aamma Pituffik Space Basemut atuutinngilaq, taakkumi immikkut malittarisassaqartinneqarput.

Nalunaaquttap aalajangersarneqarnera pillugu Inatsisartut inatsisaat
Aasaanerani nalunaaqutaq pillugu Namminersorlutik Oqartussat nalunaarutaat Danmarkshavnimi aamma Pituffimmi (Pituffik Space Base) nalunaaquttap ingiaqatigiiffianik aalajangersagaq aammalu aasaanerani nalunaaquttap atuussinnaanera pillugit Namminersorlutik Oqartussat nalunaarutaat.
Aasaanerani nalunaaqutaq martsip qaammataani sapaat kingulleq UTC +0 nalunaaqutaa malillugu nal. 01.00 aallartissaaq, tassani Kalaallit Nunaanni nalunaaqutaq nalinginnaasoq malillugu, UTC -2-miilluni, arfininngornerulluni nal. 23.00. Aasaanerani nalunaaquttap aallartinnerani nalunaaqutaq nalunaaquttap akunnerani 1-imik siuartinneqassaaq, tassani Kalaallit Nunaannut nalunaaquttap ingiaqatigiiffia UTC -2-miit UTC -1-imut allanngortinneqassalluni, aammalu nalunaaqutaq arfininngorneq nal. 23.00-imiit, sapaammut nal. 00.00-imut allanngortinneqassalluni.
Aasaanerani nalunaaqutaq oktobarip qaammataani sapaat kingulleq UTC +0 nalunaaqutaa malillugu nal. 01.00, atuukkunnaassaaq, tassani Kalaallit Nunaanni nalunaaqutaq piffissap taamaalinerani tassaalluni UTC -1 nalunaaqutaa malillugu sapaat nal. 00.00. Aasaanerani nalunaaquttap atuukkunnaarnerani Kalaallit Nunaanni nalunaaquttap ingiaqatigiiffiat UTC -1-imiit UTC -2-mut allanngortinneqassaaq, aammalu nalunaaqutaq sapaammi nal. 00.00-imiit, arfininngornermi nal. 23.00-imut allanngortinneqassalluni.

Ukiuni 2025-imiit 2029-mut aasaanerani nalunaaquttap atuuffissai: