AtuartigukNuummi qimmit tuniluuttumik nappaateqarsinnaanerat pasitsaanneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Ullut unnuallu kingulliit Nuummi qimmit arlallit aattalimmik timmittalersimanerat Uumasut Nakorsaqarnermut Inuussutissalerinermullu Oqartussaaffimmit paasineqarpoq, pisorlu ataaseq toqunermik kinguneqarpoq, naak qimmeq uumasut nakorsaanit passunneqaraluartoq.
Nappaat tuniluussinnaammat qimmiutillit erseqqissaaffigineqarput qimmiutitik qimminut allanut, napparsimasutut malunniuteqarpata toqqaannanngitsumik toqqaannartumillu qanilliseqqunagit.
Qimmit nappaataat ilaatigut qimmit anaat/quui meriaavilu aqqutigalugit qimminut allanut tuniluussinnaapput. Taamaattumik qimmit anaasa iginneqartarnissaat pingaaruteqarpoq aamma tuniluussinnaanermut illersorniarluni eqqiluisaartarnissaq pingaaruteqarluni, matumani qimmimik napparsimasuni, naarluttumik meriartartumilluunniit attuisimagaanni angerlarsimaffiup eqqiarneqarlunilu tunillannartuiaatilimmik salinneqarnera, imminut eqqiluisaarnissaq, atisarisat allallu errorneqarnissaat pingaaruteqarluni.
Qimmerisap napparsimanera maluginiaraanni uumasup nakorsaanut attaveqarnissaq pingaaruteqarpoq. Taamaattoq nammineq ornigulluni qimmimik nakorsiuussisoqartassanngilaq, sianeqqaartarlunili tamanna aatsaat pisinnaasalluni, taamaalilluni isumannaannerpaamik misissuinissaq uumasut nakorsaanit nalilerneqarsinnaalissaaq.
Sukumiinerusumik paasisaqarusukkaanni Kalaallit Nunaani Uumasut Nakorsaqarfik Inuussutissalerinermullu Oqartussaaffimmut saaffiginnittoqarsinnaavoq, uumasut@nanoq.gl.
Nappaat tuniluussinnaammat qimmiutillit erseqqissaaffigineqarput qimmiutitik qimminut allanut, napparsimasutut malunniuteqarpata toqqaannanngitsumik toqqaannartumillu qanilliseqqunagit.
Qimmit nappaataat ilaatigut qimmit anaat/quui meriaavilu aqqutigalugit qimminut allanut tuniluussinnaapput. Taamaattumik qimmit anaasa iginneqartarnissaat pingaaruteqarpoq aamma tuniluussinnaanermut illersorniarluni eqqiluisaartarnissaq pingaaruteqarluni, matumani qimmimik napparsimasuni, naarluttumik meriartartumilluunniit attuisimagaanni angerlarsimaffiup eqqiarneqarlunilu tunillannartuiaatilimmik salinneqarnera, imminut eqqiluisaarnissaq, atisarisat allallu errorneqarnissaat pingaaruteqarluni.
Qimmerisap napparsimanera maluginiaraanni uumasup nakorsaanut attaveqarnissaq pingaaruteqarpoq. Taamaattoq nammineq ornigulluni qimmimik nakorsiuussisoqartassanngilaq, sianeqqaartarlunili tamanna aatsaat pisinnaasalluni, taamaalilluni isumannaannerpaamik misissuinissaq uumasut nakorsaanit nalilerneqarsinnaalissaaq.
Sukumiinerusumik paasisaqarusukkaanni Kalaallit Nunaani Uumasut Nakorsaqarfik Inuussutissalerinermullu Oqartussaaffimmut saaffiginnittoqarsinnaavoq, uumasut@nanoq.gl.