Suila-tapinik pissarsinngilatit? Imaluunniit eqqumiigaajuk aningaasat amerlassusaat taakkorpiaat sooq pissarsiarisimanerlugit?

Taava aningaasat tunniunneqarnerinut atatillugu paasissutissat Suila-tapisiannut tunngaviusut Suila.gl-imi takusinnaavatit.

Marsip ulluisa 18-anni innuttaasut tusindit arlallit kontominni aningaasanik pissarsis-sapput. Uani pineqartut tassaapput Suila-tapit taakkulu siumut sammisumik qaammatit tamaasa tunniunneqartalissapput, sulinermit, tunisinermit, suliffeqarfinni iluanaarutisianit akileraarutillu B-t akilernerisigut isertitat aallaavigalugit.

Aningaasat innuttaasunut tunniunneqartut arlalinnik aallaaveqarput:

- Innuttaasup januaarimi isertitaanut paasissutissat.

- Innuttaasup ukiumut isertitassai Akileraartarnermut Aqutsisoqarfimmi naats-orsorneqarneri

- Nalunaarutit Akileraartarnermut Aqutsisoqarfimmut januaari 2025-mi isertitat pillugit, sulisitsisumiit nalunaarutit tunitsivinniillu imaluunniit akileraarutit B-t akilerneqarsimasuniit.

- Tunniunneqartunit akiitsunut ilanngaateqartoqarsimanersoq. Innuttaasut pisortanut akiitsoqarsimagunik, 33,3% tikillugu pisassaminnit ilanngaanneqarsinnaapput.

MitID atorlugu suila.gl imaluunniit Sullissivik.gl-imut isersinnaavutit Suila-tapit ataani takusinnaavatit makku:

- Suila-tapinik qanoq annertutigisunik pissarsisimanerlutit

- Qaqugu tunniussinerup tullia pissanersoq

- 2025-mut ukiumut isertitassattut Akileraartarnermut Aqutsisoqarfiup naatsorsuutiginerai.

- Akileraartarnermut Aqutsisoqarfiup ukiumut isertitassatit pillugit paasissutissat suut naatsorsuinermi tunngavigisimanerai.

Paasissutissat taakku atorlugit aamma Suila-tapisisimassanngikkaluaruit paasiniarsinnaavat.

Naatsorsuutigineqarpat ukiumut 500.000 kr.-it sinnerlugit isertitaqassasutit, taamaattumik isertitaqarpallaarnerit pissutigalugu Suila-tapisisinnaasut akornaniinngilatit.

Naatsorsuutigineqarpat ukiumut 475.000 kr.-it aamma 500.000 kr.-it akornanni isertitaqassasutit, ukiumut isertitappit qanoq annertutiginissaat Akileraartarnermut Aqutsisoqarfiup sukumiinerusumik paasisaqarfiginissaata tungaanut tunniunneqarnissaannut uninn-gatippai.

'Naatsorsuinermi tunngaviit' ataani takusinnaassavatit, nalunaarutit suut Akileraartarnermut Aqutsisoqarfimmi, isertitatit pillugit pigineqarnersut aamma tukusinnaassavatit. Sulisitsisunniit imaluunniit tunitsivigisimasanniit nalunaarutit takusinnaassavatit, akileraa-rutinut B-nut akilikkatit iluanaarutisianiillu takussutissat ilanngullugit.

Nittartakkami paasissutissanik peqanngippat taava imaappoq, isertitatit pillugit nalunaarutit Akileraartarnermut Aqutsisoqarfiup suli pissarsiarisimanngikkai.

Isertitatit pillugit paasissutissat amigarpata sulisitsisut attavigissavat.
Tunisininni isertitatit pillugit paasissutissat amigarpata tunitsiviit attavigissavat.

Akileraarutit B-t qaammatikkaarlugit akilertakkit. Siumoortumik nalunaarsuineq tunngavigalugu akileraarutit B-t akileqquneqartarput. Sullissivik.gl-imi qarasaasiakkut siumoortumik nalunaarsuisinnaavutit.

Akileraartarnermut Aqutsisoqarfiup erseqqissaatigissavaa Suila-tapinik pissarsissaguit NemKontoqartariaqaravit. Aningaaserivippit Nemkontotaarnissannut ikiorsinnaavaatit NemKontotaarnissannut MitID amigaatigigukku kommunerisanniit ikiorneqarsinnaavutit.

Pissutsit piviusut

• Akileraartarnermut Aqutsisoqarfiup 17.395.615 kr.-it innuttaasunut 21.298-inut tunniunneqartussanngortippai.
• Inatsisitigut tunngavigisat: Inatsisartut Inatsisaat nr. 51, 25. november 2024 pillugu Aningaasarsianit akileraarutit pillugit Inatsisartut inatsisaata, akileraa-ruserinermik ingerlatsineq ingerlatsineq pillugu Inatsisartut inatsisaata aamma sulisoqarnermut akitsuut pillugu Inatsisartut inatsisaata al-lanngortinneqarnerat pillugu Inatsisartut inatsisaat (Akileraarusiisarnermi iluarsaaqqinnerup piviusunngortinneqarnera il. il.)
• Akileraarusiisarnermi iluarsaaqqinnerup siunertarivaa aningaasaqarnikkut naligiinnginneq annikillisinniarlugu sulinermullu kajumisitsilernissaq.
• www.sullissivik.gl -imi Suila-tapit iserfigalugu paasisaqarnerugit.

Siuliani pineqartunut apeqqutissaqaruit (innuttaasunit)

Attaveqarfissat; Akileraartarnermut Aqutsisoqarfik, Intaleeqqap Aqqutaa 1, Postboks 1605, 3900 Nuuk, oqarasuaat +299 34 65 00, E-maili: tax@nanoq.gl

Siulianiittunut tunngatillugu tusagassiortunit apeqqutit

Attavigiuk Søren Würtz Akileraartarnermut aqutsisoqarfik, oqarasuaat. +299 236223 maili: swrt@nanoq.gl