Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

🔈 Atuartiguk

Imminut pilersornermik ineriartortitsinermut tapiissutinik 1. maaji nallertinnagu qinnuteqarit

Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik

2025-mut Aningaasanut inatsimmi kontomi pingaarnermi 73.04.08 Kalaallit Nunaanni imminut pilersornermik ineriartortitsinermut tapiissutit, nuna tamakkerlugu suliffeqarfinnut, imminut pilersornermik ineriartortitserusuttunit atorneqarsinnaasunik aningaasaliissutinik immikkoortitsisoqarpoq.

Aningaasanut inatsimmi kontomi “Kalaallit Nunaanni imminut pilersornermik ineriartortitsineq” 2025-mut aningaasaliissutit 2,23 millioner koruuniusut, nuna tamakkerlugu imminut pilersornermik ineriartortitsinermut tapiissutitut atorneqarsinnaasut immikkoortinneqarput. Suliniutinut suliassanullu, nunatsinni imminut pilersornermik nukittorsaanissamik, aamma najukkani tunisassiornermi piujuartitsinermik siuarsaanissamik siunertaqarfiusunik nutaaliornermut najukkanillu aallaaveqartunut tapiissutinik qinnuteqartoqarsinnaavoq.

Isumassarsiat piviusunngortiguk – suliassannut 1. maaji 2025 nallertinnagu tapiissutissanik qinnuteqarit

Suliffeqarfimmik, nunatsinni imminut pilersornermik annertusititsisinnaasumik aallartitsinissamik takorluugaqarpit? Imaluunniit najukkami tunisassiassat atorlugit tunisassiornermik siuarsaaffiusinnaasumik, suliffissanik nutaanik pilersitsiffiusinnaasumik aammalu aaqqiissutissanik piujuartitsiffiusunik nutaaliorfiusunillu inuussutissarsiornermut tapersiissutaasinnaasumik isumassarsiaqarpit?

Taamaappat imminut pilersornermik ineriartortitsinermut sulianut tapiissutinik qinnuteqarnissamut ammaasseqqittoqarpoq. 

Imminut pilersornermik ineriartortitsinermut tapiissutinik qinnuteqarfissaq 1. maaji 2025-mut killilerneqarpoq.

Tapiisarneq qinnuteqartitsisarnerlu pillugit Sullissivik aqqutigalugu annertunerusumik atuagaqarsinnaavutit (uani: ’Imminut pilersornermik ineriartortitsinermut tapiissutinik qinnuteqarit’). 

Qinnuteqartup suliassanut qinnuteqaateqarfiusunut neqeroorutinik pissarsisimaneq uppernarsarsinnaappagu, qanoq amerlatigisunik qinnuteqarnissamut killiliisoqanngilaq. Aamma qinnuteqartup suliassamut aalajangersimasumut aningaasat matussutaanissaannut uppernarsaanissaa piumasaqaataavoq. Qinnuteqartup suliassap qanoq ililluni suliffeqarfiup tunisassiaanik ineriartortitseqataanissaa nassuiaatigissavaa. Suliassat tapiisarnermut ilaatinneqartut (ingerlatsinermut aningaasartuutit matussuserneqarneq ajorput) assersuutigalugu tassaasinnaapput:

  • Maskiinanik nutaanik pisiniarneq,
  • Sulisunik ilinniartitsineq,
  • Tunisassiornermut atortunik iluarsaassineq.

Attaveqarfissaq
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pan@nanoq.gl aqqutigalugu imaluunniit telefon 34 50 00-imut sianerluni attaveqarfigineqarsinnaavoq.