Inatsisartunut qinersineq – Ulloq qinersiviusumi naatsorsuineq

Marlungorneq ulloq 11. marts 2025 Inatsisartunut qinersinerup inernerata naatsorsorneqarneri aamma qinigassanngortitsinermi inissitsiternerit qinersineq.gl imi takuneqarsinnaapput.

Naatsorsuinerup inerneri ’Ulloq qinersiviusumi naatsorsuineq’-mik taaneqartarpoq. Qinersineq pillugu inatsimmi aalajangersarneqarpoq qinersineq pillugu naammagittaalliutigineqarsinnaasoq ullut arfineq marluk iluanni. Naammagittaalliorsinnaanerup naanerata kingorna Qinersinermi Ataatsimiititaliap aalajangissavaa, ulloq qinersiviusumi naatsorsuineq qinersinermi naggataasumik inernertut akuerineqassanersut. Qinersinermi Ataatsimiititaliap inaarutaasumik inerniliissapput, qinersinermi atortussat tamaasa Qinersinermi Ataatsimiititaliamiit tiguneqareerpata.

Qinersinermi naligiittoqarnera peqqutingalugu, Inuit Ataqatigiit ilaasortaatitassaanni arfineq aappaat aamma Naleqqap ilaasortaatitassaa arfineq pingajuat ulloq 12. marts 2025 nal. 13.00 makitsissutigineqarput. Makitsinermilu inernera ima isikkoqarpoq:

Mandati	Ateq	Qinersisut amerlassusii	Partii
7. mandat	Karlsen, Mimi	80	Inuit Ataqatigiit
Sinniisoq siulleq	Bianco, Iddimanngiuu	80	Inuit Ataqatigiit
Sinniisup tullia	Efraimsen, Nivi Heilmann	80	Inuit Ataqatigiit

Mandati	Ateq	Qinersisut amerlassusii	Partii
8. mandat	Mikaelsen, Gerth	95	Naleraq
Sinniisoq siulleq	Berthelsen, Juno	95	Naleraq

Sinniisussat akornanni qinersinermi nalingiittoqartillugu, makitsinissaq piffissami kingusinnerusumi ingerlanneqarumaarpoq.

qinersineq.gl-imi Qinerneqartut sinniisussallu Ulloq qinersiviusumi natsorsuineq tamakkiisumi takuneqarsinnaapput, partiillu tamarmik sinniisussaat siulliit qulit ilanngunneqarput.

Paasissutissanik amerlanerusunik perusukkaanni attavigineqarsinnaavoq: Immikkoortortami pisortaq Aka Grønvold, akgr@nanoq.gl, +299 34 65 48.