AtuartigukSuliassap ’Nuummi tarnikkut nappaatilinnut illu nutaaq’ inatsisinik unioqqutitsisumik neqeroortitsivigineqarnerarneqarneranut naqqiissut
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Namminersorlutik Oqartussat qitiusumi sanatitsisutut inissisimanerat Ineqarnermut Attaveqaasersuutinullu Naalakkersuisoqarfiup isumagisaraa, taamaalillunilu Namminersorlutik Oqartussat illuliassanut nutaanut neqeroortitsisarnerannut akisussaasuulluni.
Suliassap ’Nuummi tarnikkut nappaatilinnut illu nutaaq’ neqeroortitsivigineqarnera inatsisit atuuttut naapertorlugit pisimannginnerarneqarluni inuit attaveqatigiittarfiini saqqummiunneqartoq, Naalakkersuisoqarfik paasitinneqarpoq. Tamanna ilumuunngilaq.
Suliassap ’Nuummi tarnikkut nappaatilinnut illu nutaaq’ neqeroortitsivigineqarnera Sanaartornermi neqerooruteqartitsisarneq pillugu Inatsisartut inatsisaat naapertorlugu ingerlanneqarpoq.
Paasissutissanik annertunerusunik piniarnermi attaveqarfigineqassaaq Ineqarnermut Attaveqaasersuutinullu Naalakkersuisoqarfik uunga box909@nanoq.gl