AtuartigukQinersinermut Ataatsimiititaliap 12. februar 2025-imi parti Qulleq nalunaarutigineqarsimaneranut akuersissuteqarpoq
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Partii Qulleq nalunaarutigineqarnissamut killiliussaq ulloq 11. februar 2025 sioqqullugu, qinersinermut nalunaarutigineqartuniit pisariaqartinneqartunik paasissutissanik tunniussaqarsimavoq. Tamatuma kingorna, Kommuneqarfik Sermersuumi qinersinermi aqutsisut nalunaarutigineqartut atuuttuunersut misissorsimavaat, tamannalu tunngavigalugu Qinersinermut Ataatsimiititaliap aalajangerpaa parti Qulleq Inatsisartunut kiisalu kommunalbestyrelsinut nunaqarfinnilu aqutsisunut qinersinerni partiitut akuersissuteqartinneqassasoq.
Paasissutissanik amerlanerusunik pissarsiniarnermi attavigineqassaaq: Immikkoortortami pisortaq Aka Grønvold, akgr@nanoq.gl, +299 34 65 48