AtuartigukIngerlatsilersussanut nutaanut kitaata avataani qaleralittassanik, nataarnartassanik aamma saarullittassanik neqeroortitsisoqassaaq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut decembarip 17-ianni 2024-mi aalajangerput, Nunatta kitaani avataasiorluni qaleralittassiissutit 4.600 tonsit, saarulliit 1.950 tonsit aamma nataarnartassiissutit 166,6 tonsit ingerlataqartunut, soqutiginnittunut neqeroorutigineqassasut, arlaqartunik piumasaqaaserlugit aamma akuersissummut tunniussinissamut atugassarititaasunik piumasaqaatitaqartumik. Aalisarneq pillugu inatsimmi nr. 29, maajip 23-ani 2024-imeersoq naapertorlugu § 29, imm. 3 aamma akuersissutit pisassiissutillu pillugit Namminersorlutik Oqartussat nalunaarutaat nr. 74, novembarip 28-ani 2023-imeersoq naapertorlugu neqeroortitsisoqassalluni.
Qaleralittassiissutit,saarullittassiissutit aamma nataarnartassiissutit ilaannik neqeroortitsisoqarnissaanut immikkoortitsisoqarnissaanik Naalakkersuisunit tunngaviusoq tassaavoq, piginnittussaatitaanerup siammarneqarnissaanik kissaateqarnermit aamma nutaanik ingerlatsilersussanik, ajornanngippat inuusuttunik, avataasiorluni aalisarnermi isertitsisinnaanissamut tunniussinissaq. Taama kissaateqarneq neqeroortitsinikkut piumasaateqarnikkut atugassarititanullu piumasaasiinikkut pissaaq aamma aalisarneq pillugu inatsimmi anguniakkanut naapertuuttuuvoq. Naalakkersuisut neqerooruteqarnissami piumasaqaatit atugassarititallu pillugit januaarip 31-anni 2025-mi akuersipput.
Ingerlataqartoq soqutiginnittoq pisassiissutinut neqeroorusukkuni, avataasiorluni aalisarnermi qinnuteqaateqartitsinermi immersuiffissaq sullissivik.gl-imi immersussavaa. Tamatuma saniatigut atortussat piumasarineqartut uppernarsaataasinnaasullu Aalisarnermut Piniarnermullu Naalakkersuisoqarfimmut apn@nanoq.gl-imut nassiunneqaqquneqarput qulequtserlugu: ”2025-imi Nunatta Kitaani avataasiorluni qaleralittassat, saarulliit nataarnartassallu neqeroorutigineqarneri”.
Qinnuteqaatit Aalisarnermut Piniarnermullu Naalakkersuisoqarfimmut kingusinnerpaamik apriilip 30-anni 2025-mi tiguneqareersimassapput.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Qaleralittassiissutit,saarullittassiissutit aamma nataarnartassiissutit ilaannik neqeroortitsisoqarnissaanut immikkoortitsisoqarnissaanik Naalakkersuisunit tunngaviusoq tassaavoq, piginnittussaatitaanerup siammarneqarnissaanik kissaateqarnermit aamma nutaanik ingerlatsilersussanik, ajornanngippat inuusuttunik, avataasiorluni aalisarnermi isertitsisinnaanissamut tunniussinissaq. Taama kissaateqarneq neqeroortitsinikkut piumasaateqarnikkut atugassarititanullu piumasaasiinikkut pissaaq aamma aalisarneq pillugu inatsimmi anguniakkanut naapertuuttuuvoq. Naalakkersuisut neqerooruteqarnissami piumasaqaatit atugassarititallu pillugit januaarip 31-anni 2025-mi akuersipput.
Ingerlataqartoq soqutiginnittoq pisassiissutinut neqeroorusukkuni, avataasiorluni aalisarnermi qinnuteqaateqartitsinermi immersuiffissaq sullissivik.gl-imi immersussavaa. Tamatuma saniatigut atortussat piumasarineqartut uppernarsaataasinnaasullu Aalisarnermut Piniarnermullu Naalakkersuisoqarfimmut apn@nanoq.gl-imut nassiunneqaqquneqarput qulequtserlugu: ”2025-imi Nunatta Kitaani avataasiorluni qaleralittassat, saarulliit nataarnartassallu neqeroorutigineqarneri”.
Qinnuteqaatit Aalisarnermut Piniarnermullu Naalakkersuisoqarfimmut kingusinnerpaamik apriilip 30-anni 2025-mi tiguneqareersimassapput.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl