Narsami imminut pilersornerup annertusineqarnissaa pillugu sammisaqartitsineq innuttaasunillu ataatsimiititsineq ornigarneqarluartoq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Narsami “Kalaallit Nunaanni Imminut Pilersornermut Periusissiaq 2025-2030” pillugu sammisaqartitsineq innuttaasunillu ataatsimiititsineq ornigarneqarluartoq ulluni 24. aamma 25. januaari 2025-mi ingerlanneqarpoq, najukkami inuussutissarsiortunit assigiinngitsunit, tassalu savaatilinnit, nersussuaatilinnit, qaqorsaasiortunit savaaqqallu amiinik tunisassiortunit kiisalu Inuili-mit, Neqi A/S-imit, Campus Kujallermit aallartitanit aammalu innuttaasunit soqutiginnittunit peqataaffigineqarluni.
Innuttaasunik ataatsimiititsinermi nunatsinni imminut pilersornitsinnik nukittorsaaniarluni unammilligassat periarfissallu oqallisigineqarnissaat siunertarineqarpoq.
Imminut Pilersornermut periusissiaq tunngavigalugu Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund Neqi A/S-ip tunisassiai pillugit sammisaqartitsivoq, tassungalu Neqi A/S-ip tunisassiaanut attuumassutillit tamarmik peqataapput. Sammisaartitsinermi tunisassiat tamarmik tunineqarsinnaanissaannut aammalu atuisunit pisiarineqarsinnaanissaannut qanoq iliortoqartariaqarnerata ersarinnerulersinneqarnissaa siunertarineqarpoq. Imminut Pilersornermut Naalakkersuisup imminut pilersornermi suleqataareersut sammisaqartinneqarnissaat kissaatigisimavaa, taamaalilluni akimmisaarfiusinnaasut qulaajarneqassammata, aammalu Kalaallit Nunaanni imminut pilersornerup annertusarnissaanut isummertoqassammat.
Innuttaasut ataatsimiinneranni suliani angisuuni iluaqutissat anguneqarsinnaanissaat, aammalu tunisassiornermi pitsanngorsaanerup qulakkeerneqarsinnaanissaa sunnerfigalugu suleqatigiinnerup annertusineqarnissaanut pisariaqartitsineq oqallisigineqarpoq. Tamatuma saniatigut aamma nunani allani suliffeqarfinnit unammillerneqarneq sakkortooq, aammalu najukkani tunisassiortut unammilligassaat innuttaasunit tikkuarneqarput.
Nunalerinermut, Imminut Pilersornermut, Nukissiutinut Avatangiisinullu Naalakkersuisup Kalistat Lundip innuttaasunik ataatsimiititsinermini erseqqissarpaa, najukkani tunisassiortut salliutinneqarnissaat, aammalu kalaallit tunisassiortut periarfissaannik pitsaanerusunik pilersitsinissaq pingaaruteqartoq. Ilaatigut seqernup nukinganik innaallagissiuutit atorlugit aaqqiisinnaaneq, aammalu ilinniartitaanerup nunalerinermillu inuussutissarsiuteqarnermut sungiusaasarnerup nunatta imminut pilersorneranik siuarsaanissamut sakkussatut atorneqarsinnaanerinik aallussinerup annertunerulernissaa oqallisigineqarput.
”Naalakkersuisuni periusissiap innuttaasut, tunisassiortut pisiniarfiillu qanittumik suleqatigalugit suliarineqarnissaa pingaartissimavarput. Innuttaasut imminut pilersornermut periusissiamut tarrarsorsinnaanissaat Naalakkersuisunut pingaaruteqarsimavoq, taamaattumillu neriuppunga tigulluarneqarsimassasoq – tigulluarneqarumaartorlu”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq nangillunilu:
”Imminut pilersornermut periusissiaq innuttaasut amerlanerusut najukkani inuussutissanik, maani nunatsinni naatinneqarsimasunik, piiarneqarsimasunik tunisassiarineqarsimasunillu pissarsisinnaanissaannik qulakkeeriniarnermi tunngaviliissaaq. Naalakkersuisuni nioqqutissanik tikisitanik pinngitsuuisinnaanitta annikillisinneqarnissaa, suliffissanik nutaanik pilersitsinissaq aammalu piujuartitsinerup siuarsarneqarnissaa anguniagaraarput. Tamatuma peqatigisaanik imminut pilersornermut periusissiaq aqqutigalugu kulturikkut kingornussatta ileqquttalu pisuut, pinngortitamut nerisatsinnullu attuumassuteqarluinnartut qulakkeerinniffigineqarnissaat sulissutigissavarput. Nammineerluta isumalluutigut pitsaanerusumik atussavagut, taamaaliorutta najukkani nerisassiat amerlanerusut pisiniarfiit ilitsiviini, naggataagullu nerrivitsinni nerisassagut pigilissagatsigit. Ataatsimoornitsinni inuiaqatigiit piujuartitsiffiusut aammalu imminnut pilersornerusut, namminneerluta nukitsinnik aallaavillit pilersissinnaavagut.”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund naggasiivoq.
Ataatsimiinnermi najukkani sullissisuusut, Kalaallit Nunaanni inuussutissarsiornerup imminullu pilersornerup piujuartitsiffiusumik siunissaqarnissaa qulakkeerniarlugu suleqatigiinnissamut piareersimasut tunniusimalluarnerat malunnarpoq.
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03 / mob.: 54 88 68-imut imaluunniit mail: pan@nanoq.gl aqqutigalugu attaveqarfigineqassaaq.
Innuttaasunik ataatsimiititsinermi nunatsinni imminut pilersornitsinnik nukittorsaaniarluni unammilligassat periarfissallu oqallisigineqarnissaat siunertarineqarpoq.
Imminut Pilersornermut periusissiaq tunngavigalugu Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund Neqi A/S-ip tunisassiai pillugit sammisaqartitsivoq, tassungalu Neqi A/S-ip tunisassiaanut attuumassutillit tamarmik peqataapput. Sammisaartitsinermi tunisassiat tamarmik tunineqarsinnaanissaannut aammalu atuisunit pisiarineqarsinnaanissaannut qanoq iliortoqartariaqarnerata ersarinnerulersinneqarnissaa siunertarineqarpoq. Imminut Pilersornermut Naalakkersuisup imminut pilersornermi suleqataareersut sammisaqartinneqarnissaat kissaatigisimavaa, taamaalilluni akimmisaarfiusinnaasut qulaajarneqassammata, aammalu Kalaallit Nunaanni imminut pilersornerup annertusarnissaanut isummertoqassammat.
Innuttaasut ataatsimiinneranni suliani angisuuni iluaqutissat anguneqarsinnaanissaat, aammalu tunisassiornermi pitsanngorsaanerup qulakkeerneqarsinnaanissaa sunnerfigalugu suleqatigiinnerup annertusineqarnissaanut pisariaqartitsineq oqallisigineqarpoq. Tamatuma saniatigut aamma nunani allani suliffeqarfinnit unammillerneqarneq sakkortooq, aammalu najukkani tunisassiortut unammilligassaat innuttaasunit tikkuarneqarput.
Nunalerinermut, Imminut Pilersornermut, Nukissiutinut Avatangiisinullu Naalakkersuisup Kalistat Lundip innuttaasunik ataatsimiititsinermini erseqqissarpaa, najukkani tunisassiortut salliutinneqarnissaat, aammalu kalaallit tunisassiortut periarfissaannik pitsaanerusunik pilersitsinissaq pingaaruteqartoq. Ilaatigut seqernup nukinganik innaallagissiuutit atorlugit aaqqiisinnaaneq, aammalu ilinniartitaanerup nunalerinermillu inuussutissarsiuteqarnermut sungiusaasarnerup nunatta imminut pilersorneranik siuarsaanissamut sakkussatut atorneqarsinnaanerinik aallussinerup annertunerulernissaa oqallisigineqarput.
”Naalakkersuisuni periusissiap innuttaasut, tunisassiortut pisiniarfiillu qanittumik suleqatigalugit suliarineqarnissaa pingaartissimavarput. Innuttaasut imminut pilersornermut periusissiamut tarrarsorsinnaanissaat Naalakkersuisunut pingaaruteqarsimavoq, taamaattumillu neriuppunga tigulluarneqarsimassasoq – tigulluarneqarumaartorlu”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq nangillunilu:
”Imminut pilersornermut periusissiaq innuttaasut amerlanerusut najukkani inuussutissanik, maani nunatsinni naatinneqarsimasunik, piiarneqarsimasunik tunisassiarineqarsimasunillu pissarsisinnaanissaannik qulakkeeriniarnermi tunngaviliissaaq. Naalakkersuisuni nioqqutissanik tikisitanik pinngitsuuisinnaanitta annikillisinneqarnissaa, suliffissanik nutaanik pilersitsinissaq aammalu piujuartitsinerup siuarsarneqarnissaa anguniagaraarput. Tamatuma peqatigisaanik imminut pilersornermut periusissiaq aqqutigalugu kulturikkut kingornussatta ileqquttalu pisuut, pinngortitamut nerisatsinnullu attuumassuteqarluinnartut qulakkeerinniffigineqarnissaat sulissutigissavarput. Nammineerluta isumalluutigut pitsaanerusumik atussavagut, taamaaliorutta najukkani nerisassiat amerlanerusut pisiniarfiit ilitsiviini, naggataagullu nerrivitsinni nerisassagut pigilissagatsigit. Ataatsimoornitsinni inuiaqatigiit piujuartitsiffiusut aammalu imminnut pilersornerusut, namminneerluta nukitsinnik aallaavillit pilersissinnaavagut.”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund naggasiivoq.
Ataatsimiinnermi najukkani sullissisuusut, Kalaallit Nunaanni inuussutissarsiornerup imminullu pilersornerup piujuartitsiffiusumik siunissaqarnissaa qulakkeerniarlugu suleqatigiinnissamut piareersimasut tunniusimalluarnerat malunnarpoq.
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03 / mob.: 54 88 68-imut imaluunniit mail: pan@nanoq.gl aqqutigalugu attaveqarfigineqassaaq.