AtuartigukMari Kleist, Nunatsinni Ilisimatusarnermik Siunnersuisoqatigiinni siulittaasussatut toqqarneqarpoq
Nassiussisuuvoq: Aningaasaqarnermut Akileraartarnermullu Naalakkersuisoqarfik
Naalakkersuisut sinnerlugit nalunaarutigineqassaaq, piffissami 2025-mi januaarip 14-anit, 2026-mi decembarip 31-ata tungaanut Mari Kleist, Nunatsinni Ilisimatusarnermik Siunnersuisoqatigiinni siulittaasussatut toqqarneqartoq.
Ilisimatusarfimmi Mari Kleist prorektoriuvoq, inuussutissarsiutigalugulu atorfeqarnermini Issittumi ilisimatusarnermi annertuumik ilisimasaqalersimavoq, misilittagaqalersimavoq, paasisimasaqalersimallunilu.
Siulittaasuusimasoq Mitdlarak Lennert, 2024-mi novembarip 20-ani Nunatsinni Ilisimatusarnermik Siunnersuisoqatigiinni siulittaasussatut, ilaasortatullu tunuarpoq.
Ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat nr. 5, 29. november 2013-imeersoq naapertorlugu, Kalaallit Nunaanni ilisimatusarnikkut suliffeqarfiit, ilisimatusarnikkut qitiusumik sammisaqarfiit, ilisimatusarnikkut suliaqartut kiisalu aallarnisaasutut nutaaliornikkullu suliaqartut inassuteqarnerisigut siunnersuisoqatigiinni ilaasortat toqqarneqartarput.
Siunnersuisoqatigiinni ilaasortat arfineq-pingasuupput, taakkunanngalu ilaasortaq ataaseq siulittaasuulluni, ilaasortarlu ataaseq siulittaasup tulleralugu. Siunnersuisoqatigiinni siulittaasussaq, ilaasortallu sinneri inuttut piginnaasaat aallaavigalugit Naalakkersuisut toqqartarpaat. Siulittaasup tullissaa ilaasortanit toqqarneqartarpoq (tak. §8 aamma § imm. 2). Inatsit naapertorlugu Nunatsinni Ilisimatusarnermik Siunnersuisoqatigiit ilaatigut suliassaraat, kalaallinut inuiaqatigiinnut iluaqutaasussamik Kalaallit Nunaanni aallaaveqartumik kalaallit ilisimatusarnerisa siuarsarnissaanik, nukittorsarnissaanillu inatsisip siunertaa piviusunngortissallugu.
2022-mit 2030 tikillugu Kalaallit Nunaanni ilisimatusarnermut periusissiaq (”Ilisimatusarneq – ineriartornermut aqqutissaavoq”) tulliuttunik anguniagaqartoq, Nunatsinni Ilisimatusarnermik Siunnersuisoqatigiit piviusunngortinniassavaat, naammassiniarlugulu:
1. Ilisimatusarneq Kalaallit Nunaanni tunngaveqassaaq
2. Ilisimatusarneq piujuartitsisussamik inuiaqatigiinnik ineriartortitsinermik tapersersuissaaq
3. Ilisimatusarnermi angusat kikkunnit tamanit pissarsiariuminartuussapput
4. Ilisimatusarnermi suliniut nunat assigiinngitsut akornannisulli qaffasissuseqassaaq
Aningaasaqarnermut Akileraartarnermullu Naalakkersuisoq Erik Jensen tamatumunnga atatillugu ima oqaaseqarpoq:
"Nunarput pitsaasumik, najuuttumik aamma attuumassutilimmik ilisimatusarneqartariaqarpoq, tamatumanilu innutaasutta ineriartorneranut ilapittuilluni. Mari Kleist misilittagaqarluarpoq issittumilu ilisimatusarnermi ilisimasaqarluni, Nunatsinni Ilisimatusarnermik Siunnersuisoqatigiit suliamut piginnaasaqarluni aamma siumut isiginnilluni kiisalu minnerunngitsumik assigiinngissutsinut ataqqinnilluni aamma ammasumik oqaloqatiginnilluni siuttuussasoq. Suleqatiginninnissamut qilanaarpunga kiisalu Mitdlarak Lennertip sulilluarneranut qamannga pisumik qujallunga."
Paasissutissanik annertunerusunik pissarsiniaruit, attavigiuk: Kunuk Holm, Ilisimatusarnermik ingerlatsivimmi allaffimmi pisortaq, e-mailimut: khol@nanoq.gl
Ilisimatusarfimmi Mari Kleist prorektoriuvoq, inuussutissarsiutigalugulu atorfeqarnermini Issittumi ilisimatusarnermi annertuumik ilisimasaqalersimavoq, misilittagaqalersimavoq, paasisimasaqalersimallunilu.
Siulittaasuusimasoq Mitdlarak Lennert, 2024-mi novembarip 20-ani Nunatsinni Ilisimatusarnermik Siunnersuisoqatigiinni siulittaasussatut, ilaasortatullu tunuarpoq.
Ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat nr. 5, 29. november 2013-imeersoq naapertorlugu, Kalaallit Nunaanni ilisimatusarnikkut suliffeqarfiit, ilisimatusarnikkut qitiusumik sammisaqarfiit, ilisimatusarnikkut suliaqartut kiisalu aallarnisaasutut nutaaliornikkullu suliaqartut inassuteqarnerisigut siunnersuisoqatigiinni ilaasortat toqqarneqartarput.
Siunnersuisoqatigiinni ilaasortat arfineq-pingasuupput, taakkunanngalu ilaasortaq ataaseq siulittaasuulluni, ilaasortarlu ataaseq siulittaasup tulleralugu. Siunnersuisoqatigiinni siulittaasussaq, ilaasortallu sinneri inuttut piginnaasaat aallaavigalugit Naalakkersuisut toqqartarpaat. Siulittaasup tullissaa ilaasortanit toqqarneqartarpoq (tak. §8 aamma § imm. 2). Inatsit naapertorlugu Nunatsinni Ilisimatusarnermik Siunnersuisoqatigiit ilaatigut suliassaraat, kalaallinut inuiaqatigiinnut iluaqutaasussamik Kalaallit Nunaanni aallaaveqartumik kalaallit ilisimatusarnerisa siuarsarnissaanik, nukittorsarnissaanillu inatsisip siunertaa piviusunngortissallugu.
2022-mit 2030 tikillugu Kalaallit Nunaanni ilisimatusarnermut periusissiaq (”Ilisimatusarneq – ineriartornermut aqqutissaavoq”) tulliuttunik anguniagaqartoq, Nunatsinni Ilisimatusarnermik Siunnersuisoqatigiit piviusunngortinniassavaat, naammassiniarlugulu:
1. Ilisimatusarneq Kalaallit Nunaanni tunngaveqassaaq
2. Ilisimatusarneq piujuartitsisussamik inuiaqatigiinnik ineriartortitsinermik tapersersuissaaq
3. Ilisimatusarnermi angusat kikkunnit tamanit pissarsiariuminartuussapput
4. Ilisimatusarnermi suliniut nunat assigiinngitsut akornannisulli qaffasissuseqassaaq
Aningaasaqarnermut Akileraartarnermullu Naalakkersuisoq Erik Jensen tamatumunnga atatillugu ima oqaaseqarpoq:
"Nunarput pitsaasumik, najuuttumik aamma attuumassutilimmik ilisimatusarneqartariaqarpoq, tamatumanilu innutaasutta ineriartorneranut ilapittuilluni. Mari Kleist misilittagaqarluarpoq issittumilu ilisimatusarnermi ilisimasaqarluni, Nunatsinni Ilisimatusarnermik Siunnersuisoqatigiit suliamut piginnaasaqarluni aamma siumut isiginnilluni kiisalu minnerunngitsumik assigiinngissutsinut ataqqinnilluni aamma ammasumik oqaloqatiginnilluni siuttuussasoq. Suleqatiginninnissamut qilanaarpunga kiisalu Mitdlarak Lennertip sulilluarneranut qamannga pisumik qujallunga."
Paasissutissanik annertunerusunik pissarsiniaruit, attavigiuk: Kunuk Holm, Ilisimatusarnermik ingerlatsivimmi allaffimmi pisortaq, e-mailimut: khol@nanoq.gl