AtuartigukMalitseqartitsineq â Kalaallit Nunaanni Peqqinnissaqarfimmi naartunaveersaatit
Nassiussisuuvoq: Peqqissutsimut Naalakkersuisoqarfik
Tusagassiuutinut nalunaarutip 20. januar 2025-meersup Peqqinnissaqarfimmi naartunaveersaatit malitsigisaanik Peqqissutsimut Naalakkersuisoq, Agathe Fontain, Peqqinnissaqarfimmi naartunaveersaatit pillugit innuttaasunut ilitsersuutit aamma paasissutissiissutit misissoqqullugit allattoqarfimmut qinnuiginnippoq. Peqqinnissaqarfimmi naartunaveersaaserneqarnissamut periarfissat assigiinngitsut pillugit, innuttaasut tamarmik paasissutissanik nutaajunerpaanik aamma eqqornerpaasunik pissarsisinnaanissaat qulakkeerniarlugu taamatut iliuuseqartoqarpoq.
"Innuttaasut naartunaveersaatit pillugit aalajangiiniartillutik toqqissisimallutillu ilisimatinneqarluarsimanissaat pingaaruteqarpoq. Taamaattumik ilitsersuutit aamma paasissutissat tamarmik nutarterneqarsimanersut aamma pissarsiariuminarnersut allattoqarfinnit misissorneqarnissaat piumaffiginnippunga," Peqqissutsimut Naalakkersuisoq, Agathe Fontain, taama oqarpoq.
Peqqinnissaqarfik naartunaveersaatinik assigiinngitsunik neqerooruteqarpoq, P-piller, P-ring, Depo-Provera (P-kapuut), hormon aamma kobberspiral. Naartunaveersaatit tamarmik innuttaasunut akeqanngillat. Naartunaveersaatinik toqqaanissaq tamatigut nammineq aalajangigassaavoq, tamannalu peqqinnissaqarfimmi sulisunit siunnersorluarneqarnerup aamma ilitsersorneqarluarnerup kingorna aalajangerneqartarpoq. Naartunaveersaatinik toqqaanermi inuit ataasiakkaat pisariaqartitaat, peqqissusaat aamma inuttut kissaataat eqqarsaatigineqartassapput.
Sukumiinerusumik paasisaqarusukkuit naalakkersuisup allattaa, Nivé Lynge Biilmann, attavigiuk, uunga e-mail: nilb@nanoq.gl imaluunniit oqarasuaat: +299 34 52 84
"Innuttaasut naartunaveersaatit pillugit aalajangiiniartillutik toqqissisimallutillu ilisimatinneqarluarsimanissaat pingaaruteqarpoq. Taamaattumik ilitsersuutit aamma paasissutissat tamarmik nutarterneqarsimanersut aamma pissarsiariuminarnersut allattoqarfinnit misissorneqarnissaat piumaffiginnippunga," Peqqissutsimut Naalakkersuisoq, Agathe Fontain, taama oqarpoq.
Peqqinnissaqarfik naartunaveersaatinik assigiinngitsunik neqerooruteqarpoq, P-piller, P-ring, Depo-Provera (P-kapuut), hormon aamma kobberspiral. Naartunaveersaatit tamarmik innuttaasunut akeqanngillat. Naartunaveersaatinik toqqaanissaq tamatigut nammineq aalajangigassaavoq, tamannalu peqqinnissaqarfimmi sulisunit siunnersorluarneqarnerup aamma ilitsersorneqarluarnerup kingorna aalajangerneqartarpoq. Naartunaveersaatinik toqqaanermi inuit ataasiakkaat pisariaqartitaat, peqqissusaat aamma inuttut kissaataat eqqarsaatigineqartassapput.
Sukumiinerusumik paasisaqarusukkuit naalakkersuisup allattaa, Nivé Lynge Biilmann, attavigiuk, uunga e-mail: nilb@nanoq.gl imaluunniit oqarasuaat: +299 34 52 84