AtuartigukNamminersorlutik Oqartussani illuliortiternermut sanaartornermullu aningaasaliisussarsiortarnermut periusissiaq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Namminersorlutik Oqartussat illuliortiternernik sanaartornernillu, nunatsinni ineriartornermut atugarissaarnermullu iluaqutaasussanik amerlasuunik ingerlatsileruttorpoq. Naalakkersuisut suliassat siumut ingerlanerinik siuarsaaniarlutik aningaasaliisussarsiortarnermut periusissiaq, Naalakkersuisut nunatsinni illuliortiternermik sanaartornermillu ineriartortitsinissamut takorluugaannik tapersersuinissamik siunertaqarfiusoq akuersissutigaat.
Naalakkersuisut qanoq iliorlutik aningaasaateqarfinniit, Namminersorlutik Oqartussat illuliassaataannut sanaartugassaataannullu tapiissuteqarsinnaasunit aningaasaliissutinik pissarsiniarlutik sulinersut periusissiami allaaserineqarpoq.
Piffissap ingerlanerani aningaasaateqarfiit nunani arlalinni, taamatuttaarlu nunatsinni inuiaqatigiit ineriartornerinut qitiusumik inissisimasimapput. Ullumikkut Namminersorlutik Oqartussat immikkoortuini pisortallu sullissiviini arlalinni aningaasaateqarfinniit tapiissutit, sulianut suliniutinullu tapertaasimasut iluaqutigineqarput. Tassunga assersuutitut Novo Nordisk-ip Nuummi Steno Diabetes Center-ip sananeqarneranut, kiisalu suliniutinut sukkornermik pinaveersaartitsinermut tunngassuteqartunut allanut aningaasaliissutigisai taaneqarsinnaapput.
Aningaasaateqarfinniit aningaasaliissutaasimasinnaasut pisut ilaanni nunap karsianut tamakkiisumik aningaasaliissutissanik pissarsinianngikkaluarluni suliassat naammassinissaannut oqilisaataasinnaapput. Kisiannili erseqqissarneqassaaq, aningaasaateqarfinniit aningaasaliissutit aningaasaqarnikkut tapiissutitut missingersuusiornermi atorneqartussatut isigineqartussaanngimmata. Tamatumunnga taarsiullugu aningaasaateqarfinniit tapiissutit “saniatigut isumalluutitut”, Namminersorlutik Oqartussani sulianut allanut aningaasanik atuilersitsiviusinnaasutut isigineqartussaapput.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq: ”Namminersorlutik Oqartussani suliat ilaannut aningaasaateqarfinniit aningaasaliissutissanik qinnuteqarnissaq isumaqarluartussaavoq. Matumani sapinngisamik iliuuseqarnissaq, aammalu suliassanik nunatsinni innuttaasunut iluaqutaasumik piviusunngortitsinissamut periarfissanik takunnissinnaanissaq pineqarpoq. Taamaattumik suliniummik ingerlatitseqqinnissaq qilanaaraara”.
Ineqarnermut Attaveqaasersuutinullu Naalakkersuisoqarfik sulisutigut isumalluutinik, Namminersorlutik Oqartussat illuliassaataat sanaartugassaataallu pillugit aningaasaateqarfinnik suleqateqarnermik tamarmiusumik ataqatigiissaarinermik isumagisaqartussanik immikkoortitsivoq. Suliniut taanna aqqutigalugu Naalakkersuisoqarfik illuliortitsernermi aningaasaleeqataanissamut tapiissutinik pissarsereerpoq. Naalakkersuisoqarfimmiit suliap ingerlaqqinnissaa qilanaarineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Naalakkersuisut qanoq iliorlutik aningaasaateqarfinniit, Namminersorlutik Oqartussat illuliassaataannut sanaartugassaataannullu tapiissuteqarsinnaasunit aningaasaliissutinik pissarsiniarlutik sulinersut periusissiami allaaserineqarpoq.
Piffissap ingerlanerani aningaasaateqarfiit nunani arlalinni, taamatuttaarlu nunatsinni inuiaqatigiit ineriartornerinut qitiusumik inissisimasimapput. Ullumikkut Namminersorlutik Oqartussat immikkoortuini pisortallu sullissiviini arlalinni aningaasaateqarfinniit tapiissutit, sulianut suliniutinullu tapertaasimasut iluaqutigineqarput. Tassunga assersuutitut Novo Nordisk-ip Nuummi Steno Diabetes Center-ip sananeqarneranut, kiisalu suliniutinut sukkornermik pinaveersaartitsinermut tunngassuteqartunut allanut aningaasaliissutigisai taaneqarsinnaapput.
Aningaasaateqarfinniit aningaasaliissutaasimasinnaasut pisut ilaanni nunap karsianut tamakkiisumik aningaasaliissutissanik pissarsinianngikkaluarluni suliassat naammassinissaannut oqilisaataasinnaapput. Kisiannili erseqqissarneqassaaq, aningaasaateqarfinniit aningaasaliissutit aningaasaqarnikkut tapiissutitut missingersuusiornermi atorneqartussatut isigineqartussaanngimmata. Tamatumunnga taarsiullugu aningaasaateqarfinniit tapiissutit “saniatigut isumalluutitut”, Namminersorlutik Oqartussani sulianut allanut aningaasanik atuilersitsiviusinnaasutut isigineqartussaapput.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq: ”Namminersorlutik Oqartussani suliat ilaannut aningaasaateqarfinniit aningaasaliissutissanik qinnuteqarnissaq isumaqarluartussaavoq. Matumani sapinngisamik iliuuseqarnissaq, aammalu suliassanik nunatsinni innuttaasunut iluaqutaasumik piviusunngortitsinissamut periarfissanik takunnissinnaanissaq pineqarpoq. Taamaattumik suliniummik ingerlatitseqqinnissaq qilanaaraara”.
Ineqarnermut Attaveqaasersuutinullu Naalakkersuisoqarfik sulisutigut isumalluutinik, Namminersorlutik Oqartussat illuliassaataat sanaartugassaataallu pillugit aningaasaateqarfinnik suleqateqarnermik tamarmiusumik ataqatigiissaarinermik isumagisaqartussanik immikkoortitsivoq. Suliniut taanna aqqutigalugu Naalakkersuisoqarfik illuliortitsernermi aningaasaleeqataanissamut tapiissutinik pissarsereerpoq. Naalakkersuisoqarfimmiit suliap ingerlaqqinnissaa qilanaarineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl