Atuartiguk2025-mi qilalugartassat - naqqiut
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisunut ilaasortap 2025-mi qaqortartassat qernertartassallu piniartut atuisullu ilisimasaat, Piniarneq pillugu Siunnersuisoqatigiit ilaasortaannit kommuninillu tusarniaaneq kiisalu Qilalukkat Ataatsimoorullugit Ataatsimiititaliami (JCNB) 2019-imi aamma NAMMCO-mi 2019-2022-mi inassuteqaatit kingusinnerpaat tunuliaqutigalugit aalajangertarpaat.
2025-mi pisassiissutit pillugit tamanut ammasumik tusarniaaneq aggustip 2024 oktobarip 1-iannit – 2024 oktobarip 29-iat tungaanut ingerlanneqartoq innersuutigineqarpoq.
Qilalukkat qaqortat
Kalaallit Nunaata kitaani 2025-mut qaqortanik qilalugartassat katillugit 294-iussasut aalajangerneqarpoq. Kiisalu Tunumi teknikikkut pisassiissutit ukiuni 2022-2027 tamakkerlugit 30-t ingerlaqqiinnassasoq, 2023-2024-mi pisarineqareersut ilanngaatigalugit.
Kitaa
Kalaallit Nunaata kitaanut pisassiissutit, nunap ilaani immikkoortortanut 3-miit 5-imut
tunngasut, sunngiffimmi inuussutissarsiutigalugulu piniartunut atuuttunik piniarnermut allagartalinnut akuersissutilinnullu paggatassiissutigineqarput. Tamanna isumaqarpoq kitaani qaqortaqatigiit pillugit Namminersorlutik Oqartussat qaqortat qernertallu illersorneqarnissaat piniarneqarnissaallu pillugu nalunaarummi nr. 3, 27 januar 2017-imeersumi § 9, imm. 3-miit sunngiffimmi piniarnermut allagartallit pisassiissutit 10 procentii angullugit tunniunneqarsinnaaneraniit immikkut akuersisoqartoq.
Takussutissiaq 1a: Kitaani qilalukkanik qaqortanik 2025-mut pisassiissutit:
* = 2019-imi sinniisimaneq pissutigalugu ukiumut pisassat 8-nik 2028 ilanngullugu ilanngarneqartassapput.*) 2023-miit 2024-mut nuunneqarput 265
Takussutissiaq 1b: Qaanaamut eqqaanilu nunaqarfinnut qilalukkanut qaqortanut 2025-mut pisassiissutit
Tunu
Naalakkersuisut qilalukkanik qaqortartassiivoq tamakkerlugit 30-nik ukiuni 2022-2027 atuuttumik. Tunumi ukiuni 2022-2027 qilalukkanut qaqortanut teknikikkut pisassiissutit katillugit 30-it allanngortinnagu attatiinnarneqarpoq, taamaallaat 2022-2023-mi 20-t pisarineqareersut ilanngaatigalugit, tassa 2025-2027 ilanngullugu qulit sinnerupput.
Takussutissiaq 1c: Tunumi 2022-2027-mi qilalukkanut qaqortanut pisassiissutit allanngortinnagu – pisat ilanngaatigalugit.
*2022-2024-mi pisaasimasut amerlassusaat.
Qilalukkat qernertat
Kalaallit Nunaata kitaani 2025-mut qernertanik qilalugartassat katillugit 455-iussasut aalajangerneqarpoq. Kiisalu Tunumi neqissaqarniarneq eqqarsaatigalugu pisassiissutit 2025-mi 41-ssasut aalajangerneqarluni.
Aammaarluni aqutsiveqarfinni qilalukkanik qernertanik 50-init ikinnerusunik pisassiissuteqarfiusuni qernertartassat paggatassiissutigalugit piniarnerup atorunnaarsinneqarnissaa aalajangerneqarpoq, tassami amerlasuunik pisassiissutillit pisassalinnut ikinnerusunut sanilliullugit pitsaanerusumik sivisunermillu nakkutigineqarsinnaasarmata, ikinnerusunimmi pisassaqartoqarnerani piniarnermi ataatsimi pisaqarpallaarneq nalaanneqarsinnaammat.
Tamanna aamma aqutsiveqarfimmut Upernavimmut atuuppoq, tassanimi pisassiinerit sumiiffimmi inoqarfinnut tamanut agguaanneqassammata. Tassa imaappoq; qilalukkanik qernertanik pisassiinerit paggatassiissutigalugit piniarneq taamaallaat Qaanaami Uummannamilu ingerlanneqarsinnaapput (taamaattorli piniarnermut allagartaq aamma uppernarsaat atuuttoq suli piumasaqaataassaaq).
Takussutissiaq 2a: Kitaani qilalukkanik qernertanik 2025-mut pisassiissutit:
* = Aqutsiveqarfik Upernavimmut eqqaanilu nunaqarfinnut pisassiissutit agguataarnerat takuuk takussutissiaq 2b-mi.
** = Aqutsiveqarfik Qaanaamut eqqaanilu nunaqarfinnut pisassiissutit agguataarnerat, takuuk takussutissiaq 2c-imi.
*** = Qaannamik pisassat.
Takussutissiaq 2b: Upernavimmut nunaqarfiinullu 2025-mut pisassiissutit agguataarnerat.
* 2024-imi pisanik sinniivallaarnerit pisassiissutiniit ilanngaatigineqareerlutik.
Tabel 2c: Qaanaami nunaqarfiinilu qilalukkanik qernertanik pisassiissutit agguataarnerat.
Tunu
2025-mi pisassiissutit 2024-mut sanilliullugit pisassiissutinut allannguuteqarput, tassanilu aalajangerneqarpoq Ittoqqortoormiinut qernertanik pisassat 17-inut inissinneqarlutik, Kangerlussuarmut qernertat 16-it, kiisalu Tasiilap eqqaani qernertat 8-t, taamaalillutillu Tunu tamakkerlugu 2025-mut pisassat ataatsimut amerlassusaat 41-ssallutik. Tunumi neqissaqarniarneq eqqarsaatigalugu pisassiissutit aalajangerneqarput.
Allannguutitut aalajangerneqarpoq piniartut Ittoqqortoormiuneersut piniarfik Kangerlussuarmut qilalukkanik qernertanik piniarsinnaanissaat periarfissanngussasoq, Tasiilami piniartunut periarfissaq assigalugu. 2024-mi Kangerlussuarmi Ittoqqortoormiiniit qernertanik pisaqartoqanngilaq.
Takussutissiaq 3: Tunumut qilalukkat qernertat pillugit 2025-mut pisassiissutit:
Pisarinngitsuukkanik nuussineq
Ukiumi qaangiuttumi sippuinerussutaasimasinnaasut (2024) aqutsiveqarfinni pisassiinerit pereerpata pisassiissutinit ilanngaatigineqarumaarput, 2024-mi sinniisimanerit ilisimaneqareersut ilanngaataareersut saniatigut.
”Carry over” – nuussat qaqortanut qernertanullu tunngatillugu 2024-mut pisassat ukiumi siulianiit sinneruttut tullermut nuussisoqarsinnaavoq (takuuk periuseq amerliartuutaanngitsoq malinneqassaaq). Taakua pillugit immikkut allakkiortoqarumaarpoq.
Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen – amalie@nanoq.gl-imut saaffiginnittoqarsinnaavoq