AtuartigukNaalakkersuisoq Kalistat Lund nunatsinni imminut pilersornermut periusissiap siulliup tamanut ammasumik saqqummiunneqarnerani sammisaqartitsinissamut qaaqqusivoq
Nassiussisuuvoq:
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund “Kalaallit Nunaanni Imminut Pilersornermut Periusissiaq 2025-2030”-p tamanut ammasumik saqqummiunneqarneranut atatillugu saqqummiinissamut, aammalu imminut pilersornermut periusissiap tamanut ammasumik saqqummiunneqarneranik malunnartitsinissamut atatillugu qaaqqusivoq. Sammisaqartitsineq 15. januaari 2025 nal. 15.00-17.00 Katuap Inersuaaraani ingerlanneqassaaq.
2024-p naalernerani Naalakkersuisut “Kalaallit Nunaanni Imminut Pilersornermut periusissiaq 2025-2030”, nunatta oqaluttuarisaanerani imminut pilersornermut periusissiat siullersaat tamanut ammasumik saqqummiuppaat. Imminut Pilersornermut Periusissiami, Naalakkersuisuni piffissami qinigaaffiusumi matumani tulleriiaarinermi pingaarutilittut suliarisaanni innuttaasut amerlanerusut nerisassianik pitsaasunik, peqqinnartunik najukkanilu suliarisanik pissaqarnissaat, aammalu kalaallit tunisassiaat aqqutigalugit inuussutissanik pilersorneqarnerup isumannaatsuunissaanik qulakkeerisoqarnissaa siunertarineqarpoq.
Imminut pilersornermut periusissiap tamanut ammasumik saqqummiunneqarneranut atatillugu tamatuma malunnartinneqarnissaanut Naalakkersuisoq Kalistat Lund qaaqqusivoq. Naalakkersuisup imminut pilersornermi Naalakkersuisut politikkikkut anguniagaat, aammalu politikkikkut siunnerfii, periusissiami allassimasut oqaluttuariniarpai. Tassunga atatillugu Aviaja Lyberth Hauptmann imminut pilersornerup nalinga aammalu pinngortitami isumalluutit inuussutigineqarnissaat pillugit saqqummiussissaaq.
”Nunatsinni imminut pilersornermut periusissiap siulliup, Naalakkersuisuni innuttaasut, tunisassiortut pisiniarfiillu qanittumik suleqatigalugit suliassatut salliutissimasatta saqqummiussinnaanera nuannaarutigaara. Innuttaasut namminneerlutik imminut pilersornermut periusissiamut tarrarsorsinnaanissaat Naalakkersuisunut pingaaruteqarpoq, taamaattumillu neriuppunga innuttaasut akornanni tigulluarneqassasoq”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq nangillunilu:
”Imminut pilersornermut periusissiaq innuttaasut amerlanerusut najukkani inuussutissianik, maani nunatsinni naatitanik, piiakkanik tunisassiarineqarsimasunillu pissarsisinnaanerisa pitsaanerulernissaannik qulakkeerinissamut tunngaviliissaaq. Naalakkersuisuni nioqqutissanik tikisitanik pinngitsuuisinnaanitta annikillisinneqarnissaa, suliffissanik nutaanik pilersitsinissaq aammalu piujuartitsinermik siuarsaanissaq anguniagaraarput. Imminut pilersornermut periusissiaq aqqutigissavarput, tamatumalu peqatigisaanik kulturikkut pisuussutit kingornussagut ileqqullu, pinngortitamut nerisatsinnullu qanittumik attuumassutillit qulakkeernissaat sulissutigissallugu. Namminneerluta pisuussutigut pitsaanerusumik atussavagut, taamaalillutalu pisiniarfinni ilisiviit najukkani nerisassianik amerlanerusunik naggataagut nerrivitsinnut ilisassatsinnik immissavagut. Ataatsimoornitsigut inuiaqatigiit piujuartitsiffiusut imminnullu pilersorfiusut, namminneerluta nukigut aallaavigalugit pilersittussaavagut. Taamaattumittaaq neriuppunga 15. januaarimi sammisaqartitsineq inuppassuarnit orninneqarumaartoq, taamaalilluta ataatsimoornerput immikkoorutilik, immitsinnullu kalaallit nerisassiaannik pilersulerutta tulluusimaarneq pilersussaq nalliuttorsiutigisinnaagatsigu”, Naalakkersuisoq Kalistat Lund naggasiivoq.
Sumi qaqugulu?
Katuaq, Nuuk (Inersuaaraq): 15. januaari 2025 nal. 15:00-17:00.
Sammisaqartitsinermi kalaallit tapas-iliaat sassaalliutigineqassapput.
Kalaallit Nunaanni Imminut Pilersornermut Periusissiaq 2025-2030 atuarneqarsinnaavoq, uani.
Attaveqarfissaq
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03/54 88 68-imut imaluunniit e-mail: pan@nanoq.gl aqqutigalugu attaveqarfigineqassaaq.
2024-p naalernerani Naalakkersuisut “Kalaallit Nunaanni Imminut Pilersornermut periusissiaq 2025-2030”, nunatta oqaluttuarisaanerani imminut pilersornermut periusissiat siullersaat tamanut ammasumik saqqummiuppaat. Imminut Pilersornermut Periusissiami, Naalakkersuisuni piffissami qinigaaffiusumi matumani tulleriiaarinermi pingaarutilittut suliarisaanni innuttaasut amerlanerusut nerisassianik pitsaasunik, peqqinnartunik najukkanilu suliarisanik pissaqarnissaat, aammalu kalaallit tunisassiaat aqqutigalugit inuussutissanik pilersorneqarnerup isumannaatsuunissaanik qulakkeerisoqarnissaa siunertarineqarpoq.
Imminut pilersornermut periusissiap tamanut ammasumik saqqummiunneqarneranut atatillugu tamatuma malunnartinneqarnissaanut Naalakkersuisoq Kalistat Lund qaaqqusivoq. Naalakkersuisup imminut pilersornermi Naalakkersuisut politikkikkut anguniagaat, aammalu politikkikkut siunnerfii, periusissiami allassimasut oqaluttuariniarpai. Tassunga atatillugu Aviaja Lyberth Hauptmann imminut pilersornerup nalinga aammalu pinngortitami isumalluutit inuussutigineqarnissaat pillugit saqqummiussissaaq.
”Nunatsinni imminut pilersornermut periusissiap siulliup, Naalakkersuisuni innuttaasut, tunisassiortut pisiniarfiillu qanittumik suleqatigalugit suliassatut salliutissimasatta saqqummiussinnaanera nuannaarutigaara. Innuttaasut namminneerlutik imminut pilersornermut periusissiamut tarrarsorsinnaanissaat Naalakkersuisunut pingaaruteqarpoq, taamaattumillu neriuppunga innuttaasut akornanni tigulluarneqassasoq”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq nangillunilu:
”Imminut pilersornermut periusissiaq innuttaasut amerlanerusut najukkani inuussutissianik, maani nunatsinni naatitanik, piiakkanik tunisassiarineqarsimasunillu pissarsisinnaanerisa pitsaanerulernissaannik qulakkeerinissamut tunngaviliissaaq. Naalakkersuisuni nioqqutissanik tikisitanik pinngitsuuisinnaanitta annikillisinneqarnissaa, suliffissanik nutaanik pilersitsinissaq aammalu piujuartitsinermik siuarsaanissaq anguniagaraarput. Imminut pilersornermut periusissiaq aqqutigissavarput, tamatumalu peqatigisaanik kulturikkut pisuussutit kingornussagut ileqqullu, pinngortitamut nerisatsinnullu qanittumik attuumassutillit qulakkeernissaat sulissutigissallugu. Namminneerluta pisuussutigut pitsaanerusumik atussavagut, taamaalillutalu pisiniarfinni ilisiviit najukkani nerisassianik amerlanerusunik naggataagut nerrivitsinnut ilisassatsinnik immissavagut. Ataatsimoornitsigut inuiaqatigiit piujuartitsiffiusut imminnullu pilersorfiusut, namminneerluta nukigut aallaavigalugit pilersittussaavagut. Taamaattumittaaq neriuppunga 15. januaarimi sammisaqartitsineq inuppassuarnit orninneqarumaartoq, taamaalilluta ataatsimoornerput immikkoorutilik, immitsinnullu kalaallit nerisassiaannik pilersulerutta tulluusimaarneq pilersussaq nalliuttorsiutigisinnaagatsigu”, Naalakkersuisoq Kalistat Lund naggasiivoq.
Sumi qaqugulu?
Katuaq, Nuuk (Inersuaaraq): 15. januaari 2025 nal. 15:00-17:00.
Sammisaqartitsinermi kalaallit tapas-iliaat sassaalliutigineqassapput.
Kalaallit Nunaanni Imminut Pilersornermut Periusissiaq 2025-2030 atuarneqarsinnaavoq, uani.
Attaveqarfissaq
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03/54 88 68-imut imaluunniit e-mail: pan@nanoq.gl aqqutigalugu attaveqarfigineqassaaq.