Naalakkersuisut Donald Trump jr. naapittussaanngilaat

Naalakkersuisut ilisimatinneqarsimapput Donald Trump jr.-ip Nuummut januaarip 7-ni 2025 tikissasoq.

Naalakkersuisunit ilisimatitsissutigineqassaaq Donald Trump jr.-ip nunatsinnut tikeraartussaanera nammineq inuttut tikeraarnertut pissammat. 

Tikeraarneq pisortatigoortuunngilaq, taamaatuumik pilersaarutaanngilaq Donald Trump jr. Naalakkersuisunit sinniisuinillu naapinneqarnissaa. 

Nunarput ammasuuvoq tikeraarusuttullu tikilluaqqusaapput.

Attaveqaat:
Mininnguaq Kleist
Mail: mikl@nanoq.gl
Mobil: 541587