AtuartigukNaalakkersuisut aamma Great Greenland A/S-ip akornanni kiffartuussinissamik isumaqatigiissusiorput
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naalakkersuisut aamma Great Greenland A/S-ip akornanni kiffartuussinissamik isumaqatigiissut, ulloq 16. December 2024 Naalakkersuisunit akuersissutigineqarpoq.
Ataqqeqatigiittumik ingerlanneqartukkut, Naalakkersuisut, Great Greenland A/S-ip aammalu KNAPK-p akornanni isumaqatigiinniarnikkut, 2025-imut kiffartuussinissamik isumaqatigiissummi, puisinniarnerup kiisalu tamatuminnga amminik tunisassianik passussisarnerup iluani piniarnermik inuussutissarsiornermik tapersiinissamik Great Greenland A/S-imiit aammalu KNAPK-miit kissaatigineqartunik ilanngussisoqarpoq.
“Kiffartuussinissamik isumaqatigiissummik Great Greenland A/S-ip sinerissamiit tamarmiit puisit amiinik pisiortornini ingerlateqqissinnaanngorpaa, amiutittalu pitsaassusaannik pitsanngorsaaqataasinnaasumik pisiortortarfissanik nutaanik ujaasinerput ingerlateqqikkumallutigu”, Great Greenland-ip pisortaanera Preben Møller oqarpoq.
Naalakkersuisut aamma Great Greenland A/S-ip akornanni 2025-mut kiffartuussinissamik isumaqatigiissutaanni, Kangaatsiap eqqaani suliniuteqartoqarpoq, ilaatigut Kangaatsiaq, Niaqornaarsuk aamma Attu puisit amiinik tunitsiviliiffissatut ilaatinneqarlutik.
Sumiiffiit taakku aalisakkanut tunitsiveqarnerup tungaatigut killeqarmata, allanik aningaasarsiorfiusinnaasunik periarfissarsiuunneqartariaqarput.
2025-mi puisit amiinik tunitsiveqarneq aammalu tunisisarnissamut sinaakkutinik pitsaasunik pilersitsineq pillugu Naalakkersuisut aamma Great Greenland A/S-ip akornanni suleqatigiinnissamut isumaqatigiissut nutaaq KNAPK-mit nuannaarutigineqarpoq.
“Great Greenland A/S-imut puisit amiinit tunitsiveqarnissamut eqqissinermik sinaakkutinillu pitsaasunik pilersitsisoqarmat KNAPK-miit iluarisimaarneqarpoq. 2024-ip ingerlanerani aallaqqaammut siunniussamut naleqqiullugu amernik amerlanerusunik tunisisoqarsimanera KNAPK-mit maluginiarneqarpoq amernillu tunisisarneq naatsorsuutigisamit qaffasinnerusimammat kattuffimmiit nuannaarutigineqarluni. Maanna, piniartut amerlanerusut sumiiffinni amerlanerusuni puisit amiinik tunisisarsinnaaqqullugit, tunitsiveqarnerup patajaatsuutinnissaa pillugu iliuuseqarfissanngorpoq. Taamaalilluni, piniartunut iluaqutaalertussamik Attumi, Kangaatsiami aamma Niaqornaarsummi tunitsivittaartoqarnissaa pillugu isumaqatigiissuteqartoqarpoq. Taamaattumik, Great Greenland A/S-ip puisit amiinik ammeriviup pisariaqartitaanik pissarsisarnissaanik qulakkeeriumalluni KNAPK sulissuteqalersaarpoq", KNAPK-p siulittaasua, Nikkulaat Jeremiassen oqarpoq.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen oqarpoq, “Ukiormanna aammaarluta piniarnermik inuussutissarsiutitsinnik ikorfartueqataasumik kiffartuussinissamik isumaqatigiissummik Great Greenland-ilu atsioqatigiissinnaagatta nuannaarutigaara, tunitsiviillu amerlanerunissaanik KNAPK-mit kissaatigineqartoq naammassisinnaasimagatsigu aamma nuannaarutigalugu”.
Paasisaqarnerorusukkaanni: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik ugguuna, Email: isiin@nanoq.gl, telefon +299 34 50 00 attavigineqarsinnaavoq.
Ataqqeqatigiittumik ingerlanneqartukkut, Naalakkersuisut, Great Greenland A/S-ip aammalu KNAPK-p akornanni isumaqatigiinniarnikkut, 2025-imut kiffartuussinissamik isumaqatigiissummi, puisinniarnerup kiisalu tamatuminnga amminik tunisassianik passussisarnerup iluani piniarnermik inuussutissarsiornermik tapersiinissamik Great Greenland A/S-imiit aammalu KNAPK-miit kissaatigineqartunik ilanngussisoqarpoq.
“Kiffartuussinissamik isumaqatigiissummik Great Greenland A/S-ip sinerissamiit tamarmiit puisit amiinik pisiortornini ingerlateqqissinnaanngorpaa, amiutittalu pitsaassusaannik pitsanngorsaaqataasinnaasumik pisiortortarfissanik nutaanik ujaasinerput ingerlateqqikkumallutigu”, Great Greenland-ip pisortaanera Preben Møller oqarpoq.
Naalakkersuisut aamma Great Greenland A/S-ip akornanni 2025-mut kiffartuussinissamik isumaqatigiissutaanni, Kangaatsiap eqqaani suliniuteqartoqarpoq, ilaatigut Kangaatsiaq, Niaqornaarsuk aamma Attu puisit amiinik tunitsiviliiffissatut ilaatinneqarlutik.
Sumiiffiit taakku aalisakkanut tunitsiveqarnerup tungaatigut killeqarmata, allanik aningaasarsiorfiusinnaasunik periarfissarsiuunneqartariaqarput.
2025-mi puisit amiinik tunitsiveqarneq aammalu tunisisarnissamut sinaakkutinik pitsaasunik pilersitsineq pillugu Naalakkersuisut aamma Great Greenland A/S-ip akornanni suleqatigiinnissamut isumaqatigiissut nutaaq KNAPK-mit nuannaarutigineqarpoq.
“Great Greenland A/S-imut puisit amiinit tunitsiveqarnissamut eqqissinermik sinaakkutinillu pitsaasunik pilersitsisoqarmat KNAPK-miit iluarisimaarneqarpoq. 2024-ip ingerlanerani aallaqqaammut siunniussamut naleqqiullugu amernik amerlanerusunik tunisisoqarsimanera KNAPK-mit maluginiarneqarpoq amernillu tunisisarneq naatsorsuutigisamit qaffasinnerusimammat kattuffimmiit nuannaarutigineqarluni. Maanna, piniartut amerlanerusut sumiiffinni amerlanerusuni puisit amiinik tunisisarsinnaaqqullugit, tunitsiveqarnerup patajaatsuutinnissaa pillugu iliuuseqarfissanngorpoq. Taamaalilluni, piniartunut iluaqutaalertussamik Attumi, Kangaatsiami aamma Niaqornaarsummi tunitsivittaartoqarnissaa pillugu isumaqatigiissuteqartoqarpoq. Taamaattumik, Great Greenland A/S-ip puisit amiinik ammeriviup pisariaqartitaanik pissarsisarnissaanik qulakkeeriumalluni KNAPK sulissuteqalersaarpoq", KNAPK-p siulittaasua, Nikkulaat Jeremiassen oqarpoq.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen oqarpoq, “Ukiormanna aammaarluta piniarnermik inuussutissarsiutitsinnik ikorfartueqataasumik kiffartuussinissamik isumaqatigiissummik Great Greenland-ilu atsioqatigiissinnaagatta nuannaarutigaara, tunitsiviillu amerlanerunissaanik KNAPK-mit kissaatigineqartoq naammassisinnaasimagatsigu aamma nuannaarutigalugu”.
Paasisaqarnerorusukkaanni: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik ugguuna, Email: isiin@nanoq.gl, telefon +299 34 50 00 attavigineqarsinnaavoq.