Timersornermut Suleqatigiissitap sulinini naammassivaa

Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Aqqaluaq B. Egede 2024 aallartinnerani timersorneq pillugu suleqatigiissitamik Timersoqatigiit Kattuffiannit GIF-imit, Elite Sport Greenland ESG-mit kommuniniillu aallartitaqartumik pilersitsinissaq siunertaralugu Timersoqatigiit Kattuffiannut saaffiginnissuteqarpoq.

Suleqatigiissitap kommissorium naapertorlugu siunertaraa

• Timersornermi unammillernartut immikkuullarissut ersarissassallugit
• Timersornermi periarfissat ersarissassallugit
• Timersornermi siunissami ungasinnerusumi inerisaataasussanik saqqummiussissalluni

Suleqatigiissitap sulinini aallartippaa 15. marts 2024.

Suleqatigiissitap sulilernermini kattuffiit GIF aamma ESG kommunillu tusarniaaffigereerlugit tulliuttumi allassimasut suliarivai:

A. Siunissami timersortarneq, ilaatigut misissuisimanerit, nalunaarusiornerit il.il. tunngavigalugit
B. Siunissami unammeriaatsit
C. Siunissami aningaasalersuisarneq
D. Elite Sport Greenland-imi unammillernartut
E. Siunissami kommunit tapiisarnerisa aaqqissuuteqqinneqarnissaa
F. Namminneq kajumissutsiminnik suliaqartartunut atugassarititat
G. Timersornikkut aaqqissuussinerni angallannikkut aningaasartuutit pillugit aqqissuusseqqinnissaq
H. Inatsisini attuumassuteqartuni nalimmassaanissaq nutarterinissarlu
I. Timersornermi sanaartornikkut atugassarititat (idrætsfaciliteter)

Suleqatigiissitap nalunaarusiaa link una atorlugu aaneqarsinnaavoq

Annertunerusumik paasiniaasoqarsinnaavoq suleqatigiissitap siulittaasuanut, Jørgen Isak Olsen, oqarasuaat 48 31 35