AtuartigukImigassaq aalakoornartortalik pillugu siunissami politikkissamut inassuteqaatit pillugit tamanut tusarniaaneq
Nassiussisuuvoq: Peqqissutsimut Naalakkersuisoqarfik
Soqutiginnittut tamarmik maanna Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit-nut isummersuutiminnik apuussinissaminnik periarfissaqalerput. Inassuteqaatit 22. januaari 2025-p tungaanut tamanut tusarniaassutigineqarput.
- Imigassaq aalakoornartortalik inuiaqatigiinnut annertuumik kingunerluuteqartitsisarpoq. Taamaattumik imigassaq aalakoornartortalik pillugu siunissami politikkissarput inuiaqatigiit toqqissisimasuunissaannik aamma arlannaataluunniit imigassamit aalakoornartortalimmit ajoquserneqannginnissaanik qulakkeerinninnissamut anguniagaqarfiulluarlunilu siunnerfeqarnissaa pingaaruteqarpoq. Inuup imigassamik aalakoornartortalimmik pisillunilu imersinnaanerminik pisinnaatitaaffeqarlunilu kiffaanngissuseqarnerata peerneqarnissaa inassuteqaatitigut anguniarneqanngilaq, akerlianilli inersimasut imigassamik aalakoornartortalimmik atuinerannit ajoquserneqannginnissamik kinguaariit peroriartortut pisinnaatitaaffeqarnerannik aamma kiffaanngissuseqarnerannik qulakkeerinninnissaq anguniarneqarluni, Peqqissutsimut Naalakkersuisoq, Agathe Fontain oqarpoq nangillunilu:
- Inassuteqaatit siammasissumik oqaloqatigiissutigineqarnissaat, aamma tamanit oqaluuserilluaqqissaarneqarnissaat pingaaruteqarpoq, taamaaliornikkut imigassaq aalakoornartortalik pillugu siunissami politikkissap imarisaanik politikerit aalajangiinissaminnut pitsaanerpaamik tunngavissaqarniassammata. Imigassamut aalakoornartortalimmut tunngatillugu massakkut iliuuseqarnissatsinnik aalajangernerput siunissatsinnik, minnerunngitsumillu meerartatta aamma ernuttatta siunissaannik ilusilersuisuusussanngussaaq.
Imigassaq aalakoornartortalik pillugu ukiunut arlalinnut, ilisimatusarnermit tunngavilimmik, inassuteqaatit inuiaqatigiit peqqissusiannik isiginninnermit aamma WHO-p imigassaq aalakoornartortalik pillugu politikkimut, ilisimatusarnermit tunngavilimmut, inassuteqaataanit kiisalu misilittakkanit naleqquttunit aamma Kalaallit Nunaannit aamma nunanit issittunit allanit ilisimatusarnernit tunngaveqarput.
Inassuteqaatit suliniuteqarfigineqartussanik isamanik, aamma inassuteqaatinik 17-inik ilaqarput, taakku ataatsimoorlutik inuiaqatigiinni imigassamit aalakoornartortalimmit ajoqusertarnernik annikillisataasinnaallutillu pitsaaliuissutaasinnaassallutik. Inassuteqaatit aammattaaq tunngavinnit qulinit tunngaveqarput, taakku inuiaqatigiinnut immikkut nalequttuullutik.
Imigassaq aalakoornartortalik pillugu ukiunut arlalinnut politikkissamik, ilisimatusarnermit tunngavilimmik, Naalakkersuisut saqqummiussaqarnissaat Inatsisartunit aalajangerneqarpoq. Tassunga ilanngullugu inassuteqaatit suliniutinik meeqqat ilaqutariinni aanngajaarniutinik ajornartorsiuteqarfiusuni peroriartunnginnissaannik qulakkeerinniffiusinnaasunik, aamma suliniutinik inooqataanikkut ingerlatitseqqittarnermik kipititseqataasinnaasunik immikkut salliutitsiffiussasut aalajangerneqarluni.
Imigassaq aalakoornartortalik pillugu inassuteqaatinik suliaqarneq Innutaasut Peqqissusiannik Ilisimatusarfik aamma WHO/Europe qanimut suleqatigalugit Peqqissutsimik Naalakkersuisoqarfimmit aallaaveqarpoq. Inassuteqaatinik ineriartortitsineq naalakkersuisoqarfinnik allanik, aqutsisoqarfinnik aamma suliffeqarfinnik siammasissumik suleqateqarnikkut ingerlanneqarpoq.
Inassuteqaatinik suliaqarneq Inuuneritta III-mi – 2020-2030-mi meeqqat inuunerinnissaat pillugu suleqatigiinnissamut Naalakkersuisut periusissiaat-nni Naleraq 4-p ataani suliniutitut aallaaveqarpoq. Naleraq 4 meeqqat tamarmik toqqissisimanartumik aamma pitsaasumik atugaqarnissaannik pilersitsinissamut tunngassuteqarpoq, meeqqat nakuusernermut aamma innarlerneqarnissamut illersorneqarlutillu aanngajaarniutinit aamma tupamit ajoquserneqassanatik.
Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit Naalakkersuisut.gl-imi tusarniaanermut nittartakkami. Uani annertunerusumik paasisaqarfigikkit
Paasissutissanik arlaqarnerusunik pissarsiniarlutit naalakkersuisup allattaa Nivé Lynge Biilmann e-mailimut: nilb@nanoq.gl imaluunniit oqarasuaammut: +299 34 52 84 attaveqarfigiuk.
- Imigassaq aalakoornartortalik inuiaqatigiinnut annertuumik kingunerluuteqartitsisarpoq. Taamaattumik imigassaq aalakoornartortalik pillugu siunissami politikkissarput inuiaqatigiit toqqissisimasuunissaannik aamma arlannaataluunniit imigassamit aalakoornartortalimmit ajoquserneqannginnissaanik qulakkeerinninnissamut anguniagaqarfiulluarlunilu siunnerfeqarnissaa pingaaruteqarpoq. Inuup imigassamik aalakoornartortalimmik pisillunilu imersinnaanerminik pisinnaatitaaffeqarlunilu kiffaanngissuseqarnerata peerneqarnissaa inassuteqaatitigut anguniarneqanngilaq, akerlianilli inersimasut imigassamik aalakoornartortalimmik atuinerannit ajoquserneqannginnissamik kinguaariit peroriartortut pisinnaatitaaffeqarnerannik aamma kiffaanngissuseqarnerannik qulakkeerinninnissaq anguniarneqarluni, Peqqissutsimut Naalakkersuisoq, Agathe Fontain oqarpoq nangillunilu:
- Inassuteqaatit siammasissumik oqaloqatigiissutigineqarnissaat, aamma tamanit oqaluuserilluaqqissaarneqarnissaat pingaaruteqarpoq, taamaaliornikkut imigassaq aalakoornartortalik pillugu siunissami politikkissap imarisaanik politikerit aalajangiinissaminnut pitsaanerpaamik tunngavissaqarniassammata. Imigassamut aalakoornartortalimmut tunngatillugu massakkut iliuuseqarnissatsinnik aalajangernerput siunissatsinnik, minnerunngitsumillu meerartatta aamma ernuttatta siunissaannik ilusilersuisuusussanngussaaq.
Imigassaq aalakoornartortalik pillugu ukiunut arlalinnut, ilisimatusarnermit tunngavilimmik, inassuteqaatit inuiaqatigiit peqqissusiannik isiginninnermit aamma WHO-p imigassaq aalakoornartortalik pillugu politikkimut, ilisimatusarnermit tunngavilimmut, inassuteqaataanit kiisalu misilittakkanit naleqquttunit aamma Kalaallit Nunaannit aamma nunanit issittunit allanit ilisimatusarnernit tunngaveqarput.
Inassuteqaatit suliniuteqarfigineqartussanik isamanik, aamma inassuteqaatinik 17-inik ilaqarput, taakku ataatsimoorlutik inuiaqatigiinni imigassamit aalakoornartortalimmit ajoqusertarnernik annikillisataasinnaallutillu pitsaaliuissutaasinnaassallutik. Inassuteqaatit aammattaaq tunngavinnit qulinit tunngaveqarput, taakku inuiaqatigiinnut immikkut nalequttuullutik.
Imigassaq aalakoornartortalik pillugu ukiunut arlalinnut politikkissamik, ilisimatusarnermit tunngavilimmik, Naalakkersuisut saqqummiussaqarnissaat Inatsisartunit aalajangerneqarpoq. Tassunga ilanngullugu inassuteqaatit suliniutinik meeqqat ilaqutariinni aanngajaarniutinik ajornartorsiuteqarfiusuni peroriartunnginnissaannik qulakkeerinniffiusinnaasunik, aamma suliniutinik inooqataanikkut ingerlatitseqqittarnermik kipititseqataasinnaasunik immikkut salliutitsiffiussasut aalajangerneqarluni.
Imigassaq aalakoornartortalik pillugu inassuteqaatinik suliaqarneq Innutaasut Peqqissusiannik Ilisimatusarfik aamma WHO/Europe qanimut suleqatigalugit Peqqissutsimik Naalakkersuisoqarfimmit aallaaveqarpoq. Inassuteqaatinik ineriartortitsineq naalakkersuisoqarfinnik allanik, aqutsisoqarfinnik aamma suliffeqarfinnik siammasissumik suleqateqarnikkut ingerlanneqarpoq.
Inassuteqaatinik suliaqarneq Inuuneritta III-mi – 2020-2030-mi meeqqat inuunerinnissaat pillugu suleqatigiinnissamut Naalakkersuisut periusissiaat-nni Naleraq 4-p ataani suliniutitut aallaaveqarpoq. Naleraq 4 meeqqat tamarmik toqqissisimanartumik aamma pitsaasumik atugaqarnissaannik pilersitsinissamut tunngassuteqarpoq, meeqqat nakuusernermut aamma innarlerneqarnissamut illersorneqarlutillu aanngajaarniutinit aamma tupamit ajoquserneqassanatik.
Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit Naalakkersuisut.gl-imi tusarniaanermut nittartakkami. Uani annertunerusumik paasisaqarfigikkit
Paasissutissanik arlaqarnerusunik pissarsiniarlutit naalakkersuisup allattaa Nivé Lynge Biilmann e-mailimut: nilb@nanoq.gl imaluunniit oqarasuaammut: +299 34 52 84 attaveqarfigiuk.