AtuartigukPiniartunut aalisartunullu aningaasaqarnikkut ikiorsiineq aallarteqqinnissamullu tapiissuteqarneq
Nassiussisuuvoq: Aalisarnermut Piniarnermullu NaalakkersuisoqarfikAalisarnermut Piniarnermullu Naalakkersuisoq 19. decemberimi piniartunut aalisartunullu 505.324 kr.-nik aningaasaqarnikkut ikiorsiissuteqarlunilu aallarteqqinnissamut tapiissuteqarsimavoq.
Qaammatini kingullerni kingusissukkut sikuniarsimanera pissutigalugu isertitakinneq tunngavigalugu Qaanaami Siorapalummilu piniartunut aalisartunullu 24-nut aningaasaqarnikkut ikiorsiissuteqartoqarpoq. Taamaattumik piffissami sivisuumi piniarnissamut aalisarnissamullu periarfissaqarsimanngillat. Taamaalilluni silap pissusaatigut ajornakusoortitsinerit tunngavigalugit tapiissuteqartoqarpoq.
Tamatuma saniatigut Naalakkersuisoq piniartunut aalisartunullu marlunnut Tunumi piterarneranut atatillugu sakkuminnik annaasaqarsimasunut aallarteqqinnissamut tapiissuteqarsimavoq.
Aalisarnermut Piniarnermullu Naalakkersuisoq Inuussutissarsiutigalugu aalisartut, inuussutissarsiutigalugu piniartut inuussutissarsiutigalugulu nunalerinermik ingerlataqartut aallarteqqinnissamut tapiiffigineqartarnerat pillugu inatsisartut inatsisaat naapertorlugu aningaasanik tapiissuteqarpoq. Naalakkersuisut 2024-mi katillugit 2.297.734 kr.-nik aallarteqqinnissamut tapiissuteqarsimapput.
Paasisaqarnerorusukkuit Aalisarnermut Piniarnermullu Naalakkersuisoqarfik attavigiuk ugguuna: apn@nanoq.gl.