Nannuttassiissutit 2025-moortut

Naalakkersuisut nannuttassiissutit 2025-moortut akuersissutigaat. Nannuttassiissutit ilisimatuussutsikkut inassuteqaatit kingullerpaat Kitaanut tunngasut, tusarniaanerit naalakkersuinikkullu aalajangiinerit aallaavigalugit agguaanneqarput.
Naalakkersuisut aamma aalajangerput allatut ajornartumik illersuisariaqalernermik aamma illersuisussaatitaanermik tunngaveqartumik nannut nuna tamakkerlugu pisassiissutiniit 4-t illuartinneqassasut, takuuk nannut pillugit nalunaarummi § 5, imm. 2. Taakku pisanut nalunaarutinut ilanngunneqartassapput taamatut pisoqartillugu.
Aammattaaq Naalakkersuisut aalajangerput kulturi tunngavigalugu pisassiissutit “kulturkvote”, kommunit ileqqutoqqat atorlugit piniartoqarfiusut kajumissaarneqassasut pisassiissutaareersut iluannit tassunga illuartissinnaanissaat, soorlu assersuutigalugu qimussimik nannunniarneq.

Agguaassinerit imaapput:
Takussutissiaq 1: 2024-mut aamma 2025-mut nannuttassiissutit.

Kujataani nannuttassat 6-nnik ilaneqarput, taakkua ajornartoornermiit toquttariaqakkaniit aaneqarput.

Takussutissiaq 2: Pisassat aqutsiveqarfinnut agguarneqarneri imaapput:

2024-mut nannuttassiissutinit pisarinngitsuukkat 2025-mut nuunneqassapput (carry-over), taama-tut nuussinermi ukiumiit ukiumut periuseq pisassiissutinut amerliartuutaanngitsoq malinneqas-saaq, nanoqatigiit kommunillu iluanni. Sinniilluni pisaqartoqarsimassappat taakkua ilanngaatigineqarumaarput.

Annertunerusumik paasisaqartoqarusukkuni Aalisarnermut Piniarnermullu Naalakkersuisoqarfim-mi immikkoortortaqarfimmi pisortaq Amalie Jessen, tlf. 34 53 04 e-mail amalie@nanoq.gl aqquti-galugit attavigineqarsinnaavoq.