AtuartigukPaul Watson pillugu suliap aalajangiiffigineqarnera pillugu Naalakkersuisut oqaaseqaataat
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Nunat tamat akornanni parnaarusseqqussut Japanimit atulersinneqartoq tunngavigalugu, Paul Watson-ip ulloq 21. juli 2024-ip kingorna Nuummi tigummigallagaanera pillugu suliami, ulloq manna Inatsiseqarnermut ministereqarfik aalajangiisimavoq.
Tunniussinissamut piumasaqaatit naammassineqarsimannginnerannik Inatsiseqarnermut ministereqarfiup naliliineranik aalajangiineq kinguneqarmat, Paul Watson-ip ingerlaannarluni iperagaanissaa Naalakkersuisut naatsorsuutigaat.
Inatsisit atuutsinneqarnerannut suliassaqarfik suli qallunaat akisussaaffittut suliassaqarfigaat aamma inatsit atuuttoq tunniussinissamut killissaliisoq 1967-iminngaanneerpoq. Inatsisit nutarterneqarnissaat pillugu naalagaaffiup oqartussaasuinik ingerlaavartumik oqaloqatiginninnernut atatillugu, malittarisassat nutarterneqarnissaat, taamaalillutik ullutsinnut naleqquttunngortinneqassammata, taamaammat Naalakkersuisut Inatsiseqarnermut ministereqarfimmut noqqaassutigissavaat. Tunniussinissamut piumasaqaatit naammassineqarsimanersut pillugit apeqqutit aalajangiiffigineqarnissaat siunissami taamaallaat eqqartuussiviit piginnaasaqarfigissagaat, tamatuma ilaatigut kingunerissavaa.
”Suliaq Naalakkersuisut saneraanit malinnaaffigaat, kisianni suliap aalajangiiffigineqarnerani arlaannaatigulluunniit sunniuteqarsimanatik aamma suliap takussutissartaanik takunnissinnaasimanngillat. Kalaallit Nunaat nunaavoq inatsisitigut illersugaanermik pingaartitsisoq aamma Inatsiseqarnermut ministereqarfiup nunallu eqqartuussiviisa suliamik tunngavilersugaasumik suliarinninnissaat aamma inatsisit atuuttut malillugit tunniussinissamut piumasaqatit naammassineqarsimanerannik qulakkeerinnissimanissaat, tunngaviusumik Naalakkersuisut tatigaat. Tamanna tunngavigalugu aalajangiineq Naalakkersuisut tusaatissatut tiguaat”.
Tunniussinissamut piumasaqaatit naammassineqarsimannginnerannik Inatsiseqarnermut ministereqarfiup naliliineranik aalajangiineq kinguneqarmat, Paul Watson-ip ingerlaannarluni iperagaanissaa Naalakkersuisut naatsorsuutigaat.
Inatsisit atuutsinneqarnerannut suliassaqarfik suli qallunaat akisussaaffittut suliassaqarfigaat aamma inatsit atuuttoq tunniussinissamut killissaliisoq 1967-iminngaanneerpoq. Inatsisit nutarterneqarnissaat pillugu naalagaaffiup oqartussaasuinik ingerlaavartumik oqaloqatiginninnernut atatillugu, malittarisassat nutarterneqarnissaat, taamaalillutik ullutsinnut naleqquttunngortinneqassammata, taamaammat Naalakkersuisut Inatsiseqarnermut ministereqarfimmut noqqaassutigissavaat. Tunniussinissamut piumasaqaatit naammassineqarsimanersut pillugit apeqqutit aalajangiiffigineqarnissaat siunissami taamaallaat eqqartuussiviit piginnaasaqarfigissagaat, tamatuma ilaatigut kingunerissavaa.
”Suliaq Naalakkersuisut saneraanit malinnaaffigaat, kisianni suliap aalajangiiffigineqarnerani arlaannaatigulluunniit sunniuteqarsimanatik aamma suliap takussutissartaanik takunnissinnaasimanngillat. Kalaallit Nunaat nunaavoq inatsisitigut illersugaanermik pingaartitsisoq aamma Inatsiseqarnermut ministereqarfiup nunallu eqqartuussiviisa suliamik tunngavilersugaasumik suliarinninnissaat aamma inatsisit atuuttut malillugit tunniussinissamut piumasaqatit naammassineqarsimanerannik qulakkeerinnissimanissaat, tunngaviusumik Naalakkersuisut tatigaat. Tamanna tunngavigalugu aalajangiineq Naalakkersuisut tusaatissatut tiguaat”.