Saattuarniarnermi aqutsinissamut pilersaarut nutartigaq 2025

Naalakkersuisut kitaani saattuanut aqutsinissamik pilersaarut nutaaq decembarip 16-ianni 2024-mi akueraat. Aqutsinissamut pilersaarut Inatsisartut aalisarneq pillugu inatsisip maajimi 2024-mi akuerineqarnerata kinguneraa. Saattuaq aalisakkat aningaasarsiutaalluartut ilagaat, paggatassatut aalisarneqartartoq pisassiissutitut niuerutigineqarsinnaasutut nammineq pigisatut aalisarneqarsinnaasunngorlugu allanngortinneqarpoq (PNNP).

Saattuanut aqutsinissamut pilersaarut pilersaarutit naapertorlugit januaarip aallaqqaataani 2025-mi atuutilissaaq decembarip 31-annut 2029-mut atuutsissalluni.

Ataani allannguutit allassimapput. Taakku aalisarneq pillugu inatsimmik tunngaveqarput aamma aalisarnermik inuussutissarsiutilinnit kissaataapput.

FP CRO 2025-mi pingaarutillit tassaapput:

• Aqutsinissamut pilersaarutip atuuffiata nutarternera: 1/1-2025 - 31/12-2029.
• Aqutsiveqarfiit nutarterneqarput, avataani sinerissallu qanittuani ataatsimut aqutsiveqarfinngortinneqarlutik. Aqutsiveqarfiit 12-init 6-inut ikilisinneqarlutik.
• Pinngortitaleriffiup sinerissap qanittuani avataanilu pisassanik siunnersuisarnera allanngortinneqanngilaq.
• Siusinnerusukkut immikkoortoq 4 ”Misissuinermit paasissutissaqanngilaq. Aalisarneq pillugu killilimik paasissutissaqarpoq imaluunniit paasissutissaqanngilaq” aqutsiveqarfinnit peerneqarput - aamma sinerissap qanittuinut ilanngunneqarput, taamaattumik misileraalluni aalisartoqarunnaarpoq.
• TAC-mik aalajangersaasarnermut tunngatillugu: Avataani sinerissallu qanittuani pisassanik siunnersuisarneq (immikkoortoq 1+2) ataatsimoortinneqarput TAC ataatsimoortinneqarluni. Sumiiffiit immikkoortut 3+4 TAC-at aalajangerneqarpoq sinerissap qanittuani sumiiffimmut 3-mut pisassanik siunnersuineq tunngavigalugu.
• Aqutsiveqarfiup Nuuk/Paamiut matoqqatinneqartarnera atuutsileqqissaaq.
• Suleqatigiissitap inassuteqarnera naapertorlugu bilagi Esape windows, qimaaffissanik atuisussaanerit nutarterneqassaaq.
• Aalisarneq pillugu inatsit allaaserineqarpoq.
  
  

Aqutsiveqarfinni sinerissap qanittuani aamma avataani 3 sømilimik killigitinneqartoq aqutsinissamut pilersaarummit aalisarnermik inuutissarsiutillit kissaataat naapertorlugu peerneqarpoq.

Aqutsinissamut pilersaarutit aalisarnermik inuussutissarsiutilinnut nalinginnaasumik pitsaasumik inuussutissarsiornerinut tunngaveqartitsisarput. Patajaatsumik siulittuereersumillu aqutsineq aalisarnermit sinneqartoornerunermik kinguneqartitsisinnaavoq, tamanna aalisartunut pisortanullu pitsaasumik aningaasaqarnermik kinguneqartitsisinnaalluni.

Pilersaarut uani takuuk Naalakkersuisut.gl.



Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl