AtuartigukNunatsinnut tamarmut atuuttussamik saarulliit pillugit aqutsinissamut pilersaarut
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut nunatsinnut tamarmut atuuttussamik saarullit pillugit aqutsinissamut pilersaarut decembarip 12-ianni 2024-mi aalajangerpaat. Pilersaarut januaarip aallaqqaataani 2025-mi atuutilissaaq.
Saarulleqatigiit assigiinngitsut ingammik kitaani akuleriaattorujussuupput, taamaattumik aqutsinissamut pilersaarut nutaaq sinerissap qanittuani avataanilu nunatsinni saarullinniarnermut nunatsinnut tamarmut tunngassuteqarpoq. Aqutsinissamut pilersaarut saarullinniarnermut arlalitsigut allannguuteqartitsissaaq.
Tunu
Tunup avataani saarullittassat ukiumut TAC-at aalajangerneqartassaaq pisat nalunaarsorneqarnerisa ineriartorneri aamma saarulleqatigiit pillugit paasisat nutaat tunngavigalugit.
Tunup sineriaata qanittuani saarullinniarneq paasissutissanik amerlanerusunik pinissamut killeqassanngilaq ingerlatiinnarneqassallunilu, paasissutissat saarullinniarnerup ineriartorneranut iluaqutaassallutik.
Kitaa
Kitaata avataani tunisassianik ukiorpassuarni saarullinniartoqarneq ajorpoq.
Avataani saarullinnik suffisunik 2023-mi aamma 2024-mi misileraalluni aalisartoqarpoq, saarullittassanilli 2024-mi innersuussisoqartalermat, avataani misileraalluni saarullinniarneq unitsinneqassaaq 2025-milu tunisassianik aalisartoqalissalluni.
Saarulleqatigiit pingasuusut immikkut TAC-ilerneqassapput, avannaata aqutsiveqarfianut aamma kujataata aqutsiveqarfianut. Taamaalilluni saarulleqatigiit naligiissumik aalisarneqartarnissaat qulakkeerneqassaaq.
Saarulleqatigiinnik aalisarneq innersuussutigineqartunit malunnaatilimmik amerlanernik aalisartoqartassaaq, saarulleqatigiit aamma sinerissap qanittuani aalisaqassammata.
Sinerissap qanittuani saarullinniarneq siornatigut aqutsinermut pilersaarusiorneqarneq ajorpoq. Taamaalilluni tamatumunnga allannguineq malunnaateqarnerussaaq. Aqutsinermut pilersaarusioqatigiit isumaqatigiissutigivaat sinerissap qanittuani saarullinniarnermut TAC-mik aalajangersaasarnissamut najoqqutassiortoqassasoq.
TAC pillugu najoqqutassiornermi saarulleqatigiit pillugit assortuuttumik isummertarnerit tamatumalu kingorna pissusilersortarnerit pinaveersaarniarlugit, najoqqutassiami pisassanik innersuussaqartassaaq aamma pisat ilanngunneqartassallutik. Najoqqutassiornermi anguniarneqarpoq TAC ilisimatuussutsikkut innersuussutigineqartumut qanillattussasoq. TAC ukiumit ukiumut amerlanerpaamik 10 procentinik allanngortinneqartarsinnaassalluni.
Saarullik illersorniarlugu aqutsinermut pilersaarummi siunnersuutigineqarpoq suffisarfiit ilisimaneqartut marsip aallaqqaataanit maajip 31-annut matoqqatinneqartassasut. Suffisarfiit suffiffiup nalaani matoqqatinneqarpata saarullik pitsaanerpaamik kinguaassiornissaminut periarfissaqartinneqassaaq, taamaalilluni saarulleqatigiit siunissami amerlinissaannut kinguneqarsinnaassalluni.
Aqutsinissamut pilersaarut ukunannga suliarineqarpoq: Aalisarneq pillugu Siunnersuisooqatigiit, Sulisitsisut, KNAPK, QAK, Arctic Prime Fisheries ApS, Aningaasaqarnermut akileraartarnermullu Naalakkersuisoqarfik, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik, Kalaallit Nunaanni Aalisarnermut Piniarnermullu Nakkutilliisoqarfik, Pinngortitaleriffik, Kommunit, NUSUKA, Oceans North Kalaallit Nunaat, Royal Greenland A/S, SQAPK aamma SFG. Aamma Polar Seafood Greenland A/S kiisalu Sigguk A/S peqataapput.
Aqutsinissamut pilersaarut uani atuarneqarsinnaavoq Aqutsinissamik pilersaarutit.
Paasissutissanik amerlanerusunik Aalisarnermut Piniarnermullu Naalakkersuisoqarfimmut piniartoqarsinnaavoq. APN@nanoq.gl
Saarulleqatigiit assigiinngitsut ingammik kitaani akuleriaattorujussuupput, taamaattumik aqutsinissamut pilersaarut nutaaq sinerissap qanittuani avataanilu nunatsinni saarullinniarnermut nunatsinnut tamarmut tunngassuteqarpoq. Aqutsinissamut pilersaarut saarullinniarnermut arlalitsigut allannguuteqartitsissaaq.
Tunu
Tunup avataani saarullittassat ukiumut TAC-at aalajangerneqartassaaq pisat nalunaarsorneqarnerisa ineriartorneri aamma saarulleqatigiit pillugit paasisat nutaat tunngavigalugit.
Tunup sineriaata qanittuani saarullinniarneq paasissutissanik amerlanerusunik pinissamut killeqassanngilaq ingerlatiinnarneqassallunilu, paasissutissat saarullinniarnerup ineriartorneranut iluaqutaassallutik.
Kitaa
Kitaata avataani tunisassianik ukiorpassuarni saarullinniartoqarneq ajorpoq.
Avataani saarullinnik suffisunik 2023-mi aamma 2024-mi misileraalluni aalisartoqarpoq, saarullittassanilli 2024-mi innersuussisoqartalermat, avataani misileraalluni saarullinniarneq unitsinneqassaaq 2025-milu tunisassianik aalisartoqalissalluni.
Saarulleqatigiit pingasuusut immikkut TAC-ilerneqassapput, avannaata aqutsiveqarfianut aamma kujataata aqutsiveqarfianut. Taamaalilluni saarulleqatigiit naligiissumik aalisarneqartarnissaat qulakkeerneqassaaq.
Saarulleqatigiinnik aalisarneq innersuussutigineqartunit malunnaatilimmik amerlanernik aalisartoqartassaaq, saarulleqatigiit aamma sinerissap qanittuani aalisaqassammata.
Sinerissap qanittuani saarullinniarneq siornatigut aqutsinermut pilersaarusiorneqarneq ajorpoq. Taamaalilluni tamatumunnga allannguineq malunnaateqarnerussaaq. Aqutsinermut pilersaarusioqatigiit isumaqatigiissutigivaat sinerissap qanittuani saarullinniarnermut TAC-mik aalajangersaasarnissamut najoqqutassiortoqassasoq.
TAC pillugu najoqqutassiornermi saarulleqatigiit pillugit assortuuttumik isummertarnerit tamatumalu kingorna pissusilersortarnerit pinaveersaarniarlugit, najoqqutassiami pisassanik innersuussaqartassaaq aamma pisat ilanngunneqartassallutik. Najoqqutassiornermi anguniarneqarpoq TAC ilisimatuussutsikkut innersuussutigineqartumut qanillattussasoq. TAC ukiumit ukiumut amerlanerpaamik 10 procentinik allanngortinneqartarsinnaassalluni.
Saarullik illersorniarlugu aqutsinermut pilersaarummi siunnersuutigineqarpoq suffisarfiit ilisimaneqartut marsip aallaqqaataanit maajip 31-annut matoqqatinneqartassasut. Suffisarfiit suffiffiup nalaani matoqqatinneqarpata saarullik pitsaanerpaamik kinguaassiornissaminut periarfissaqartinneqassaaq, taamaalilluni saarulleqatigiit siunissami amerlinissaannut kinguneqarsinnaassalluni.
Aqutsinissamut pilersaarut ukunannga suliarineqarpoq: Aalisarneq pillugu Siunnersuisooqatigiit, Sulisitsisut, KNAPK, QAK, Arctic Prime Fisheries ApS, Aningaasaqarnermut akileraartarnermullu Naalakkersuisoqarfik, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik, Kalaallit Nunaanni Aalisarnermut Piniarnermullu Nakkutilliisoqarfik, Pinngortitaleriffik, Kommunit, NUSUKA, Oceans North Kalaallit Nunaat, Royal Greenland A/S, SQAPK aamma SFG. Aamma Polar Seafood Greenland A/S kiisalu Sigguk A/S peqataapput.
Aqutsinissamut pilersaarut uani atuarneqarsinnaavoq Aqutsinissamik pilersaarutit.
Paasissutissanik amerlanerusunik Aalisarnermut Piniarnermullu Naalakkersuisoqarfimmut piniartoqarsinnaavoq. APN@nanoq.gl