AtuartigukNuummi tarnikkut katsorsaaviup illutassaata nutaap sananeqarnissaanut atugassiinissaq akuerineqarpoq
Nassiussisuuvoq:.jpg?cx=0.5&cy=0.5&cw=975&ch=415&hash=1AB6FAC88BBA8CF03B95EB420FB69773)
Peqqissutsimut Naalakkersuisup aamma Ineqarnermut Attaveqaasersuutinullu Naalakkersuisup nuannaarutigingaarlugu nalunaarutigisinnaavaat, Nuummi tarnikkut katsorsaaviup illutassaata nutaap sananeqarnissaanut atugassanngortitsinissamut Naalakkersuisut qinnuteqaataat Inatsisartut Aningaasaqarnermut Akileraartarnermullu Ataatsimiititaliaannit akuerineqarmat. Akuersissuteqartoqarneratigut Pernagreen Grønland A/S-imut isumaqatigiissusiortoqarpoq, tamatumalu kingorna suliaq aallartissinnaalerluni. Illup nutaap 2027-p naanerani tunniunneqarnissaa atulernissaalu naatsorsuutigineqarpoq.
Peqqissutsimut Naalakkersuisoq Agathe Fontain oqarpoq:
”Piffissami sivisuuni tarnikkut katsorsaanermi sinaakkutissat kivinneqarnissaat, taamaalillunilu tarnikkut katsorsaanermi napparsimasut sulisullu atugassaannik pitsaanerusunik pilersitsinissaq annertuumik pisariaqartinneqarsimavoq. Taamaattumik kiisami Nuummi tarnikkut katsorsaaviup illutassaanik nutaamik sananermik aallartitsisinnaalernerput nutaarsiassaavoq nuannerluinnartoq. Suliaq taanna piffissami sivisuumi ingerlasimavoq, kisiannili suliaq, tarnikkut katsorsaanerup siunissami ukiorpassuarnut qulakkeeriffigineqartoq pitsaalluinnartumik inerneqarmat nuannaarutigaarput.”
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Sanaartornissamut isumaqatiginninniarnitta naammassinissaanut iluatsitsinerput, maannalu Nuummi tarnikkut katsorsaaviup illutassaata nutaap sananeqarneranik aallartitsisinnaalernerput nuannaarutigaara. Angusaq pitsaalluinnartuuvoq, tamatta iluarisimaarsinnaasarput. Suliap iluatsinnissaannut tunniusimallutik suleqataasut tamaasa qutsavigaakka. Suliamut angusallu naammassinissaasa malinnaaffiginissaannut qilanaarpunga.”
Permagreen Grønland A/S-imi pisortaaneq Jeppe Steffensen oqarpoq:
”Suliassami angisuumi pingaarutilimmilu Permagreen-imiit suleqataanissamut periarfissinneqarnerput nuannaarutigaara tulluusimaarutigalugulu. Permagreen-imi allarpassuartulli sulisunik najukkamiittunik, pikkorissunik ilinniarsimasunillu atuisinnaanissarput pinngitsoorsinnaanngilarput. Taamaattumik periarfissaqarfitsinni sullivimmi misiliiffissanik ilinniarfissanillu neqerooruteqarsinnaanissarput pingaartittorujussuuarput. Tarnikkut katsorsaaviup angissusia piffissaliussarlu peqqutigalugit patajaatsumik sulisinnaalluarpugut, taamaattumillu sullivimmi misiliiffissanik ilinniarfissanillu amerlanerusunik neqerooruteqarsinnaalissaagut.”
Tarnikkut katsorsaaviup illutassaa nutaaq 22-nik siniffeqassaaq, aammalu init quleriit marluussapput, kiisalu kiilereqassalluni. Illu peqqinnissaqarfiup qalipaataanik sungaartumik qalipaateqassaaq, ilusiligaanermigullu napparsimmaviup avatangiisuusup illutaanut naleqqussagaassalluni. Kiileri peqqinnissaqarfiup toqqorsiviatut atorneqassaaq.
Siunissami pisariaqartitsinermi allannguutaajumaartussat naammassiniarlugit tarnikkut katsorsaaviup illutaata ilusiligaanerani eqaatsumik aaqqiisinnaanissaq annertuumik periarfissaqartinneqassaaq. Ilusiliinermi atortut ikkussoriaannaassapput, kingusinnerusukkut pisariaqartitsinerit allanngussappata ilusilersugaaneranik allannguisoqarsinnaassalluni. Tamanna ilaatigut inini qullerni init oqaloqatiginnittarfiit allaffiillu assigiimmik ilusilersugaassapput atortulersugaassallutillu, taamaalillutillu kingusinnerusukkut assersuutigalugu napparsimasunut inittut ilusilerneqarsinnaassallutik.
Aamma suliassamut ambulancinut eqqussiviup nutaap aamma portøreqarfiup nutaap sananeqarnissaat ilaatinneqarput. Ambulancinut eqqussivik portøreqarfillu illumut ataatsimut kattunneqassapput, taannalu maanna nakorsianut inissiisarfiusumut atasunngorlugu, aammalu tarnikkut katsorsaaviup illutaanut nutaamut ilassutitut inissillugu sananeqassaaq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Peqqissutsimut Naalakkersuisoq Agathe Fontain oqarpoq:
”Piffissami sivisuuni tarnikkut katsorsaanermi sinaakkutissat kivinneqarnissaat, taamaalillunilu tarnikkut katsorsaanermi napparsimasut sulisullu atugassaannik pitsaanerusunik pilersitsinissaq annertuumik pisariaqartinneqarsimavoq. Taamaattumik kiisami Nuummi tarnikkut katsorsaaviup illutassaanik nutaamik sananermik aallartitsisinnaalernerput nutaarsiassaavoq nuannerluinnartoq. Suliaq taanna piffissami sivisuumi ingerlasimavoq, kisiannili suliaq, tarnikkut katsorsaanerup siunissami ukiorpassuarnut qulakkeeriffigineqartoq pitsaalluinnartumik inerneqarmat nuannaarutigaarput.”
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Sanaartornissamut isumaqatiginninniarnitta naammassinissaanut iluatsitsinerput, maannalu Nuummi tarnikkut katsorsaaviup illutassaata nutaap sananeqarneranik aallartitsisinnaalernerput nuannaarutigaara. Angusaq pitsaalluinnartuuvoq, tamatta iluarisimaarsinnaasarput. Suliap iluatsinnissaannut tunniusimallutik suleqataasut tamaasa qutsavigaakka. Suliamut angusallu naammassinissaasa malinnaaffiginissaannut qilanaarpunga.”
Permagreen Grønland A/S-imi pisortaaneq Jeppe Steffensen oqarpoq:
”Suliassami angisuumi pingaarutilimmilu Permagreen-imiit suleqataanissamut periarfissinneqarnerput nuannaarutigaara tulluusimaarutigalugulu. Permagreen-imi allarpassuartulli sulisunik najukkamiittunik, pikkorissunik ilinniarsimasunillu atuisinnaanissarput pinngitsoorsinnaanngilarput. Taamaattumik periarfissaqarfitsinni sullivimmi misiliiffissanik ilinniarfissanillu neqerooruteqarsinnaanissarput pingaartittorujussuuarput. Tarnikkut katsorsaaviup angissusia piffissaliussarlu peqqutigalugit patajaatsumik sulisinnaalluarpugut, taamaattumillu sullivimmi misiliiffissanik ilinniarfissanillu amerlanerusunik neqerooruteqarsinnaalissaagut.”
Tarnikkut katsorsaaviup illutassaa nutaaq 22-nik siniffeqassaaq, aammalu init quleriit marluussapput, kiisalu kiilereqassalluni. Illu peqqinnissaqarfiup qalipaataanik sungaartumik qalipaateqassaaq, ilusiligaanermigullu napparsimmaviup avatangiisuusup illutaanut naleqqussagaassalluni. Kiileri peqqinnissaqarfiup toqqorsiviatut atorneqassaaq.
Siunissami pisariaqartitsinermi allannguutaajumaartussat naammassiniarlugit tarnikkut katsorsaaviup illutaata ilusiligaanerani eqaatsumik aaqqiisinnaanissaq annertuumik periarfissaqartinneqassaaq. Ilusiliinermi atortut ikkussoriaannaassapput, kingusinnerusukkut pisariaqartitsinerit allanngussappata ilusilersugaaneranik allannguisoqarsinnaassalluni. Tamanna ilaatigut inini qullerni init oqaloqatiginnittarfiit allaffiillu assigiimmik ilusilersugaassapput atortulersugaassallutillu, taamaalillutillu kingusinnerusukkut assersuutigalugu napparsimasunut inittut ilusilerneqarsinnaassallutik.
Aamma suliassamut ambulancinut eqqussiviup nutaap aamma portøreqarfiup nutaap sananeqarnissaat ilaatinneqarput. Ambulancinut eqqussivik portøreqarfillu illumut ataatsimut kattunneqassapput, taannalu maanna nakorsianut inissiisarfiusumut atasunngorlugu, aammalu tarnikkut katsorsaaviup illutaanut nutaamut ilassutitut inissillugu sananeqassaaq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl