Norgemik aalisakkat pillugu 2025-mut isumaqatigiissut

Kalaallit Nunaat Savalimmiullu illugiillutik aalisarneq pillugu 2025-mut isumaqatigiissuteqarput. Isumaqatigiissut tunngavigalugu kalaallit aalisartui Norgep imartaani 2025-mi aalisarsinnaassapput aamma Norgemiut Kalaallit Nunataata imartaani 2025-mi aalisarnissaannut isumaqatigiissut tunngaviussaaq. Kalaallit Nunaat Norgilu illugiillutik aalisarneq pillugu 2025-mut isumaqatigiissuteqarput. Isumaqatigiissut tunngavigalugu kalaallit aalisartui Norgep imartaani Barentshavemi saarullittassaat 2024-mut sanilliullugit 300 tonsinik ikinnerussapput. Pisassanik siunnersuinermi pisassat ikilisinneqarnerinik tamanna pissuteqarpoq, taamaalilluni Norge ukioq mannatut amerlatigisunik saarullittassiisinnaanngilaq. Saarulliit arlaannut, sej, aamma kullerinut, kuller, Barentsjhavemi pisassiissutit aamma tamarmik immikkut 75 tonsinik ikilisinneqarput, taakku annermik pisarisuukkatut aalisarneqartarmata. Taamaattumik pisassiissutit saarullittassiissutinut naapertuutinneqarput. Taamaalilluni kalaallit aalisartui Barentshavemi saarulliit 3.700 tonsit, kullerit 675 tonsit aamma saarulliit ilaat 575 tonsit 2025-mi aalisarsinnaavaat.

Norgimiut aalisartuisa nunatta imartaata kitaani qaleralittassaat 200 tonsinik ikilineqarput, aamma Tunumi pisassaat 2024-mut sanilliullugit 55 tonsinik ikinnerussallutik.

Aalisakkat pillugit ukiumoortumik isumaqatiginninniarnerit Norgep Danmarkimi aallartitaqarfiani Københavnimi novembarip 27-anni 2024-mi isumaqatiginninniutigineqarput. Isumaqatiginninniarnerit atorfilittanit ingerlanneqarput Aalisarnermut Piniarnermullu Naalakkersuisoqarfimmit siulersorneqarlutik. Isumaqatiginninniarnermi peqataasut allat tassaapput Kalaallit Nunaanni Aalisarnermut Piniarnermullu Nakkutilliisoqarfik, Aningaasaqarnermut Akileraartarnermullu Naalakkersuisoqarfik, Pinngortitaleriffik aamma aalisarnermik inuussutissarsiuteqartut.

Isumaqatigiissummi allanneqartut nutaat kalaallisut nutserneqariarpata apn.gl-ikkut saqqummiunneqassapput

Tabelimi pisassatut 2025-mi paarlaasseqatigiinnertut aalisagartassat tonsinngorlugit allanneqarput, ukiut siulii aamma ilanngunneqarlutik.

Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl