AtuartigukPeqqinnissaqarfiup seeqqukkut siffissakkullu suliarinninnermik immikkut ittumik suliniutaa
Nassiussisuuvoq: Peqqissutsimut Naalakkersuisoqarfik
Naalakkersuisunit aningaasaliissutit aamma Peqqinnissaqarfimmit saniatigut suliniuteqartoqarneratigut nakorsiartut amerlanerusut seeqqulerneqarlutillu siffialerneqarput. Suliniutigineqartoq 2025-imi nanginneqassaaq.
Peqqinnissaqarfik 2023-mi ataasiartumik 6,5 mio. kr.-nik aningaasaliiffigineqarpoq, seeqqukkut siffissakkullu suliarinnittarnerni utaqqisut allattorsimaffianniittunik ikilisaanissamik siunertaqartumik. Taakku saniatigut aningaasaliissutit Peqqinnissaqarfimmi seeqqukkut siffissakkullu suliarineqarnissamut utaqqisut allattorsimaffianniittunut malunnaatilimmik allannguipput. Peqqinnissaqarfimmi sulisut suliarinninnerit pilersaarusiornerinut ingerlanneqarnerannullu immikkorluinnaq suliniuteqarnikuupput. Suliniuteqarneq 2023-p ingerlanerani sapaatip-akunnikkaartumik sukkasuumik ingerlanneqartarluni pilersaarusiorneqarsimavoq. Immikkorluinnaq suliniuteqarneq nakorsiartut 115-it 2023-mi nutaamik seeqqulersinneqarnerannik kinguneqarpoq, 2022-mi nakorsiartut quliusut.
”Saniatigut aningaasaliissutit seeqqukkut siffissakkullu suliaritinniartunut utaqqisut allattorsimaffianniittunut nakorsiartunut malunnaatilimmik allannguisimanerat nuannaarutigaara. Peqqinnissaqarfik immikkorluinnaq seeqquluttunut siffiarluttunullu inuunerannik pitsanngoriartitsisumik, pingaarutilimmik suliniuteqarpoq” Peqqissutsimut Naalakkersuisoq, Agathe Fontain oqarpoq.
Partiit isumaqatigiissuteqartut akornanni novembarimi 2023-mi Peqqinnissaq pillugu Isumaqatigiissummik, peqqinnissaqarfiup ineriartornissaanut ataatsimut sinaakkusiisumik, 2024-mut aningaasanut inatsimmi peqqinnissaqarfimmut aningaasat 35 mio. kr.-t suliniutinut salliutinneqartunut aningaasaliissutissatut immikkoortinneqarput.
Peqqinnissaqarfimmut aningaasaliissutinit seeqqukkut siffissakkullu suliaritinnissanut Peqqinnissaqarfik ataavartussamik aningaasaliiffigineqarpoq. Taamaalilluni Peqqinnissaqarfiup seeqqukkut siffissakkullu suliaritinnissamut utaqqisunut allattorsimaffimmiittut ikilisarniarlugit iluatsittumik suliani nangissavaa. Nakorsiartut amerlanerusut siulianut sanilliullugu nutaamik seeqqulersinneqarnissamik 2024-mi neqeroorfigineqarput.
Peqqinnissaqarfik 2025-mi seeqqukkut siffissakkullu suliarinninnissamut pilersaarusiorpoq.
”Tamatuma kivinneqarnissaanut sulisut isumaginnittut tamaasa qujaffigaakka” Peqqissutsimut Naalakkersuisoq, Agathe Fontain oqarpoq..
Sukumiinerusumik paasisaqarusukkuit Peqqissutsimut Naalakkersuisoqarfik attaveqarfigineqarsinnaavoq pn@nanoq.gl.
Peqqinnissaqarfik 2023-mi ataasiartumik 6,5 mio. kr.-nik aningaasaliiffigineqarpoq, seeqqukkut siffissakkullu suliarinnittarnerni utaqqisut allattorsimaffianniittunik ikilisaanissamik siunertaqartumik. Taakku saniatigut aningaasaliissutit Peqqinnissaqarfimmi seeqqukkut siffissakkullu suliarineqarnissamut utaqqisut allattorsimaffianniittunut malunnaatilimmik allannguipput. Peqqinnissaqarfimmi sulisut suliarinninnerit pilersaarusiornerinut ingerlanneqarnerannullu immikkorluinnaq suliniuteqarnikuupput. Suliniuteqarneq 2023-p ingerlanerani sapaatip-akunnikkaartumik sukkasuumik ingerlanneqartarluni pilersaarusiorneqarsimavoq. Immikkorluinnaq suliniuteqarneq nakorsiartut 115-it 2023-mi nutaamik seeqqulersinneqarnerannik kinguneqarpoq, 2022-mi nakorsiartut quliusut.
”Saniatigut aningaasaliissutit seeqqukkut siffissakkullu suliaritinniartunut utaqqisut allattorsimaffianniittunut nakorsiartunut malunnaatilimmik allannguisimanerat nuannaarutigaara. Peqqinnissaqarfik immikkorluinnaq seeqquluttunut siffiarluttunullu inuunerannik pitsanngoriartitsisumik, pingaarutilimmik suliniuteqarpoq” Peqqissutsimut Naalakkersuisoq, Agathe Fontain oqarpoq.
Partiit isumaqatigiissuteqartut akornanni novembarimi 2023-mi Peqqinnissaq pillugu Isumaqatigiissummik, peqqinnissaqarfiup ineriartornissaanut ataatsimut sinaakkusiisumik, 2024-mut aningaasanut inatsimmi peqqinnissaqarfimmut aningaasat 35 mio. kr.-t suliniutinut salliutinneqartunut aningaasaliissutissatut immikkoortinneqarput.
Peqqinnissaqarfimmut aningaasaliissutinit seeqqukkut siffissakkullu suliaritinnissanut Peqqinnissaqarfik ataavartussamik aningaasaliiffigineqarpoq. Taamaalilluni Peqqinnissaqarfiup seeqqukkut siffissakkullu suliaritinnissamut utaqqisunut allattorsimaffimmiittut ikilisarniarlugit iluatsittumik suliani nangissavaa. Nakorsiartut amerlanerusut siulianut sanilliullugu nutaamik seeqqulersinneqarnissamik 2024-mi neqeroorfigineqarput.
Peqqinnissaqarfik 2025-mi seeqqukkut siffissakkullu suliarinninnissamut pilersaarusiorpoq.
”Tamatuma kivinneqarnissaanut sulisut isumaginnittut tamaasa qujaffigaakka” Peqqissutsimut Naalakkersuisoq, Agathe Fontain oqarpoq..
Sukumiinerusumik paasisaqarusukkuit Peqqissutsimut Naalakkersuisoqarfik attaveqarfigineqarsinnaavoq pn@nanoq.gl.