AtuartigukSinerissap qanittuani aalisarnermut ajunngitsunik suliniuteqartoqarpoq
Nassiussisuuvoq: Aalisarnermut Piniarnermullu Naalakkersuisoqarfik
KNAPK tusagassiuutinut novembarip 18-ianni 2024-mi nalunaarummini sinerissap qanittuani aalisarneq pillugu assigiinngitsunik tikkuagaqarpoq.
2025-mut aningaasanut inatsisissamut sinerissap qanittuani aalisarneq pillugu pilersinneqarsinnaasunik aamma suliniutaasinnaasunik peqannginnerarlugu uparuaavoq, taakku aalisarnermut tapersiisussaagaluarmata. Sinerissap qanittuani aalisarneq isiginngitsuusaarneqartutullusooq aamma pinerarlugu.
Aalisarnermut Piniarnermullu Naalakkersuisup KNAPK-ip nalunaarutaa akuerinngilaa isumaqarlunilu tamanna paatsuinermik tunngaveqartoq.
- Aningaasanut 2025-mut inatsisissatut siunnersuummi aalisarnermut piniarnermullu inerisartortitsinissamut 22 million koruunit missaanni aningaasaliisoqassaaq. Aamma ESU ullutsinnut naleqqussarniarlugu misissuiffigissallugu pilersaaruteqarpunga. Misissuinerup siunertarissallugu aamma qulakkiissallugu aalisartut piniartullu ullutsinnut siunissamullu piumasaat naapertorlugit tapiisalernissaq, Aalisarnermut Piniarnermullu Naalakkersuisoq Kim Kielsen oqarpoq.
KNAPK tusagassiuutinut nalunaarummini allappoq aalisarneq pillugu inatsisissaq atuutsileriaruni sinerissap qanittuani aalisartut atugaannut sukaterinermik kinguneqassasoq. Tamanna uppernarsarneqanngitsumik paatsuinermillu oqaatiginninneruvoq.
- Aalisartut kissaataat naalaartarpagut, soorlu PNNP-mik kissaateqarnerat naalaaripput. Aqutsiveqarfimmi 47-mi umiatsiaararsortut kissaatertik naapertorlugu taanna tunngavigalugu aalisarnissaminnut periarfissaqarput. Aalisarnermut Piniarnermullu Naalakkersuisoqarfik PNNP-mik aalisalernissap aallartinnissaa pillugu maannakkut suliaqaleruttorpoq, aalisalernerup allartinnginnerani allaffissornikkut naammassisassat suliaralugit. Aalisartut PNNP tunngavigalugu aalisalerunik annerusumik kiffaanngissuseqalissapput pilersaarutinut naleqqussarsinnaalluarnerulissallutik aamma aalisarnertik ineriartortilluarsinnaalissallugu. Aamma aqutsiveqarfik 47-mi umiatsiaararsortut PNNP-mik aalisalernissaminnut ukiut tamaasa periarfissinneqartassapput, Kim Kielsen oqarpoq.
Kim Kielsenip erseqqissarpaa aalisartut amerlasuut PNNP tunngavigalugu kingusinnerusukkut aalisalissallutik kissaateqarsimasut. Tamannalu Kim Kielsenip ajoriffissaqartinngilluinnarpaa. Kim Kielsenip aamma erseqqissarpaa aalisarneq pillugu inatsisissami siunertarineqanngimmat sukaterinissaq, soorlu uppernarsineqanngitsumik tusagassiuutinut nalunaarummi taama oqaatiginiarneqartoq. Aalisarneq pillugu inatsisissami siunertaanngilaq sinerissap qanittuani aalisartut atugaannik ajorseriartitsinissaq, soorlu akuersissutit imaluunniit pisassiissutit pineqartillugit.
- Naalakkersuisut aappaagumut aalisagartassanik suli aalajangiinngillat. Aalajangiinnginnermi Aalisarneq pillugu Siunnersuisooqatigiit aamma kattuffiit aalisarnermut tunngasumik sammisaqartut qanimut oqaloqatigineqaqqaartarput, tamannalu nalinginnaasuuvoq. Aappagu pisassiissutissat pillugit maannakkut tusarniaasoqarpoq. Taamaattumik KNAPK-ip tusagassiuutinut nalunaarutaa paasiuminaatsippara, namminermi KNAPK siunnersuisoqatigiinni ilaasortaavoq. Nalunaarummini KNAPK-p siulittaasuata suna anguniarneraa nalulluinnarpara, Kim Kielsen oqarpoq.
Kim Kielsen erseqqissaavoq KNAPK aalisarneq pillugu inatsisissami suliniutit pillugit aamma aningaasanut inatsisissami aalisarneq pillugu allassimasut pillugit paatsuungassuteqaruni Aalisarnermut Piniarnermullu Naalakkersuisoqarfimmut paasiniaalluni saaffiginninnissaminut tikilluaqqusaajuaannarmat, siunnersuinissamut oqaloqatiginninnissamullu aamma piareersimajuaannarluni.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
2025-mut aningaasanut inatsisissamut sinerissap qanittuani aalisarneq pillugu pilersinneqarsinnaasunik aamma suliniutaasinnaasunik peqannginnerarlugu uparuaavoq, taakku aalisarnermut tapersiisussaagaluarmata. Sinerissap qanittuani aalisarneq isiginngitsuusaarneqartutullusooq aamma pinerarlugu.
Aalisarnermut Piniarnermullu Naalakkersuisup KNAPK-ip nalunaarutaa akuerinngilaa isumaqarlunilu tamanna paatsuinermik tunngaveqartoq.
- Aningaasanut 2025-mut inatsisissatut siunnersuummi aalisarnermut piniarnermullu inerisartortitsinissamut 22 million koruunit missaanni aningaasaliisoqassaaq. Aamma ESU ullutsinnut naleqqussarniarlugu misissuiffigissallugu pilersaaruteqarpunga. Misissuinerup siunertarissallugu aamma qulakkiissallugu aalisartut piniartullu ullutsinnut siunissamullu piumasaat naapertorlugit tapiisalernissaq, Aalisarnermut Piniarnermullu Naalakkersuisoq Kim Kielsen oqarpoq.
KNAPK tusagassiuutinut nalunaarummini allappoq aalisarneq pillugu inatsisissaq atuutsileriaruni sinerissap qanittuani aalisartut atugaannut sukaterinermik kinguneqassasoq. Tamanna uppernarsarneqanngitsumik paatsuinermillu oqaatiginninneruvoq.
- Aalisartut kissaataat naalaartarpagut, soorlu PNNP-mik kissaateqarnerat naalaaripput. Aqutsiveqarfimmi 47-mi umiatsiaararsortut kissaatertik naapertorlugu taanna tunngavigalugu aalisarnissaminnut periarfissaqarput. Aalisarnermut Piniarnermullu Naalakkersuisoqarfik PNNP-mik aalisalernissap aallartinnissaa pillugu maannakkut suliaqaleruttorpoq, aalisalernerup allartinnginnerani allaffissornikkut naammassisassat suliaralugit. Aalisartut PNNP tunngavigalugu aalisalerunik annerusumik kiffaanngissuseqalissapput pilersaarutinut naleqqussarsinnaalluarnerulissallutik aamma aalisarnertik ineriartortilluarsinnaalissallugu. Aamma aqutsiveqarfik 47-mi umiatsiaararsortut PNNP-mik aalisalernissaminnut ukiut tamaasa periarfissinneqartassapput, Kim Kielsen oqarpoq.
Kim Kielsenip erseqqissarpaa aalisartut amerlasuut PNNP tunngavigalugu kingusinnerusukkut aalisalissallutik kissaateqarsimasut. Tamannalu Kim Kielsenip ajoriffissaqartinngilluinnarpaa. Kim Kielsenip aamma erseqqissarpaa aalisarneq pillugu inatsisissami siunertarineqanngimmat sukaterinissaq, soorlu uppernarsineqanngitsumik tusagassiuutinut nalunaarummi taama oqaatiginiarneqartoq. Aalisarneq pillugu inatsisissami siunertaanngilaq sinerissap qanittuani aalisartut atugaannik ajorseriartitsinissaq, soorlu akuersissutit imaluunniit pisassiissutit pineqartillugit.
- Naalakkersuisut aappaagumut aalisagartassanik suli aalajangiinngillat. Aalajangiinnginnermi Aalisarneq pillugu Siunnersuisooqatigiit aamma kattuffiit aalisarnermut tunngasumik sammisaqartut qanimut oqaloqatigineqaqqaartarput, tamannalu nalinginnaasuuvoq. Aappagu pisassiissutissat pillugit maannakkut tusarniaasoqarpoq. Taamaattumik KNAPK-ip tusagassiuutinut nalunaarutaa paasiuminaatsippara, namminermi KNAPK siunnersuisoqatigiinni ilaasortaavoq. Nalunaarummini KNAPK-p siulittaasuata suna anguniarneraa nalulluinnarpara, Kim Kielsen oqarpoq.
Kim Kielsen erseqqissaavoq KNAPK aalisarneq pillugu inatsisissami suliniutit pillugit aamma aningaasanut inatsisissami aalisarneq pillugu allassimasut pillugit paatsuungassuteqaruni Aalisarnermut Piniarnermullu Naalakkersuisoqarfimmut paasiniaalluni saaffiginninnissaminut tikilluaqqusaajuaannarmat, siunnersuinissamut oqaloqatiginninnissamullu aamma piareersimajuaannarluni.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl