Sillimaniarnermut illersornissamullu tunngasunik politikki pillugu oqaloqatigiinnerit Troels Lund Poulsenip Vivian Motzfeldtillu Nuummi ministerip tikeraarneranut atatillugu nukittorsassavaat

Assi: Danskit Illersornissamut Naalakkersuisoqarfiat

Ukioq manna aappassaa Vivian Motzfeldtip aggersaaneratigut illersornissamut ministerip Kalaallit Nunaat tikeraassavaa. Ministerit taakku marluullutik isumaqatigiinniarnerit sioqqullugit Issittumi pissutsit oqaloqatigiissutigissavaat, illersornissamut suleqatigiinneq Illersornissaqarfiullu Issittumi aningaasalersuineranut Kalaallit Nunaata tungaanit isiginninneq oqaloqatigiissutigineqassapputtaaq.

Issittup sakkulersuuffiunnginnissaa suli anguniagaavoq, taamaattorli nunarsuatsilli sillimaniarnermut inissisimanerup ersersippaa Danmarkip Kalaallit Nunaatalu akornanni Issittoq pillugu sillimaniarnermut isumannaallisaanermullu annertuumik suleqatigiinnissaq pisariaqartinneqartoq. Issittumi isumalluutinik aningaasalersuinermut Naalakkersuisut qanimut peqataanerat ataatsimoortumik pingaarnersiuinissamut periarfissanullu ataatsimut angusaqarnissamut aalajangiisuulluinnarpoq.

”Danskit naalakkersuisuisa anguniagaraat Kunngeqarfimmi nunat akunnerminni nukittunerusumik aaqqiinissamillu siunertaqqarluni suleqatigiinnerup annertunerusup angunissaa. Tamanna aamma illersornissamut isumaqatigiinniarnerup ingerlateqqinnerani aammalu illersornissamut politikki tamakkiisoq isigalugu atuuppoq. Illersornissamut tunngasuni, sillimaniarnermut tunngasuni minnerunngitsumillu Issittumi Tunngaviusumik ilinniartitaaneq kalaallit pingaartitaat pillguit oqaloqatigiinnissamut pitsaasumut qilanaarpunga. Ilinnialerniarlutik qinnuteqartorpassuarnit tunngaviusumik ilinniartitaanermi aallartittunit 22-iusunit 19-it naammassipput, ukiullu tulliani suli amerlanerusunik ilinniartuuteqalernissaq kissaatigaarput. Tamanna Kalaallit Nunannut Issittullu isumannaatsuunissaanut tamarmut iluaqutaassaaq.”, taama oqarpoq illersornis-samut minsteri Troels Lund Poulsen.

”Illersornissamut ministeri uangalu Issittumi illersornissamut aammalu Naalakkersuisut illersornissamut isumaqatigiinniarnermut peqataatinneqarnerat uagutsinnut assut nukittorsaataavoq, qanimullu oqaloqatigiinnitsinnut pitsaasumut illersornissamut ministerip Nunatsinnut uteqqiattumik tikeraartarnera takussutissiivoq. Issittup Issittoqarfimmi oqaloqatigiissutigineqarnera pitsaanerpaavoq. Illersornissaqarfiup Nunatsinni suliaqarneranut kalaallit innuttaasut suliffeqarfiutivullu qanoq akuutinneqarnerusinnaanersut oqaloqatigiissutigeqqinnissaanut qilanaarpunga. Nunarsuarmioqatigiinni allanngoriartortumi nunatta isumannaatsuujuaannarnissaa tamatta anguniagaraarput.” taama oqarpoq Naalagaaffinngornissamut Nunanullu Allanut Naalakkersuisoq Vivian Motzfeldt.

Illersornissamut ministerip Kalaallit Nunaannut tikeraarneranut atatillugu Vivian Motzfeldt Troels Lund Poulsenilu illersonissamut isumaatigiinniarnernut taakkulu Kalaallit Nunaannut Issittumullu qanoq isumaqarneri pillugit ammasumik Nuummi innuttaasunik ataatsimiititsinissamut aggersaapput.