Kalaallit Nunaat EU-p Ruslandimut il. il. pineqaatissiissutaanut tapersersuinerulerpoq

Namminersorlutik Oqartussat nalunaarutaanni nr. 34, 2. november 2022-meersoq aqqutigalugu Naalakkersuisut pineqaatissiissutinut arfineq pingasunut, Europami Naalagaaffiit Suleqatigiiffiata Ruslandimut il. il. atatillugu akuerisaannut, tapersersuilerput. Taamanili EU Ruslandimut, Belarusimut Iranimullu pineqaatissiissutissanik killilersuillunilu iliuusissanik arfinilinnik allanik akuersissuteqarpoq.

Pineqaatissiinerni Ruslandip Ukrainemut saassussinera pissutaasut ilagaat. Maleruagassat ullumikkumut naleqquttuutinniarlugit Kalaallit Nunaata pineqaatissiissutit killilersuillunilu iliuusissat arfinillit kingulliit taperserpai nalunaarut manna 1. januar 2025 atuutilersussaq aqqutigalugu.

Paasisaqarnerorusukkuit nalunaarut uaniippoq:
https://nalunaarutit.gl/groenlandsk-lovgivning/2024/selvstyrets-bekendtgoerelse-nr-47-af-20_11_2024?sc_lang=kl-GL

Attavissaq: Inatsisilerinermut immikkoortortaq, Naalakkersuisut Siulittaasuata Naalakkersuisoqarfia, uunga: nsninatsit@nanoq.gl.