AtuartigukAalisartut piniartullu piteqqamik piniutiminnik annaasaqartut tapiiffigineqarsinnaapput
Nassiussisuuvoq: Aalisarnermut Piniarnermullu Naalakkersuisoqarfik
Aalisartut piniartullu inuussutissarsiornerminni atortuminnik atuisinnaajunnaartut annaasaqarsimasulluunniit, soorlu anorersuarmik, ulussaarsuarmik piteqqamillu nalaanneqartut, inuussutissarsiutigalugu aalisartut, inuussutissarsiutigalugu piniartut inuussutissarsiutigalugulu nunalerinermik ingerlataqartut annaasaminnik inatsisartut inatsisaat naapertorlugu tapiiffigineqarnissaminnut periarfissaqarput.
Inuit pineqartut atortui ajoquserpata, inuussutissarsiornerminni sakkui annaaneqarpata imaluunniit napparsimaneq pissutigalugu imaluunniit allatut timikkut ajoquserluni sulisinnaajunnaartoqarpat tapiissutisisinnaapput.
Inuit taaneqartunit nalaataqartut aallarteqqinnissamut tapiissutinik qinnuteqarsinnaapput, immersugassakkut ugguna qinnuteqartoqarsinnaallutik: Aallarteqqinnissamut tapiiffigineqarnissamut qinnuteqarnissamut immersuiffissaq
Qinnuteqaammut ilanngunneqassapput qinnuteqaateqartup aningaasatigut inissisimaneranut uppernarsaatit kiisalu inuussutissarsiornermut atasumik pigisat ajoqusernerannut, annaasaqarnermut, napparsimanermut allatulluunniit timikkut ajoqusernikkut sulisinnaajunnaarnermut uppernarsaatit.
Aallarteqqinnissamut tapiissutit tunniunneqartassapput sapinngisamik soqutigisaqaqatigiit kattuffiat susassaqartoq tusarniaavigereerlugu.
Aallarteqqinnissamut tapiissutit ataasiaannarluni ikiorsiissutigineqartarput ikinnerpaamik 2.000 koruunit amerlanerpaanillu 25.000 koruunit tapiissutaasarlutik.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Inuit pineqartut atortui ajoquserpata, inuussutissarsiornerminni sakkui annaaneqarpata imaluunniit napparsimaneq pissutigalugu imaluunniit allatut timikkut ajoquserluni sulisinnaajunnaartoqarpat tapiissutisisinnaapput.
Inuit taaneqartunit nalaataqartut aallarteqqinnissamut tapiissutinik qinnuteqarsinnaapput, immersugassakkut ugguna qinnuteqartoqarsinnaallutik: Aallarteqqinnissamut tapiiffigineqarnissamut qinnuteqarnissamut immersuiffissaq
Qinnuteqaammut ilanngunneqassapput qinnuteqaateqartup aningaasatigut inissisimaneranut uppernarsaatit kiisalu inuussutissarsiornermut atasumik pigisat ajoqusernerannut, annaasaqarnermut, napparsimanermut allatulluunniit timikkut ajoqusernikkut sulisinnaajunnaarnermut uppernarsaatit.
Aallarteqqinnissamut tapiissutit tunniunneqartassapput sapinngisamik soqutigisaqaqatigiit kattuffiat susassaqartoq tusarniaavigereerlugu.
Aallarteqqinnissamut tapiissutit ataasiaannarluni ikiorsiissutigineqartarput ikinnerpaamik 2.000 koruunit amerlanerpaanillu 25.000 koruunit tapiissutaasarlutik.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl