AtuartigukNunap immikkoortuini 2025-mi tikaagullittassat agguaanneri
Nassiussisuuvoq: Aalisarnermut Piniarnermullu Naalakkersuisoqarfik
Kitaani
Kitaani tikaagullittassat tamakkerlutik 164-iupput. Taakku ima agguaanneqarput; 110-t angallatinut qamutililinnut pisassiissutigineqarput 54-it ataatsimoorlutik piniaqatigiittunut pisassiissutigineqarlutik.
Qamutilissortut kiisalu ataatsimoorluni tikaagullinniat ukioq naallugu tikaagullinniarsinnaapput, tassa januarip aallaqqaataaniit decemberip 31-at ilanngullugu.
Qamutilissortut kiisalu ataatsimoorlutik tikaagullinniat teknikikkut piumasaqaatinik nalunaarutini allassimasut naapertorlugit naammassinnissimasutut akuerineqarsimasut tikaagullinniarsinnaapput.
Nunap immikkoortuini ataatsimoorluni tikaagullinniartunut pisassiissutit ima agguataarneqarput:
| Ataatsimoorluni tikaagulliit 2025 | |
| Kalaallit Nunaata kitaani * | 2025-mut pisassiissutit |
| Qaanaaq | 1 |
| Upernavik | 4 |
| Uummannaq | 3 |
| Ilulissat | 4 |
| Qeqertarsuaq | 5 |
| Qasigiannguit | 4 |
| Aasiaat | 4 |
| Kangaatsiaq | 5 |
| Sisimiut | 3 |
| Maniitsoq | 3 |
| Nuuk | 3 |
| Paamiut | 2 |
| Narsaq | 5 |
| Qaqortoq | 3 |
| Nanortalik | 5 |
| Tamakkerlugit | 54 |
| * Qaanaaq, Upernavik, Uummannaq, Qasigiannguit, Qeqertarsuaq, Kangaatsiaq, Narsaq aamma qamutilinnik tuukkartalinnik angallateqanngillat. |
|
Tunumi
Tunumi tikaagullittassiissutit tamakkerlutik 20-upput. Ataatsimoorlutik tikaagullin-niarnissamut teknikikkut piumasaqaatinik nalunaarutini allassimasut naapertorlugit naammassinnissimasutut akuerineqarsimasut januaarip aallaqqaataanit decembarip 31-annut tikaagullinniarsinnaapput.
| Ataatsimoorluni - tikaagulliit 2025 | |
| Tunumi tikaagulliit* | 2025-mut pisassiissutit |
| Ittoqqortoormiit | 2 |
| Tasiilaq | 18 |
| * Ittoqqortoormiit aamma Tasiilaq angallatinik tuukkartalinnik qamutililinnik peqanngillat. | |
Pisassiissutit nalimmassarneqarnerat januarimi pissaaq 2024-mi pisarinngitsuukkat tunngavigalugit.
2024-mut pisassaniit pisarinngitsuukkanik ukiumut tullermut 2025-mut nuussisoqarsinnaavoq, IWC-mi 2018-imi aalajangigaq tunngavigalugu; Kalaallit Nunaata Kitaani tikaagullittassaniit tikaagulliit pisarineqanngitsoortut ukiumut amerlanerpaamik 82-it nuunneqarsinnaapput. Tunumi pisarinngitsuukkanik nuussisinnaanermi killissarititaasoq tassaavoq tikaagulliit qulit.
APN pisassiissutinik sinnerussimasinnaasunik kingusinnerpaamik septembarip aallaqqaataani agguaasseqqittussaavoq, KNAPK-mut aamma kommunit sinniisuinut tusarniaareerluni, nalunaarummi § 9, imm. 1 naapertorlugu.
Piniarnernut piumasaqaatit (www.nalunaarutit.gl)
Arfernik angisuunik uku naapertorlugit piniartoqartassaaq:
- Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 9, 6. december 2018-imeersoq
- Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.
Nunatsinnut arferit angisuut pisassiissutigineqartut Arfanniarnermut Ataatsimii-titaliarsuup siunnersuutai naapertorlugit aalajangerneqartarput, ataatsimiititaliarsuaq pisassiissutigineqartut amerlassusiinut aalajangiinissaminut piginnaatinneqarluni. Ukiunut arfineq marlunnut 2019-imit 2025-mut atuuttumik pisassiisoqartarpoq, ukiumut pisassiissutaasarlutik tikaagulliusaat, arfiviit, qipoqqaat, Kitaani tikaagullittassat aamma Tunumi tikaagullissat. Ukioq pisassiiffiusoq naagaangat nalilersuisoqartartussaavoq, uki-up tullissaanut pisassat nalimmassarniarlugit siunnersuisoqartoqarsinnaavoq pisassanillu qaangiisoortoqarsimanersoq nalilersuisoqartarluni.
Sukumiinerusumik paasisaqarusukkaanni Amalie Jessen Aalisarnermut Piniarnermullu Naalakkersuisoqarfimmi immikkoortortami pisortaq attavigineqarsinnaavoq, oqarasuaat 34 53 04, e-mail:
amalie@nanoq.gl