AtuartigukNunani tamalaani nalunaarasuartaatinik neqerooruteqartut aamma Kalaallit Nunaanni nalunaarasuartaateqarnermut niuerfik pillugit nassuiaat
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Nalunaarusiap ”Qaammataasat: Periarfissat navianartuusinnaasullu” tamatuma saqqummiunneqarnissaa aammalu Inatsisartunut nassiunneqarnissaa, Naalakkersuisut ulloq 1. november 2024 ataatsimiinnerminni akueraat. Nassuiaat nunani tamalaani nalunaarasuartaatinik neqerooruteqartunut aammalu Kalaallit Nunaanni nalunaarasuartaateqarnermut niuerfimmut tunngassuteqarpoq.
Tunngavigineqartoq tassaavoq teknologiikkut ineriartorneq, tamatuma kingunerisaanik nunani tamalaani nalunaarasuartaatinik neqerooruteqartartut maannakkut teknologiikkut toqqaannartumik kalaallinut atuisunut qaammataasakkoortumik internet-imik pilersuisinnaallutik. Tamanna maannakkut inatsisitigut akuerisaanngilaq. Kalaallit Nunaanni nalunaarasuartaateqarnermi niuerfik qanoq nunani allani nalunaarasuartaateqarnermi niuerfinnit allaanerunersoq, aammalu nunani tamalaani nalunaarasuartaatinik neqerooruteqartartut Kalaallit Nunaanni nalunaarasuartaateqarnermi niuerfinni unammillernissamut killeqanngitsumik periarfissaqarnissaannik akuersinermi ajornartorsiutit suusinnaanersut, nassuiaammi misissorneqarpoq.
Nassuiaammi inerniliussat, ulloq 25. oktober 2024 qaammataasat aamma Kalaallit Nunaanni nalunaarasuartaatitigut attaveqaqatigiinnerup siunissaa pillugit isumasioqatigiinnermi, saqqummiunneqarput. Nalunaarasuartaatitigut attaveqaqatigiinnerup pitsaanerunissaanik pisariaqartitsineq aammalu namminersortunngorsaanermi aarlerinaataasut pillugit uummaarissumik oqallittoqarpoq, tassanilu inuit 30-it missai peqataapput.
Naalakkersuisoq Hans Peter Poulsen oqarpoq:
” Inuiaqatigiittut nammineerluta aqussinnaasatsinnik nalunaarasuartaatitigut attaveqaateqassaagut, taamaalilluni nalunaarasuartaatitigut attaveqaatit tamaginnut iluaqutaassallutik. Sumiiffiit ilaanni oqarasuaatinut attaviluppallaarpoq. Teknologiikkut ineriartorneq nutaanik periarfissaqalersitsivoq, taakkualu inuiaqatigiit tamakkerlugit iluaqutaasussamik atussavagut.
Nassuiaatip aammalu isumasioqatigiinnermi oqallinnerup takutippaa nunatsinni nalunaarasuartaatitigut attaveqaasersuutit nunani allani suliaqartuusunut allanik soqutigisalinnut suliassanngortinnissaat mianersuutissagipput.”
Nassuiaat aamma isumasioqatigiinnermi oqallinneq, nalunaarasuartaateqarnermut inatsisit iluarsaanneqarlutik suliaqarnermi ingerlasumi ilaatinneqassapput.
Nassuiaat ”Qaammataasat: Periarfissat navianartuusinnaasullu” uani takuneqarsinnaavoq
https://kanat.gl/-/media/transportkommissionen/rapporter/telekommunikation/redegorelse_satelitter_muligheder_og-trusler_kal.pdf
Paasissutissanik annertunerusunik piniarnermi attaveqarfigineqassaaq Ineqarnermut Attaveqaasersuutinullu Naalakkersuisoqarfik uunga box909@nanoq.gl
Tunngavigineqartoq tassaavoq teknologiikkut ineriartorneq, tamatuma kingunerisaanik nunani tamalaani nalunaarasuartaatinik neqerooruteqartartut maannakkut teknologiikkut toqqaannartumik kalaallinut atuisunut qaammataasakkoortumik internet-imik pilersuisinnaallutik. Tamanna maannakkut inatsisitigut akuerisaanngilaq. Kalaallit Nunaanni nalunaarasuartaateqarnermi niuerfik qanoq nunani allani nalunaarasuartaateqarnermi niuerfinnit allaanerunersoq, aammalu nunani tamalaani nalunaarasuartaatinik neqerooruteqartartut Kalaallit Nunaanni nalunaarasuartaateqarnermi niuerfinni unammillernissamut killeqanngitsumik periarfissaqarnissaannik akuersinermi ajornartorsiutit suusinnaanersut, nassuiaammi misissorneqarpoq.
Nassuiaammi inerniliussat, ulloq 25. oktober 2024 qaammataasat aamma Kalaallit Nunaanni nalunaarasuartaatitigut attaveqaqatigiinnerup siunissaa pillugit isumasioqatigiinnermi, saqqummiunneqarput. Nalunaarasuartaatitigut attaveqaqatigiinnerup pitsaanerunissaanik pisariaqartitsineq aammalu namminersortunngorsaanermi aarlerinaataasut pillugit uummaarissumik oqallittoqarpoq, tassanilu inuit 30-it missai peqataapput.
Naalakkersuisoq Hans Peter Poulsen oqarpoq:
” Inuiaqatigiittut nammineerluta aqussinnaasatsinnik nalunaarasuartaatitigut attaveqaateqassaagut, taamaalilluni nalunaarasuartaatitigut attaveqaatit tamaginnut iluaqutaassallutik. Sumiiffiit ilaanni oqarasuaatinut attaviluppallaarpoq. Teknologiikkut ineriartorneq nutaanik periarfissaqalersitsivoq, taakkualu inuiaqatigiit tamakkerlugit iluaqutaasussamik atussavagut.
Nassuiaatip aammalu isumasioqatigiinnermi oqallinnerup takutippaa nunatsinni nalunaarasuartaatitigut attaveqaasersuutit nunani allani suliaqartuusunut allanik soqutigisalinnut suliassanngortinnissaat mianersuutissagipput.”
Nassuiaat aamma isumasioqatigiinnermi oqallinneq, nalunaarasuartaateqarnermut inatsisit iluarsaanneqarlutik suliaqarnermi ingerlasumi ilaatinneqassapput.
Nassuiaat ”Qaammataasat: Periarfissat navianartuusinnaasullu” uani takuneqarsinnaavoq
https://kanat.gl/-/media/transportkommissionen/rapporter/telekommunikation/redegorelse_satelitter_muligheder_og-trusler_kal.pdf
Paasissutissanik annertunerusunik piniarnermi attaveqarfigineqassaaq Ineqarnermut Attaveqaasersuutinullu Naalakkersuisoqarfik uunga box909@nanoq.gl